اصدقاء !! لا اظن

الفصل 31

ذهب محمود الى مازن فوجد معاذ هناك
محمود : السلام عليكم ، اميييزو
مازن : وعليكم السلام ، تعالى اقعد
محمود : لا نقعد ايه ، انا عايز اخرج ولا ايه يا عم معاذ!! ، ولا شاطر بس تصحيني من احلاها نومة تقول نخرج
معاذ : قلبك اسود اوى ياض
محمود : توشكر يا زوق
مازن : هخلص الورق ده واقوم معاكو
محمود وهو يجلس ويتنهد : افرجها يا رب
وسرح فيها .....
، ضربة معاذ بقدمه فنظر له فغمز له وأشار الى مازن ، ابتسم محمود بشر
وقام كلاهما الى جانبي مازن وفجأة قام كلاهما بلكم وجهه كل من جهة
: اااااااااه
ولكنها ليست صرخة مازن بل صرختهما :
كان مازن منهمك في عمله وحين تحركا لمح طيفهما ولكنه لم يرفع نظره عن الاوراق و حين اقتربا دفع المكتب بقدمه ليعود للخلف وهو لازال ينظر بالورق فتصطدم قبضة كل منهما بذراع الاخر
محمود ومعاذ : ااااااه
لم يستطع منع ضحكاته ، نظرا له بغيظ
فقال : احسن ، هتضربونى!! انت اهبل يالا انت وهو !! وكمان بوكس في وشى !! اتجننتوا !!
امسك كل منهما عضده بألم ، ولم يتحدثا
مازن وهو يهز راسة : من حفر حفره لاخيه
اكمل معاذ باسى : وقع فيها
___

كانت لمى في مكتبها كما العادة تنهى احد التصميمات ، ثم وقف أمامها يعقد ذراعيه امام صدره وينظر لها ، شعرت بشخص ما فنظرت أمامها فوجدته ، امتقع وجهها ثم قالت بهدوء
لمى : اتفضل يا استاذ محمد ، اقدر اساعدك بأية ؟!
ابتسامة ساخرة ارتسمت على وجهه ثم محاها سريعا ، وجلس في الكرسي المقابل لمكتبها : عايز اتكلم معاكى
همت صديقتها بالرحيل فاوقفتها : استنى !!
ثم نظرت له : ده مكان شغل !!
محمد ببرود : عارف ، وانا هنا عميل برضو
لمى بجدية : وحضرتك جاي عشان الشغل !!
محمد : ايه اللى حصل ؟!
لمى : بخصوص ؟!
محمد : انتى بجد كده فسختى الخطوبة ؟! ، عشان فستان !!
لمى : حضرتك ده مكان شغل !! ومعنديش وقت للكلام ده !!
محمد بعصبية : خلاص تعالي نخرج
لمى : انا عندى شغل
قام محمد بعصبية وامسك ذراعها : قومى يا لمى
سحبت يدها وهتفت بحنق : انت مفكر نفسك مين !! ، بعد اذنك اطلع برا
قال بنفاذ صبر : لمى ، بهدوء كده انا عايز اتكلم معاكي عشان اللى حصل
لمى ( ياربي عايزة اخلص !!) : وانا مش هينفع اخرج معاك !!
محمد : يبقى نتكلم هنا !!
زفرت بضيق : وقت البريك بقى ، لكن دلوقتي عندى شغل !!
محمد ببرود : تمام مفيش مشاكل !!
زفرت بحنق واكملت عملها وهى تحاول تجاهله بينما هو لم ينزل عينيه من عليها !! ، مما اغاظها بشدة !!
___

