انتقام الاشباح

→١٠←

بعد ما دخلو الغرفة.

رفعوا السجادة.

مازن: انت جاي تهزر يا استاز على انت متعرفش انى ممكن البسك القضيه دي.

على: فى ايه لكل ده.

حسام: فى ايه انت مش واخد بالك انى مفيش باب فى الغرفة اصلاً.

على: مستحيل والله انا شفته بعينى.

مازن: شفت ايه واحد ميت داخل غرفة فى الجنينه لاء و مش كده و بس لاء كمان نزل فى باب تحت الارض، طب انا هخدك على قد عقلك وفعلاً هقول انه صحى وجه الغرفه و كمان نزل تحت الارض بس فين الباب الى نزل منه اختفى مثلاً.

حسام: اتفضل ارجع الفيلا حالاً بعد ازنك.

على: عن ازنكوا.

وبعد كده.

عادل: اهدى شويه يا مازن متنساش انك تعبان.

مازن: انت مش شايف انهم بيستهبله كل واحد فاكر نفسه بيمثل فيلم رعب.

حسام: انت متعصب ليه انت اساساً من الاول عارف انه الى بيقوله على ده محصلش و الدليل انك قولتلى هات المسدس وتعاله يعنى انت كنت هتموت واحد ميت بالمسدس.

مازن: انا افتكرت انه ممكن يكون حد تانى وهو اتهيقلوا انه احمد (وهو متوتر و ظاهر عليه الكدب ).

حسام: كفايه كذب بقى انت عارف انى مستحيل كل الى هما بيقلوه والى انت شفته ادام المرايه تهيقات.

مازن و عادل بصلوا بستغراب اوى.

عادل: انت فعلاً شفت حاجه من الى هو بيقول عليها دي.

مازن : ثانيه واحده بعد ازنك يا عادل، انت عرفت منين يا حسام انى شفت حاجه و ادام المرايه انا متاكد انى مقلتلكش.

وجه العسكرى قطعهم.

العسكرى: استاذ مازن الظرف ده جه لحضرتك.

مازن: شكراً اتفضل انت على شغلك.

ومازن كان هيفتح الظرف.

حسام: متفتحهوش.

مازن: فى ايه يا حسام انت مالك اليومين دول بقلك ايه انا اديتك اجازه يومين روح استريح ومترجعش الى بعد اليومين دول.

حسام: انا اسف مقدرش اخد اجازه و اسيبك.

مازن: خلاص برحتك.

 بليل كانوا قعدين كلهم بيتغدوا.

جه تليفون لمازن انه يمشى العساكر كلهم ويفضل هو يحقق فى القضيه هو و حسام وعادل.

مازن فعلا مشى العساكر وفضلوا هما و المتهمين بس.

حسام: الفيلا دى وسعه اوى وفى غرف فيها احنا منعرفش عنها حاجه احنا لازم ندرس الفيلا دى وكويس هى و الجنينه الى وراها.

مازن: معاك حق نبدأ بالجنينه.

واول ما بدأوا سمعوا صوت صويت عالى اوى فى الفيلا وطلعوا يجروا على الفيلا.