نور .. بعد ماحجيت الي بكلبي كله لغسان وجنت رايده
اطلع من يمه سحبني حيل لصدره وحضني وباسني اني فقدت ع نفسي محسيت بجسمي اول مره اجرب هلاحساس ... ذبت بين ايديه ونسيت العالم كله والدنيا مادري كأني غبت عن الوعي .. جانت بوسته بيها رقه وعاطفه وحنيه ذبت بيها من خجلي اول محسيت ع روحي درت وجهي كالي وين شبيج لازعلين مني وانتي شنو تحبين يصير الج وهالوجه الحلو ماريده يزعل اويضوج بعد انتي حره تردين تشترين لااختج او لا بقت يمج وشوفي شوكت تحبين نطلع اجيب الج كل احتياجاتج الباقيه اني مدنكه واهز راسي موافقه وخليت وطلعت بقيت اليوم كله نايمه بفراشي افكر بحضن غسان وبوسته ياربي حيل اضعف كدامه حيل اني شكد جنت مخططه اتركه اول ماسوى هيج لغيت كلشي ... بقيت بقمه السعاده ونمتواني فرحانه ومن كعدت وكلي نشاط رحت سبحت وبدلت وخليت شوي مكياج وعطر ورحت لغرفه غسان جان نايم مثل الملاك وجان بودي ابوسه او احضنه بس مجان عندي هلجراءه حاولت ماطلع صوت فتت اخذت ملابسه الوصخه حته اغسلهم واكويهم رحت بسرعه غسلتهم وشريتهم حته من يكعد يلكاهم ع كد الكوي اكوي بسرعه ميلكي شي متوسخ من ملابسه رحت وراه للمطبخ لكيت عمتي ام غسان كاعده جهزت الريوك كله وجانت تخبز وكفت وياها اتعلم خبز واني بسرعه الكط بسرعه خبزت وطلعت كم كرصه من التنور تخبل خليتهم ع جهه عمي ابو غسان راويته خبزاتي فرح بيه وكالي روحي خبزيلي خبزتين مكسبات خل عمتج تعلمج رحت وعلمتني وفرحت حيل لان صارلي دور بهالبيت وحسيت بمسؤليه وان عندي بيت وزوج واهلي صاروا هذوله قررت اتمسك بغسان واحاول اخليه يحبني بكل صوره ولازم اتحمل بعد ارتبطت بيه مابيها مجال للتراجع ...
كعد غسان وحضرتله الاكل وكعدت وياه اكلت حته اكسر الحاجز الي بينا وهو ياكل وكلي عاشت ايدج فرحانه اني اي تطور بسيط يسعدني كتله لغسان نطلع ليوم نكمل مسواك الغراض كلي كملي وكوليلي كتله العصر ورا الغده نروح رحت كملت الشغل وي عمتي وبدلت وانتظرته لغسان طبعا رنده كتلها حنطلع اني وغسان بس نزل غسان كالي جاهزه كتله اي كال رنده وينها اني تخبلت ...
كتله ح تبقه وي ندى كال ليش متجي وياج كتله اني اختار اني وياك الباقي ... كلي براحتج يلا طلعت بس حسيت بي ضايج بس مقصر ويايه بشي واحنه وراجعين جبنه حلويات ورجعنه للبيت صح كلام غسان قليل بس حسيته ملكي يخصني وداادي الله يحبني مثل مااني احبه رجعنا للبيت رنده لكيتها بغرفتها كاعده متكئبه كتله شبيج كالت مبيه بس اريد ارجع لبيتنا مو كملتي خل نرجع كتلها اي كملت وحتصل ع بابا ونشوف رأيه حجيت ويا بابا كال جاي باجر اني واخوانج حته نخلص الزواج هلااسبوع كتله منتظريك اجه بابا ثاني يوم هوا واخواني واتفقوا هذه الخميس يكون زواجي واني فرحت حته استقر خابروا لعمتي حته تجي يسرى وبدو الناس يلتمون وبيت ابو غسان بيتهم مليان ناس مافرغ من الناس ابدو الكل فرحان بزواج غسان لان الجبير جان ...
