اتفق غسان وياسر يلتقون ب بغداد واحنه جهزنا نفسنا رايحيين نغير جو ونتونس ومناك نروح لبيت عماتنا الي عايشين ب بغداد عدنا عمات اثنين
رحنا على بيت عمتي ام احمد وجان بيتهم بالكراده ومسوين غدا على وصولنا وفرحانين بينا وبين اختها عمتي ام حسين
احنه رايدين ماما تغير جو لان تعبت من جو المستشفيات اتفقنا العصر نروح لمدينه الالعاب والمنتزه وناخد اكلنا ويانا
سوينا الاكلات ورحنا وهناك متفق غسان وي ياسر يلتقون
وشفت غسان من بعيد واني گلبي كام يرجف ورنده لازمها خطيبها من ايدها ويسرى هم التقت بخطيبها هناك واني ماشيه وحدي حاولت ابعد عيني عنه مكدرت اجه سلم علينا غسان وبارك لرنده اباوع لعيونه تلمع وهو يباوع الها وهي ارتبكت بس اني اعرف عمتي ام حسين كلش صعبه الله يساعد رنده شلون ح تعيش وياها كتلها رنده لاتتصرفين اي تصرف كدام عمتج تره تفضحنا ديري بالج
كالت الي اطمني اني كلشي صار من الماضي بعد ماريده ينفتح وهو صديق اخويه وبس ..
غسان حاول يسوي نفسه مو مهتم وكال لابويه عمي ان شاء الله هالاسبوع بنهايته اهلي جايين عليكم من ترجعون كال الهم ابويه مية هلا ينورونا ..
خلصناها ضحك وسوالف حتى لو بالكذب بس علمود امي ترتاح من تشوفنا مرتاحين
ورنده بامرمن عمتي تطلع وي حسين وجان ميقصر بشي كلشي يجيب الها بدون متطلب
جانت سفره حلوه بس (الكاتبه ام جوليا)اضطرينا نرجع علمود ماما لان تحتاج تحاليل مستمره ونخاف عليها تنتكس ..
رجعنا لبيتنا وبدينا نرتب بيه لان بيت ابو غسان ح يجون بعد يومين ..
غسان ..اتصلت بياسر اسأل عليه وعلى اخباره ظل يسولف الي ع بيت عمته وعلى خطوبه رنده واني نار صرت متحملت وفوكاها يعزمني ويكلي تعال لبغداد لان رايحيين عازمينا نتونس علمود خطوبتهم اني قررت اروح وردت اشوفها بعيني وي غيري يمكن حبي الها يموت من اشوفها وي غيري
رحت وللاسف طعنتني بگلبي تمشي وياه ولاهامها وجودي وباعتني علمود شنو علمود فلوس وذهب
كرهتها حيل وبنفس الوقت بعدني احبها گلبي مأذيني بسببها قررت اذيها مثل مااذتني احسسها بلي صار بيه بسببها هي جانت رايدتني اخطب اختها واني ح اخطبها مع انو اني ماشوف غير رنده بس اريد اي شي من رنده يكون يمي والا اذيها مثل مااذتني
كتله لياسر اهلي راح يجونكم بنهايه الاسبوع من ترجعون بس ماكتله السبب
(الكاتبه ام جوليا)رجعت لبيت اهلي حجيت لامي كل الي صار امي ايدتني كالت الي نور احسن الف مره من رنده ام بيت وشاغوله وتتحمل وصح هي مو بجمال رنده بس هم حلوه وراح تحلا بعينك وتحبها بعد الزواج وهالعائله نعم العائله بالاخلاق والشرف ومراح تلكى احسن من نور جمال وادب واخلاق واني اعرف بيها تحبك وراح تداريك وتحافظ عليك والله يهديك وتحبها
حجت امي وي ابويه وابويه فرح وكيف لان هو هم يحب نور جانت مداريته ومايطلع الها صوت ..
ابويه كالي خابر لياسر وكوله احنه جايين نخطب نور ..خابرت ياسر وياسر كال تشرفون بيتنا بكل وقت تحبوه ..
واحنه رايحين بالطريق واني اتراجعت كتلها لامي خلص مااكدر استمر بهالخطوبه وامي ظلت تحجي شلون تريد تصخم وجوهنا كدام الناس ميصير..
اني مداتحمل كتلها مااكدر مااتقبلها ظلت تقنعني بنور واني مو
مقتنع ابد ..
نور.. ظليت ارتب بالبيت اني واخواتي منكعد ابد منا امي داخله مستشفى منا عمتي بس تتأمر وتتشرط هلكنا من التعب والشغل ..
اجه ياسر وسمعته يحجي وي ابويه يكله يابه بيت ابوغسان جايين باجر علمود يخطبون نور لغسان ..
اني انصدمت كنت بين الفرحانه وبين الي گلبي نار كمت ابجي .. رحت لرنده كتلها كله بسببج كالت الي شبيج كتلها غسان جاي ديخطبني باجر انتي الي كتيله مو احجيلي انتي كتيله وتخليه يشفق عليه وكتيله تحبك ليش هيج سوين بيه تدرين بيه ميحبني وتخليه يخطبني ..
كالت الي والله محاجيه ويا من يوم ماجان مريض ب بيتنا اني ممحاجيته ولاجبت اله اي موضوع عنج
اني مستغربه مثلج شعجب هسه ديخطبج ..
يمكن عجبتيه وبده يحبج اني ماعرف لاتسأليني عن شي واذا تردين اجيب الج القران احلف الج بيه اني ممحاجيته ..
كتلها اني مااقبل حت لو خطبني ..
كالت الي لاتضيعيه من ايدج هو جايج برجله شنو مترديه يمكن بدا يحبج وانتي تخليه يحبج اكثر بعد الزواج مو هذا حجيج الي علمود حسين ..
بقيت مهمومه والليل كله بفراشي وبس افكر شأتصرف وشأسوي
كمت ابجي لحد مانمت ..
