حنين

17

رؤي انتحرت ي بنات اااي انتحرت وفارقت دنيا ذعلت عليها شديد ذي تقول ماتت لي وحده بعرفها وهمام برضو ذعل امكن عشان م قدر اساعدها مرت علينا ايام كنا حتي م بنتكلم مع بعض وانا كنت بمش بيت بكاء كتير معنو م مرحب بي هناك ناس افتكرت انو رؤي انتحرت بي سببي بي سبب همام وانا حلفت همام انو سر رؤي اندفن معاها يحليلا مسكينه كانت ضحيه لي طيش الشباب ( من هنا بوصي اي بنت علي شرفها و سمعتها وانو م توطي عين اهلا وانو م تغضب ربنا وتحافظ علي نفسها شرفكم امانه احفظو الامانه لمن اجي زول بستحقها)
😎😎😎😎😎😎😎

يوم السابعه خالتي امنه كانت ماشه علي بيت البكاء هي ومني سايقم السواق وحصل ليهم حاااادث السواق مات 🤕🤕🤕🤕🤕🤕🤕🤕🤕 نقلوهم المستشفي مني م اتاذت شديد كراعها انكسرت لكن خالتي امنه حصل ليها كسر في سلسله الفقريه و للاسف شديد عملت ليهة شلل مشينا مستشفي انا وامي وابوي واحمد لمن وصلتا لقيت همام قاعد في ركن وابكي ذي شافع صغير بطول حسو قعدت مع في واطه وبكيت قدرتي قلت لي همام دا امتحان وربنا ابتلانا بي لازم تتحمل عشان اهلك تقويهم وانا معاك م تخاف علي طول معاك قالي شكرا طول عمرك اصيله دخلت لي مني كانت عندها كدمات كتيره في جسمها وراسه بستها في راسه قلت ليها حمد الله علي سلامه قالت لي امي وين دايره امي قلت ليها انك كويسه ي مني انتي ارتاحي

مشيت شفت خالتو امنه صراحه كانت مضرره شديد لقيت امي تبكي عشان هي عشرت سنين قلت ليها سلامتك ي خالتي بتعاين فيك بس م بتتكلم نهائي اليوم التاني رجعنا شلنا فطور فطرنا كل في مستشفي وشلت لي خالتو امنه ومني شوربه وخالتي كانت مستغربه من تعاملي معاها بعد العملتو فيني وم لقت زول وقف معاها غيرنا اشيل واخت فيها احدي م اتخرجت من مستشفي كنت علي طول بهتم بيها واقيف معاها واعمل ليهم الاكل امش جامعه اجي اقعد معاهم لي 10 بليل ابو همام قال لي خالتو امنه شفتي البت بت الحرام طلعت بت حلال كيف شفتيها م قصرت معاك ومع مني خالص قالت لي ااي والله البت ظلمتها و م تستاهل ....... جيتم بالمساء من الجامعه لقيت شعرها منكوش سرحت ليها و مسحتها وريحتها وسرحت لي مني و سويت ليهم الغداء لمن جيت طالعه قالت لي اديك العافيه ي بتي ياكي بتي الربيتها مع مني م قصرتي معاي سلمت عليها في راسه قلت ليها دا واجبي ي خالتو امنه انتي ذي امي جاء داخل همام بعاين لي من بعيد مبسوط مني لمن طلعت الحوش جراني من يدي سلم علي في يدي قالي انا كنت عارف انك م حتخذليني يا حبيبتي قلت لي همام بطل عواره ومشيت بيتنا الامتحانات قربت شديد وانا م مركزه قعدتا قريت و بكره كان يوم جمعه ايه وعدتني انها تجي تزاكر معاي بعد الصلاه نمت صحيت بدري سويت شاي باللقيمات وديت لي ناس خالتو امنه اللقيمات و جيت راجعه امي ظبطت عصيده بي تقليه و شطه خضراء شلناها ومشينا عليهم فطرنا معاهم وجيت البيت سرعه دخلت الغرفه لقيتها كلها ورود وبلونات و5 كراتين هدايا كبيره استغربت طلع لي همام من ورا ومعاهو ايه و احمد اتاري عيد ميلادي وانا عبيطه م اتزكرت ياخ كانت اسعد لحظه اعز ناس بعايدوني في عيد ميلادي جلبطوني بي تورته تمممام و كان اسعد يوم ياخ ظريف شديد طلعنا مشينا اتفسحنا و اتونسنا وفرقنا ..... احمد قال لي ايه ممكن اسيف رقمك قالت لي طوالي شال رقمها وبدا بينم تواصل وحب كانيات الحمد لله بقينا نمش بالعربيه من البيت لي الجامعه مجان بي عربيه احمد ههههههههه وفرنا قروش .....