غسان ..
انصدمت بكلام رنده متحملت ضربتها راجدي خلت وطلعت واني بقيت محتاره معقوله هذي رنده الي حبيتها وفضلتها ع كل البنات هذي اميرتي الدلوعه طلعت تضحك عليه تزود معجبينها بس
ليش هيج رنده .. حبيتج من كل گلبي واختاريتج تكونين شريكه حياتي تالي تبيعيني علمود شنو ...
مستحيل مستحيل اخليها تتلاعب بيه ..بعد واني الا انطيها درس متنساه بكل حياتها
نور..
رنده اجتها بليل اخت غسان رادتها بشغله فراحت وياها وراها بشويه اجتي رنده ميته بجي شبيج حبيبتي احجي شبيج تشهك من البجي وتكولي ماكو شي
كتلها احجيلي شصاير مقبلت ورا الحاحي عليها حجتلي الي صار
كتلها غلط الي سويتيه انتي تحبيه وهوا يحبج ليش تظلمينه وياج كتلها اذا عليه اني مجرد اعجاب وانتهى واكيد راح افرح اذا ارتبطتوا كالت خلص انتهى موضوعنا اصلا اني من طريقه كلام بابا عرفته يريدني ارفض غسان لان عمتي ناطيه مهري لبابا وبابا ديصرف منه علينه وعلى علاج ماما بعد مابيه ارفض منين يجيب الها فلوسها وهذي عمتي اكيد ح تكون زينه ويايه واني بمرور الوقت راح احب حسين
اني انصدمت هيج رنده ح تتحمل علمودنا اني واهلي ليش هيج حالنا وبابا شلون هيج يتصرف
ظليت اهدئها كلتها بس الي تسوي ح يهدم حياتج واني مراح ازوج غسان لاتخلين بالج يم هالشي لانو غسان يحبج الج شلون ح يتقبلني
مسحت دموعها وكالت الي معليج اني راح اخليه ينتبه الج ويحبج واني ح ابعد
كتلها حبيبتي عوفي هالموضوع مراح نستفيد منه ابد
ظلت رنده تحجي ويايه وتقنعني واني شبه مقتنعه لان اني احبه لغسان الحب عامي عيوني بس دارفض الفكره واقاومها
نمنا وكعدنا واني هم سبحت وبدلت اساعد ام غسان كالعاده لكيتها مهمومه وتبجي وتدعي كتلها شكو خاله
كالت الي خاله غسان راح للجبهه من الفجر كال اجالي اتصال وانلغت اجازته ظليت اهدئها واكول الها اطمني ان شاءالله يرجع الج بالسلامه
نزلت رنده وعرفت بالاخبار متحملت وصعدت ظلت تبجي فوك كتلها حبيبتي هذا دوامه وواجبه لازم يروح هي تكلي راح بسببي كتلها لاموبسببج هذا شغله
وظليت اهدئها واطمنها. انو ح يرجع بالسلامه واني اصلا خايفه عليه بس باقيه متماسكه
راح غسان وترك فراغ كلش واضح بالبيت تحس البيت بلاطعم اخوته حبابين بس مو مثله جان مترأس كلشي
بابا بلغ ابوغسان انو رنده مخطوبه لابن اخته والبنيه رايده ابن عمتها وهذا رأيها
واتعذر منه
كله ابو غسان والله اني يشرفني اناسبك ولهذا ردت منكم لولدي انتو ناس اخلاق وشرف واصول واحنه عرفناكم وعرفنا معدنكم الذهب
وان شاءالله يكون النه قسمه من بيتكم
وانتهى الكلام على هيج
عدت الايام واحنه خالين ايدنا ع گلبنا خاف غسان يصير بيه شي وبابا كال خل نرجع لبيتنا نشوف الوضع اذا هدوء نستقر واذا بعده القصف نشوف النه حل ثاني
اني بهالفتره تعلمت الطبخ من ام غسان واخذت طريقتها بالاكل واني بلمساتي يصير اطيب عمي ابو غسان ورده مال الله حيل يحبني واني احبه على محبه غسان واعتبره والدي اني حركتي سريعه بالشغل اشتغل وماتعب افرح من اشوف اهلي مفتخرين بيه وبيت ابو غسان يحبوني
ظلت رنده ضايجه ومقهوره بس كامت تعلمني شلون اتصرف واحجي وانو لازم اكون اجتماعيه اني مااعرف اكون اجتماعيه واجامل لان الي بكلبي على لساني علمتني شلون اختار الملابس ودربتني على انو اهتم بشعري هو شعري طويل يوصل لنهايه ظهري بس مموج وجاف مو سرح مي مثل اخواتي اني حنطيه بينهم من شدة بياضهم
صارنهاية الاسبوع بابا كال جهزوا غراضكم ام غسان وابو غسان مقبلو وكالو متروحون كلكم واصروا وبابا يكول لاكافي خل نشوف بيتنا شصار عليه اخر شي اقتنعو انو ناخذ شغلات بسيطه ونشوف الوضع اذا تمام نبقى
ودعنا بيت ابوغسان وظلو يبجون علينا واحنه نبجي عليهم صعدنا بالسياره ورحنا لمحافظتنا الطريق كله افكر شلون اجيت مشايله هم اني واختي غير هم امي المريضه وشلون رجعنا بهموم اكبر من عمرنا ..
وصلنا لبيتنا والحمدلله شويه مستقره الاجواء وبيتنا مصايبه شي ولاناقص منه شي
بدينا نرتب ونظف وكلت افتح صفحه جديده وظلينا نتعاون بالبيت
امي تخربطت مره لخ ودخلناها مستشفى وظلينا كل يوم وحده من عدنا تبات وياها ..
بيت ام غسان اتصالات علطول مانقطعت بيناتنا ومره من المرات دك التلفون اني رديت سمعت الصوت اووف گلبي كام يأذيني هذا صوت غسان اتصل يطمن علينه ويريد يحجي وي ياسر اني احجي وياه نسيت الدنيا كلها معقوله ياربي كل مااكول خلص ح اطلعه من كلبي ارجع اتأذه اكثر من الاول
كتله ياسر مموجود كالي من يجي خل يخابرني وانطاني رقمه
بس صوت غسان مو على بعضه
يتبع ..
