#للكاتبة_ام_جوليا
...بعد ماطلبت مني ام غسان ارجع لغسان ويريد يخلي شروط اني كوتلها لام غسان اني هم عندي شروط اني ارجع اله كم سنه لحد مالبنات يكبرون وراها اتطلك واشوف حياتي ..ام غسان كالت شهاللعب هذا
غسان راحت اله امه كال اله تجي تكعد ع اطفالها وبس مالها علاقه بأي شي شيخصني اتزوج اعرف بنات كلشي اسوي ماتدخل
مصرفها اشمره اله وماشوف خلقتها ابد اني بالطابق الارضي تصعد فوك مالمحها طول الفتره الي اني بيها بهالفتره بناتي كبرو وحده سادس وحده اول متوسط(الكاتبة :ام جوليا) رايحه ثاني ..
اجه عمي ابو غسان فصاحلي داسولف اله مادري اخو غسان بالاستقبال نايم فعمي سمعه ثكل شويه فاني عليت صوتي وداحجي وياه ..
ماشوف الا عياط وغلط من حمايه الصغير عليه وشعدكم مرجعيها ويسب ويلعن متخلون احد ينام مرتاح اني زعلت رحت لعمتي كتلها يصير عمه بعدني مرجعت وهيج يغلط لو رجعت شيصير بيه
عمتي تكلي انتي مابيج خير جان عرفتي تكسبيه لرجلج كل هالوقت ..كتلها عمه هي قسمه وهو مستحيل يتقبلني كتلها اني رايحه لبيت جيران هناك ابات يمهم وباجر اطلع ابلغ اهلي ونشوف هالموضوع .. اجتي داليا حضنتني كالت ماما وين رايحه كتلها لبيت الجوارين عازميني يمهم كالت الي ماما اني امرلج من ارجع من المدرسه ..
رحت للجيران همه مو جيران بس اصدقاءالنه واهل وحيل يحبوني سوو غدا وع الساعه ١ونص اندكت الباب اجتلي داليا بستها وحضنتها كتلها هاماما شبيج احجيلي كالت الي(الكاتبة :ام جوليا)ماما اني ماريدج ترجعين كتلها ليش ..كالت الي ماما انتي دتنذلين حيل من الكل ولما تكون الام مذلوله الاطفال هم ينذلون وياها اني ماريد اكون مذلوله اني واخواني للكل محد ديحترمج الكل ديهينج ويغلط عليج وبابا مخلي شروط موسهله شلون تقبلين بيها كتلها حبيبتي لخاطركم اتحمل ..كالت الي لا روحي ماما عيشي حياتج وازوجي ومعليج بينه احنه هذوله اهلنه احنه نتحملهم ونكدر نعيش وياهم انتي لاتتحملين ولاتتوقعين بابا راح يصير زين وياج او يحبج راح ترجعون لنفس المشاكل والعرك واحنه النوكع بيها ومراح نتحمل بعد انتي مشفتي شي بحياتج(الكاتبة :ام جوليا) روحي ماما عيشي حياتج ومعليج بينا احنه كبرنا وحتى لو محتاجيلج احنه رايدين ام بشخصيه قويه مرايدين ام مذلوله ومدام بابا ميحبج وميحترمج راح نعيش طول عمرنا مذلولين ..
داليا خبلتني بحجيها حضنتها وكمت اشهك من البجي حيل تأذيت وتدمرت وهي تبجي وحاضنتني حسيت حجيها كله صحيح بس گلب الام شاسوي ياربي ..
راحت داليا وبقيت بناري خابرت على اختي وحاجيتها وحجيت الها كلشي كالت الي بتج تفتهم وحجيها صح خلص ارفضي الرجوع وتعالي واصلا ديتقدمولج ناس واب(الكاتبة :ام جوليا)وج مقتنع بس يكول تجي نور هي تقرر..
اني دكيت ولطمت وبجيت وبعد مامنه فايده ولاشي يرتجي دزيت لام غسان الجيران اجتلي حجتلي هم شروط غسان وعرفت بيه صدوك مرجعني يذلني وخدامه للعيال والجهال ولو جان بيتي وحدي جنت اتحمل بس ماكدر اتحمل وي العيال .. كتلها لاعمه مااكدر ارجع وهي انقهرت حيل كوتلها انتي متضمنين احد يحترمني يمكم او يأذيني حت لو تركت غسان ومالي علاقه بيه ..
هي زعلت مني وكالت الي روحي كاتله نفسج ع الرجل روحي تزوجي وعوفي بناتج والله وياج ولاتحسبين عدج جهال ..
