#للكاتبة_ام_جوليا
واخيرا استوعب قلبي بأن حبك أماتني للاسف..
احببتك كـ روحي فتماديت في اخطائك ..
البطله نور احجيلكم عن نفسي شويه اني مواصفاتي جمال عادي بس جنت حلوه
حنطيه وجه مدور عيون جوزي شعري طويل جسمي رشيق ملامح وجهي ناعمه ..
اني البنت الوسط بين ٣ بناات
الكبيره اسمها يسرى والاصغر مني اسمها رنده جانت يسرى بيضه وحلوه جنها بطه وجانت الاصغر رنده
قمه بالجمال والأناقه والدلع والغرور
اما اخواني فكانوا خمس ولد
ياسر الكبير الي اله دور كبير بقصتي والباقين تتعرفون عليهم من خلال القصه ..
والدتي حبيبتي نور عيني انظلمت هوايه من والدي
والدي جان يحبها حيل هي اصلها تركماني اهلها سفروهم بس هي لان مزوجه عراقي ختلوها وبقت طبعا يجنن جمالها فجان محرم عليها الباب توصله
وبابا جانت البنات يموتن عليه لان حلو وسيم بشكل ومغرور اختي الصغيره ماخذه طبع ابويه من كثر ماحلوين ميهمهم اي بشر
ماما تحملت من بابا هوايه ضرب واهانه ويعرف نسوان عليها بس جانت تصبر وتتحمل لخاطرنا ومتفارك صلاتها وصيامها وقايمه بكل واجبات البيت بلا ماتشكي او تحجي شي
بيوم امي وكعت تخربطت بالبيت اخذوها وركضو بالمستشفى وهناك وطلبو تحاليل وكالو تطلع التحاليل ورا اسبوع
هانسيت اكول الكم اني اخويه الكبير خريج معهد طبي ويداوم بالمستشفى فهو جاب التحاليل وجانت نتيجه التحاليل صدمه النه كلنه 💔💔💔
؟؟؟؟؟💔💔
والدتي طلع عدها سرطان 💔😭
حبيبة قلبي الغاليه الصبوره دمرنا هالخبر
اضطروا يبلغونا بيه لان والدتي لازم تبدل دم هالوقت كانت الحرب العراقيه الايرانيه مستمره بفتره الثمانينات تقريبا بال ٨٤ وظلينا نفتر من مستشفى لمستشفى كان اخويه يداوم بمستشفى بغير محافظه اخذنا والدتي لهذيج المحافظه واجرنا بفندق وكعدنا
اخويه كان عنده صديق مقرب اله جدا من احتاجينه دم كام صديقه تبرع لان دمه مطابق لوالدتي
ظلينه نتألم حيل واحنه نشوف حبيبه قلبي وهي تذبل مثل الورد گدامنا
ماما راحت للمستشفى بدلت الدم وارتاحت شويه ولما استقرت حالتها رادت تطلع فطلعو ماما من المستشفى اجت ترتاح بالفندق شويه وثاني يوم اشوف الباب اندكت اجه اخويه دخل باس راس امي
ياسر:شلونج يالغاليه ماشاءالله شنو هاي ماما صايره احلا من قبل شلونج هسه ياغاليه
امي :الحمدلله وليدي نحمد الله ونشكره
ياسر:ماما صديقي الي تبرع الج بالدم بالباب يريد يسلم عليج ويطمن على صحتج اصر يجي يزورج
امي : دخله حبيبي هلا بيه
الله يحرسه لشبابه خوش وليد
..
دخل غسان (المتبرع بالدم )..
دخل غسان جنت اني موجوده يم والدتي خاف تحتاج شي اول مدخل غسان وكال السلام عليكم وجت عيني بعينه حسيت گلبي ح ينفجر يدك حيل بقيت صافنه عليه مارديت حتى السلام
😐😐😐😐 صرت هيج