توجهت رغد الى منزل ملك بعدما اتصلت بسلمى
كانت متوترة قليلا
استقبلتها هالة واعتذرت عما بدر منها للمرة الألف تقريبا !! ، ثم احتضنتها بامتنان
هالة : ربنا يكرمك يارب ، أنا بجد مش عارفة اكافئك على جميلك ده !!
رغد : انا معملتش حاجة يا طنط
اخذتها الى غرفة ملك التى كانت منكمشة على نفسها تضم ركبتيها إلى صدرها حتى انها لم تقوم لرغد وتسلم عليها !!
رحلت والدتها تحضر لهم الغداء فقالت ملك : النوت معاكى صح !!
نظرت لها رغد ولم تتحدث ، فقالت : عندى اكتر من اربع دفاتر مكتوب فيهم حاجات زى دى !! ، بس بلاك اكبرهم !!
زفرت بهدوء وهى تكمل : شوفي عيلتي ؟!!
ولم تنتظر إجابة فاكملت : بيلومونى !!
نظرت لها رغد بصمت لم تخرج عنه مذ دخلت لملك
فاوضحت ملك : انا مغلطتش يا رغد !! هما سابونى !! هما اللى مكنوش شايفينى !! هما اللى خلونى هامش في حياتهم !! وهيلومونى لو عرفو الكلام ده
رغد : بس محدش قرأها !!
ملك : اللى معاكي بس !! وكمان سلمى قراتها
ثم اضافت بانفعال يطبع عليها هدوءها والذي كانت قضت عليه من قبل مع رغد والفتيات : مين سمحلهم اصلا يقرأوهم !!
وقالت بصوت منخفض حزين نادم وهى تضع راسها على ركبتيها وتنظر أمامها بشرود : ياريتني متصلتش بيها !! كنت ارتحت وخلاص !!
صدمت رغد من تفكيرها فوجهت وجه ملك إليها : انتى بتحبيهم صح !!
اغمضت ملك عيناها فسقطت دموعها : انا مش فارقة معاهم !!!
رغد : انتى بتحبيهم ، تفتكري هما مش بيحبوكى !! ، مامتك فضلت بتعيط من ساعة ما دخلتى المستشفى ولحد ما طلعتى من العمليات وبقيتي كويسة !! سلمى كمان كانت منهارة ، اخوكى ساب شغله وفضل في المستشفى معاكى !! وباباكى كان بيرجع من الشغل عليكي !! ازاى مش فارقة معاهم ؟!!
ملك : بس هما غلطانين
رغد : عارفة معاكى حق ، بس انتى كمان غلطانة ، مكنش لازم كل ده
ملك بانفعال : لا كان لازم !! كان لازم اتعب عشان يحسوا بيا وبإني موجودة !! كان لازم اتالم عشان ميقولوش تلاقيها نزلة برد ، كان لازم ادخل المستشفى عشان يهتموا !!
رغد بحزن على صديقتها : ملك هما غلطوا بس فهموا غلطهم وعايزين يصلحوه !! ، وبعدين انتى فهماهم غلط تماما
ملك : ازاى يعني ؟!
رغد : لا ده هما اللي يردوا عليه مش انا ، اقعدوا سوا اتكلموا وقولوا ايه المشاكل وحلوها !! وبعدين دى تجربة وقدر من ربنا والحمد لله محصلش حاجة!!
صمتت كلتاهما ثم قالت ملك بحزن : انا غلطت انا عارفة وهما غلطوا ده اكيد ، ومحدش دفع تمن الغلطات دى غيرك !!
، ثم نظرت لها بدموع : محدش دفع تمن إهمالهم غيرك !! انا اسفة اوى
ابتسمت رغد وهى ترفع يداها بمزاح : انا شخصيا مدفعتش حاجة شوفي الفاتورة راحت فين !!
ابتسمت ملك واحتضنتها : كنت هبقى اسعد شخص لو انتى اختى بجد
رغد : طيب ما احنا اخوات اصلا !! بس استحملى انتى بقى عشان اللى ربنا ستره كتير ، دا انا فضيحة
ضحكت ملك وهى ما زالت بحضن رغد ، ثم قالت : انتى هتيجي تانى صح !!
رغد بحرج : بصراحة مش اكيد ، عشان والدك واخوكى ، بس انتى هتيجي عندنا اكيد
ملك : إن شاء الله
دفعت رغد ركبة ملك قائلة : قومى بقى اتوضي عشان نصلي يا كسولة
ملك بضحك : حاضر
_____