حنين

النهاية

بدينا نجهز انا وايه سوا في ترتيبات العرس وكانت ايام اشبه للخيال و حلوووة شديد شهر جري جري ممممممبالغه في

الزواج كان يوم جمعه قبلي يوم الخميس مشينا رسمنا الحنه واحساس حللووووو انك مبسوطه لي صحبتك وليك ولي اخوك يعني احساس جميل

بليل اتصل علي همام قالي حبيبتي حقتي براي الحنه طلعت كيف قلت لي م حلوة قالي معقوله دي اها ي عسل بكره اليوم الموعوووود قلت لي كيف يعني قالي كيف يعني بوريك ليها بكره قلت لي همام م دايره معاك عواره قعد اضحك قالي مهم رسلت ليك حاجه مع مني اختي م تنسيها قلت لي شنو قالي كمون عشان م اسحروك لي 😙😙😙😙😙😙

قلت لي اسحرو شنو ي يمه قالي اسحرو قمري براي يلا ي بت م تساهري ونومي عشان بكره يوم طوووويل ونهايتو مؤلمه قعد اضحك نمتا كنت تعباااانه من قعدت الحنه صباح امي جاتني قالت لي يلا امرقي بدري حبيبتي عشان م اشوفوك ناس واتكمكمي طلعت لقيت احمد واقف بره مشينا غشينا ايه ومشينا الكوفير ..

بالنهار كان العقد بعد صلاه جمعه بعد العقد همام اتصل لي قالي ي مراه علي بالطلاق مشتاقين ومبروووك لينا العشه الزوجيه ان شاء الله اقلبك بالمال وتقلبيني بالعيال قلت لي غايتو انت حتي وانت كملت نص دينك م جادي قلت لي مبروك علينا وان شاء الله م اخذلك قالي ي مراه خليك مستعده بعدين انا جاي اسوقك يلا انا ماشي صالون.....

لبسنا انا وايه زفافات اوف وايت ايه طلعت ممممممموزة ياخ بالجد حلوة مراه اخوي اها ذي ساعه 8 نحنا جاهزين اتصلت لي همام وين انت م وصلت لسه قالي بطلي شفقه انا بره تعالو طلعنا ...همام لابس طقم اوووف وايت نفسيااااااات وحالق جديد وحركات كده قرب اطفيني لمن شافني لمن دمع جاء مسك يدي وباسني في راسي وقالي ف اضاني مرتي الحلوة انا م مصدق انو انا راجلك والله بالذفاف تجنني انا شكلي حاسوقك وحاجلي الحفله قلت لي همام😏😏😏😏😏بطل بكش احمد وايه كانو بعاينو فينا قالو لينا حلوين ياخ احمد اخوي جاء حضني وقالي اختي ياخ طالعه سكر بالجد مبسوط ليك قلت لي وانت طالع عسل ومبروك ليك اتحركنا اتصورنا في ماجستك ماخلينا لقطه واتحركنا علي الصاله قلت لي احمد الا تدخل انت اول دخل وبعديهو نحن رقصنا اسلو وقالي عمري م حاذعلك كان يوم حلوووو والحفله عالميه مجموووعه من الفنانين رقصنا وبعدي عملنا الجرتق رشيتو رش بالبن ......

بعد الحفله خلصت ابوي جاب لي 6 غوايش هديه وقعد ابكي وامي تبكي وهم بودعو فيني وخالتي امنه برضو تبكي قالت لي لو كنت بمش لسه ي بتي كان رقصت معاك قلت ليها الله اديك العافيه خالتي وسافرنا ماليزيا كلنا وعشنا ايام بجد شهر عسسسل و فرحت ربنا اديم الفرح وجبت بنوووته حلوة اسمها رونق و ايه واحمد تيمان بتين سموها تاليه وتالين
😍😍😍😍😍😍😍😍😍😍😍😍😍😍😍

همام سافر لندن وانا خلصت جامعه وحصلناهو هناك وعشنا سوا اجمل اتنين وبقينا كل شهر نرسل لي ناس المايقوما تبرعات وفكرنا نفتح دار رعايه لي مجهولي الهويه وبدينا ترتيبات......