نور.. توفت امي وهي بحضني وفاتحه عيونها عليه حيلي انهد واني حاضنتها ماريدهم ياخذوه مني كلنا حاضنيها ونبجي واني اي شخص يدخل اكله وصيتها لاتصرخ اجت عمتي تصرخ كتله فدوه لتصرخين امي حبيبه كلبي راحت من ايدينا الحنينه اووف يايمه منو الي من بعدج اووف يايمه المن اتحامى بغير حضنج كسرتيني يايمه من اخذوها من يمي يكملون معاملتها ومناك نغسلها مقبلنه الا ندخل وياه اني وخواتي للتغسيل والمغسله ويانا تعلمنه واحنه نغسللها باايدينه فدوه لريحتج يمه 😭😭 موجنها ميته ريحتها ورد وجها صافي.
جنت احضن وابوس واني اغسل الها ولج يمه نااار بكلبي ااااخ شحيطفيها نار فقد الام تاذي يايمه
المغسله وهيه دتغسل امي فلت ايده وجان ينضرب راس امي ضربه قويه احنه عطنه متحملنه صدك شفت امي جفلت واني كمت ادك والطم ردت املخها للمغسله كوه طلعوني من طلعوني برا ردتهم يرجعوني مقبلو سحبوني واني اكطع بروحي ولكم محد حاس بيه بنار كلبي ماتت وهيه بحضني ماتت واني الي اندعيت الها الموت ياخذها اذا راحته بيه فدوه ربي رجعها واخذ عمري العمر بلايه امي شأسوي بيه
فقدت الوعي من كثر الي صار بيه دخلوني مستشفى كالو عدها انهيار عصبي حاد كمت مااكدر احجي ومااشوف احد بس ابجي انطوني ابر مهدئات نيمتني همه ماخذيها لاامي دافنيها واني نايمه ع الابر كلما اكعد ينطوني بها الابر لمده يومين اجالي الدكتور من صحيت اريد احجي مداكر بس ابجي احس صوتي راح كايل لدكتور تخلص ايام لفاتحه يلا يطلعوني وحاولو محد يصرخ كدامها لان ممكن تنهار وتدخل غيبوبه او يجيها صرع اهلي خافو عليه رجع الدكتور انطاني ابر ونمت عليها وماطلعت من المستشفى لحد مخلص لعزا مال امي
طلعوني دخلت ادور عليها وعلى مكانها شايلين كل غراضه ناطيها ادور ع ملابسها ناطيهن ولكم صور امي وين يكلولي بابا ضامهن تخبلت كمت ادك والطم لزمتني يسرى كافي ولج حرام عليج هاي عود امي موصيتج لاتصرخين هي تتاذى اصحي ع نفسج حضنت يسرى كتلها ولج صرت يتيمه بلايه ام راحت ضحكتي وفرحتي من راحت مني لمنو اعيش بعد مااحس عدي روح لزمتني يسرى
ورنده كالت كلنه يتامه وانتن اخواتي اني بمكان امكم والي اكدر عليه راح اسوي بس لازم نكون قويات بابا واخواني محتاجينه كامت جابتلي دشداشه امي وصورتها وكالت كومي نامي ارتاحي بلطابق الفوك معليج بأي شي يصير جوا
كمت رحت لغرفتي وحضنت دشداشه امي وبيها ريحتها وخليت صورتها ع كلبي وكمت اشهك وابجي ونمت وحسيت بااحد خلا ايده ع راسي وكلي اني يمج متاركج خلي اتكالج ع الله واستعيني بي وصلاتج لاتركينها وحافظي ع دينج هذه لمسه امي اي هذه ريحتها اوف يايمه لاتركيني كالت الي ماتاركتج اني علمتج كلشي وامشي بلي علمتج عليه واختفت امي وكعدت حسيت نفسي مرتاحه كلش ريحه امي بيه
