انتقام الاشباح

→١١←

دخلوا الڤيلا.

مازن: هى الڤيلا ضلمه كده ليه هات الكشفات و تعالى ورايه بسرعه.

حسام: لاء استناني متتحركش لحد ما اجى.

مازن: طب يلا بسرعة.

راح حسام جاب الكشفات وجه.

وهما دخلين الڤيلا مازن لقى فى دم على الارض نقط نقط و بتقدهم لطريق عشان يمشوا فيه.

حسام: هما راحو فين كلهم ملهمش صوت كده ليه؟

مازن بخوف: مش عارف ندى، يا وليد، يا على، يا ندى.

قعد ينادى بصوت عالى.

حسام: مفيش فايدة محدش بيرد، انا ابتديت اقلق.

مازن: متقلقش احنا هنفضل مشين ورى اثار الدم لحد لما نوصل لمكان.

عادل: اه ااااااااه.

حسام: سامع فى صوت.

مازن: مين هنا؟

عادل: اه ااااااااااه.

قعدوا ينوره بالكشاف ويدوره على مصدر الصوت.

حسام: مازن ده عادل اهوه.

مازن نور اتفاجئ بمنظر عادل ورأسه الى كلها دم.

مازن وحسام: عادل، عادل ايه الى عمل فيك كده.

عادل: اه اااااااه.

مازن: قوم تعال معايا.

وسعدوه يقوم و يروح عربية الاسعاف و ربطوله رأسه.

مازن: ايه الى عمل فيك كده؟

عادل: انا كنت داخل الڤيلا وشفت على كان واقف و -------
حسام: على الى عمل فيك كده؟

عادل: لاء بس النجافه الى فى الصاله كانت بتتهز بشكل غريب كأن في حد ماسك فيها وبيهزها و لقيتها ابتديت تنزل شويه شويه جريت و زقيت على فوقعت عليا و فصلت الكهرباء كلها.

مازن: طب هما راحو فين؟

عادل: مش عارف انا محستش بحاجه بعديها.

حسام: طب احنا دخلين ندور عليهم استنانه هنا.

عادل: لاء انا هاجى معاكم.

ودخلوا تانى وخبتوا فى رشا.

رشا: عااااااااع.

مازن: اهدى هما فين؟

رشا: مش عارفه.

مازن: طب تعالى معانا لما ندور عليهم.

وبدأوا يفتشوا ويدخلو الغرف غرفه غرفه بس للاسف ملقوش حاجه خالص.

الڤيلا خلصت و ملقوش حد.

رشا: لاء لسه فى غرفه وحده فى الجنينه و الباب السرى الى على قال عليه.

مازن: تانى باب سرى انتوا مجانين.

رشا: تعالى انا هوريك.

وراحو الجنينه وشالت رشا السجادة و داست فى حته معينه على الارض.

وظهر الباب.

فتحت الباب الغرفة ضلمة جداً.

دخلوا الغرفة والباب اتقفل فجأه عليهم حسام حاول يفتحه بس للاسف معرفش.

النور اشتغل لوحده والغرفه شكلها غريب الديكور كل حاجه دى يعنى الحطان كانت عباره عن مريات بتعكس الصور الى خارج الغرفة الغرفه واسعه جدا كانها كانها-----.

مازن: احنا فين.

رشا بدأت تعيط: احنا ف فى العالم الاخر.

حسام: ايه؟