في المستشفي
حين افاقت ملك وجدتهم حولها
هالة بقلق : ملك انت كويسة ؟
ملك بتعب : الحمد لله ، في ايه ؟
هالة : تعبتي خالص ، منها لله هي السبب
ملك بتعجب و تعب : هي مين
هالة : اللي ما تتسمى رغد ، بس اخوكي هيجبلك حقك ، قومى انت بالسلامة بس
ماجد : اكيد يا ملك ، بس قومي انت بالسلامة وهي هتروح ورا الشمس
ملك وعيناها تنذر بالبكاء : انتو عملتو فيها ايه ؟
هالة : ماجد راحلها مرمطها ، هي السبب صح ، انا شوفتها بتديكي البرشام اللي عمل فيكي كده
ملك وهي تبكي فعلا : لا مش صح ، رغد ملهاش ذنب وبعدين انا عندى فشل كبدى مش بالبرشام
كامل بتعجب : انتى عارفة !! ازاى
ملك : عشان رغد كشفت عليا واهتمت بيا وبمرضي ولما سافرت انا مخدتش الدوا فتعبت ولما رجعت ادتهولى تانى
هالة : وازاى تعبتي بقى!!
ملك ببكاء هستيري : مكنتش خدته بقالي كتير ، رغد مش عملت حاجة ، انت عملت فيها ايه !!
ماجد بأسى: معملتش حاجة فيها
ملك : لا انت اكيد عملت فيها حاجة ، انت عصبي ومش بتسمع لما تضايق اكيد عملت فيها حاجة
ماجد : لا يا ملك معملتش حاجة
ملك وقد هدأت قليلا : بجد !! هي كويسة ؟
اومأ براسه بنعم : ايوة نامى انت عشان تعبانة
ملك : عايزة اشوفها
ماجد : حاضر بس ارتاحي انت دلوقتي
هدات ملك وبعد قليل نامت بالفعل ، وبعدها اتت سلمى
كان ماجد جالس بالردهة امام غرفة ملك ممسكا برأسه ، جلست سلمى بجانبه واخرجت الدفتر من حقيبتها واعطته له دون حديث وهى تبكى ، نظر لها بتعجب فنظرت للدفتر فامسكه و قرا ما به ثم اعاد النظر اليها
ماجد : عارف ، ملك قالت كده
سلمى : عملت فيها ايه
ماجد بندم : روحتلها وهزقتها وضربتها بالقلم وهددتها
سلمى : وهتعمل ايه ؟!
ماجد : مش عارف
سلمى : روح اعتذرلها وانا هروح معاك
نظر لها مطولا فقالت : يالا
وبالفعل ذهبا الي منزلها ولكنهما لم يجدا احدا بالداخل
ماجد: مش جوه
سلمى : طيب تعالي نروح لملك
****
حين خرجت لمى ورغد من المشفى اصرت لمى ان تعود رغد معها لمنزل والدها كي لا ياذيها ماجد ثانية وخضعت لها رغد فعادت واخذت بعض ما يلزمها وذهبت لمنزل لمى
*****
كان مازن يفكر فيها كثيرا وفي مرة وبينما هو سارح ويبتسم ابتسامة طفيفة رآه والده
عبدالله بمزاح : حلوة اوى كده يا مازن
مازن بسهتان جعل ايلين تموت من الضحك : جدا يا بابا
دهش عبد الله فهو كان يمزح : هي مين يا مازن
افاق مازن فقال بجدية : بابا مش انت عايز تفرح بيا !!
ايلين بخبث : اكيد يا ميزو يا حبيبى
مازن : يبقى اخطب بقى وياريت فرح علي طول
ايلين وهي تحاول الا تضحك : علي طول كده ، والعروسة مين بقى
مازن : مريم
ايلين بدهشة : مريم!! مريم مريم !!
مازن : ايوة وبعدين ما انت عارفة اني كنت معجب بيها قبل كده اصلا
ايلين وهي تجلس : ايوة بس ده من تلات سنين !!
مازن : ما انا قولت كده ، بس طلعت لسه معجب بيها
ثم قام بحزم : انا هخطبها بكرة
ايلين بضحك : وليه ما النهاردة اهوه ، دا احنا لسه العصر
مازن بجدية : معاكي حق انا رايح اطلبها النهاردة
ايلين بدهشة : يخربيت كده ، دا انت ما صدقت !!
ولكن مازن اتصل بسامح كى يحدد معه موعد ، ولم يأبه بها ....
******
في المساء ذهب مازن ووالده وايلين الي سامح وطلب يد مريم التى قررت ضرب ايلين لانها لم تخبرها ولكنها اكتفت اثناء تواجدهم بأن تنظر لها بوعيد ، وايلين تمنع نفسها بمعجزة من الضحك ، وحمدا لله انها استطاعت .....
أنت تقرأ
اصدقاء !! لا اظن
Ficțiune generalăهل حقا يوجد اصدقاء يحبوننا ويضحون لاجلنا ؟! هل استطيع ايجاد صديقة لن تتركنى في منتصف الطريق قبل الوصول لبر الأمان وترحل ، وربما تتركنى وسط السيارات ايضا !! هل يوجد ما يسمى بالصداقة أم انها وهم ؟! ، حسنا قد تكونى من اقرب المقربين لي ، ولكن الناس يتغي...