اني غسان اختارلي بدله كلش حلوه ع ذوقه وبيت عمي اجوي وعمتي جابتلي اشكال والوان ملابس وغراض من الكثيت وكلابيات تجنن وجابو لرنده شغلات احلى هم بحيث اخوات واقارب غسان يصفنون ع الملابس وجابتلي هديه زواجي ملاوي 3 وابويه جابلي قران ذهب اهلي رفعوا راسي بلهدايا الي جابوها الي بليوم قبل الحنه بيوم دزعليه غسان اني فرحت رحت اله علطول لكيته فاير نار اول مدخل كالي روحي جيبي الهدايا الي جابوها بيت عمتج كلها كتله ليش شكو شصاير ... عاط بيه انتي ليش ماسمعين كلام مو داكلج جيبيهن ...
كتله هسه اجيبهن بس اريد اعرف شصاير بالاول جان يكلي نفذي بلا اي سوال وهسه بسرعه لااكلب الدنيا عليكم اني دمعتي بعيني كتله صار هسه اجيبهم رحت ورا مااني مرتبه كنتوري رجعت لميت كل الغراض وجبتهم حطيتهم بجنطه مال سفر ونزلتها لغسان هو تشوفيه يريد ياكلني من العصبيه لزمني من ايدي اني مقصر وياج حته تاخذين ملابس من اهلج وذهب ليش. بشنو قصرت وياج ...
كلشي طلبتيه جبته الج واكثر بلا متطلبين كتله واني ابجي والله انته مامقصر بس هيه عمتي جابتلي هدايا شلون اردهم ...
عمتج تجيبلج ملابس وذهب عود تعيريني اني مجبتلج لو شنو قصدها فهميني كتله عوف ايدي اذيتني كال جيبي الذهب وينه كتله هذا بلجنطه كلي الغراض كلها ترجع لعمتج مايبقى شي منها كتله غسان عيب بحقنا شلون نرجعهم والله عمتي تزعل كلي ميهمني زعلها افتهمتي ماريد شي منهم لمرتي واني حر ياخذوهم يشمروهم يحركوهم مشكلتهم مو مشكلتي ابد من صياحه كمت ابجي اجت ام غسان علينا لكتني ميته من البجي وهو يصيح عليه ويشمر بلغراض واني الم وابجي ... اجتي يمي تسكتني
كالت اتركي كلشي وروحي سبحي وبدلي جايتج ام الصالون ترتبج بعد شويه ومالج دخل طلعتني لكتني رنده ابجي كالت كالت شبيج كتلها مابيه كالت احجيلي شبيج لااكول لاابويه ... حجيت الها كلشي ... ضاجت رنده وكامت تحجي شنو هلنحاسه اني احاجيه كتله لا معليج ام غسان كالت ح احاجيه كالت اذا مقتنع اني احاجيه معليج
اجتلي ام الصالون رتبتني للزواج وطلعتني عروس صدوك بس مجنت فرحانه ضايجه ومقهوره من غسان
اجتلي ام غسان بليل كالت الي غسان قنعته وحجيت وياه بس انتي تجنبيه ولاتلبسين شي من غراضهم كدامه اني ساكته والغصه بكلبي ونمت مقهوره حيل اجتي يسرى بيوم الحنه ولبسوني بدله قصيره ومكياج خفيف وشعري مرفوع ومبروم وهو طويل طلعت لعابه كلمن شافني تخبل عليه واخواتي هم خلوهن يذبن الاسود وطلعنا جنا اميرات بس الغصه بكلوبنا لان امي مموجوده ويانا...
جابو غسان يتحنى ويايه وحنوني اني وياه وصارت الهلاهل والاغاني والكل فرحان
وغسان اباوع اله مابوجهه اي فرحه ابد...
بقيت ساكته وكملت الحفله كمت سبحت وتوضيت وصليت وتذكرت امي وبجيت وبداخلي ممرتاحه لهالزواج بس شاسوي ياربي بهالورطه المشكله اني احبه .. صار الزواج ثاني يوم وبدلت وفرحوا اهل غسان بينا وذبحوا الذبايح واني هم بدلتي تخبل جانت والكل فرحان بينه الا اني وغسان من يوم المشكله ماحجينا جحايه ابد ...
اهل غسان حاجزين النه بفندق شيراتون ب بغداد صعدنا بلسياره وسايق وصلنا وغسان مايحجي وياي ولاكلمه واني طول الطريق ساكته ...
درت وجهي ع لجامه وخلصتها بجي
