كعدت الصبح وابويه صاحلي كالي بيت ابو غسان جايين اليوم اريد تبيضون وجهي كدامهم ومثل ماقاموا بواجبنا اريدكم ترفعون راسي كلمت اني واخواتي الطبخ والتنظيف وبدينا نسوي حلويات وكيك وعصاير ع ال٣ الظهر اجوي بيت ابو غسان وجنت مشتاقه اشوف غسان كلبي طاير عليه بس ماردت موضوع الخطبه هسه لان ماعرف شنو مشاعره تجاهي ..
ورا ماكملنا الغدا كعدو الزلم وحدهم والنسوان وحدهم وبدينا بالحلويات والعصاير واني كاعده على نار
ام غسان طلبت تحجي وي امي لوحدهم واحنه كلنه طلعنه طبعا بس عمتي وياهم وراها دزت امي على ابويه واجاها وظلو يسولفون بينهم وبعدين راح ابويه صاحتلي امي كعدت يمها وكالت الي خطبوج بيت ابو غسان لابنهم غسان واني اريد اعرف رأيج حتى منتفشل كدامهم اني عيوني كامت تجري دموعي امي حضنتني وكالت الي شبيج ماما انتي مامجبوره اذا ماتردينه نرفضه
كتلها انطيني فرصه افكر ياسر اجه دخل حجى ويايه كالي نور بيت ابوغسان ماكو مثلهم ناس عاشرناهم وعرفناهم واني غسان اعرفه واعرف اخلاقه انسان حيل محترم ومثقف والكل يحبه يااختي مراح تلكين شخص مثله واحنه مدايمين الج واني ارجح توافقين بيه
اني كمت ابجي شأحجي. ياسر بگلبي اكول .. لك هذا ميحبني جاي لان. وعد اختي اريد اكوله بس كلبي ميطاوعني احجي كلمه ضدها .. كتلهم انطوني بس فرصه افكر كالولي لا الناس ميبقون ينتظرون ثاني مره يطلبون منه مره واحنه نرفض هم
هسه حددي الناس كاعده برا اجتلي رنده كالت الي وافقي خوش ناس وغسان حباب بمرور الوقت راح يحبج وظلو يقرون براسي
اني من اصرارهم قبلت ومانكر اني احبه وكلت يمكن بعد الزواج صدك يحبني ..
اخيرا وافقت وانطو ل بابا الموافقه والكل يهلهل وفرحان ..
كالو دخلي العصير عليهم وكعدي وي خطيبج شويه لان باجر ح يصير العقد كتلهم ليش مستعجلين كالو هاي عاداتنا نخطب ونملج علطول ..
كومتني رنده عدلت الي لبسي ومكيجتني شويه ورحت دخلت العصير وسلمت عليهم
وكعدنا شويه وظلو يباركون النه واهل غسان يمدحون باببنهم واهلي يمدحون بيه تعرفون مجاملات وهالسوالف
بس غسان مانطق حرف ويايه واني هم ساكته ...
كامو وتركونا وغسان هم ميحجي شي اني هم استأذنت وطلعت كتلهم محجى شي ويايه يسرى كالت عادي يمكن يستحي كتلها ليش من شوكت غسان يستحي
كالت الي شوفيه هسه باجر شون ح يفرح من يشوفج صرتي مرته اني ساكته واحس بالغصه بس تورطت بحبي اله ..
سوينا العشا وفرشنالهم وغسان ماخلت عينه بعيني كمت سبحت وتوضيت وظليت اصلي وادعي الله انو يخلي غسان يحبني ويحنن كلبه عليه
اني موبيدي حبيته من قبل مااشوفه وبقيت ابجي وادعي للفجر صليت الفجر ونمت ..
ثاني يوم كالونطلع نحضر لحفله المهر مستعجلين اول شي جابولي ذهب وغسان جان يختارلي ارقى واغلا ذهب اني فرحت بأهتمامه كلت يمكن يحبني والله استجاب الي ..
ماخلو شي بالذهب ماجابولي كل الموديلات النازله جابوها وراها اخذوني نجيب فستان للمهر غسان اختارلي فستان كلش راقي وموديله يجنن
وقصير وي الركبه ولونه وردي فاتح وكالي شعرج تشسوريه وتركينه مفتوح كلشي لاسوين بيه وجابلي حذاء يجنن عالي وكالي شتحتاجين منا وجاي تطلبينه مني
اني كلش فرحت بأهتمامه وكلت يارب يتممها على خير ❤️
يتبع..