تعبت اني من القهر والضيم والبجي والاذيه لملمت نفسي ورجعت لاهلي مصدومه وتعبانه اسبوع ماعرف شي عن احد اخذ منوم وانام ماريد احجي وي بشر ولاافكر اجتلي اختي وبدت تقرا براسي واحد متقدملي رجال جبير(الكاتبة :ام جوليا) واله هيبه ومركز قيادي بالحزب وعده بيت وحالته الماديه توب هو بكد ابويه او اكبر بس ممبين عليه وطويل ووسيم واشكراني ولان حزبي وضابط محافظ على جسمه ورشاقته حيل والناس كلها تمدح بيه وباخلاقه مستخدم مركزه وسلطته لخدمة الناس مو اذيتهم وجان يساعد الهاربين والي تجي عليهم ابلاغات يدزلهم خبر انهزموا راح نطلع تفتيش هو زوجته متوفيه من ٢٠ سنه وتاركه الي بنات وولد هو تكفل بكل تربيتهم واكلهم وشربهم وماقبل يزوج حتى ميجيبلهم مرت اب تأذيهم ..
وهسه الكل زوجهم بقوا(الكاتبة :ام جوليا) بس اثنين وياه والناس قنعوه يزوج حت يرتاح شويه ..
حجي اختي كله صح وسألنه عليه هوايه نفس الحجي واحسن قمه بالاخلاق
قبلت اشوفه واجه وشفته صح عمره جبير عليه بس شكله اصغر هوايه من عمره
اباوع اله واني بكلبي بعده غسان بس اباوع ع هذا هيبه وشكل ومركز وسلطه وفلوس وجاه واخلاق وهو من شافني تخبل عليه
دزلي اخته ورا ماراح تسأل عن رأيي تكولي متخبل عليج ويكول والله ادللها دلال اعيشها عيشه ماجانت تحلم بيها ابد..
كتلها انطيني مجال افكر(الكاتبة :ام جوليا) بقيت اسبوعين بين المتردده اريده وماريده اخر شي من الحاح الكل عليه وتذكرت كل تصرفات غسان واهله قبلت بيه
اجه ابو محمد اسمه وصارت خطوبه ومشيه جني اول زواجه الي
هو بيته بكركوك عايش وي ولده اثنينهم كال تجون والي تطلبوه يتغير وتتجهز من راسها لرجليها بكل الي تأمر بيه
عقدنا عقد سيد وعقد محكمه وجابلي احسن ذهب واغلا الملابس جان يسميني حياتم اميرتي بنيتي يعاملني كأني بنته بس اباوع ع الشي يصير الي رحنه اني واخويه واختي ويايه لكركوك وجهزت البيت وتعرفت ع ولده وبناته كلهم خوش ناس حتى بنت ابو محمد بكدي والكل جان يحبني ويحترمني عائله مثقفه وراقيه ..
رجعت لاهلي لملمت غراضي ورتبت وضعي للزواج وحجزلي صالون وفندق وكالي حتى زفه اسويلج كتله لا بس صالون وفندق وزواج بينا
جبتلي كوستم كريمي يجنن ورحت صبغت وميشت شعري وماسكات وعلاجات البشره طلعت اجنن ورا المكياج اباوع لنفسي حيل انقهرت لان ماشفت حب ولادلال من غسان ابد(الكاتبة :ام جوليا)وخلاني اترك جهالي كمت ابجي اختي كامت تسكت بيه وام الصالون متفاجأه حجيت الها قصتي كالت روحي تزوجي وفرحي جهالج اول وتالي يكبرون ويتركوج وغسان مامنه رجه وفايده انسي كلشي وعيشي يومج هسه رجعت عدلت الي مكياجي واجه ابو محمد مزين السياره بالورد وسوالي زفه حلوه واقاربه فرحانين بيه اني هسه عمري ٣٤ وابو محمد ٥٥ بس مبين عليه بالاربعين مامبين عمره ..
تزوجت ابو محمد ولاول مره احس نفسي صدوك اني مرأه وعندي انوثه كلش دللني ابو محمد حسسني اني اميره وخاصه من رجعنا لبيته صار عندي بيت خاص بيه صح ولده ويايه بس جان هوا مداريهم حت ملابسهم(الكاتبة :ام جوليا) يكولي معليج اني اغسلهم وسويلهم اكلهم جان كلش حنين اكول سبحان الله شهالحنيه الي بيه
يكعد قبلي الصبح يجيب الصمون والكعك والكاهي والكيمر ويسوي الجاي ويكعدني يكولي حياتم اميرتي كعدي باباتي يلا خل نتريك واني اباوع لهالوجه الحلو ويكعد ولده وينتظرهم يغسلون وهوا محضرلهم ملابسهم وهمه عمرهم ٢٠ و١٨ ويجيبهم يكعدهم يمه حت اكل يوكلني بأيده ويفرح بدلالي عليه
حجى ويايه ابو محمدكالي اني وياج واساعدج واذا تردين نحاول نجيب جهالج ونربيهم كوتله مستحيل مراح يقبلون كال نحاول وياهم عسى ولعل وندز ناس بلكي (الكاتبة :ام جوليا)يقبلون ..
كالي الاسبوع الجاي اخذج نروح نزور ومناك نمر عليهم واخذني طلعني جابلي ملابس جديده بعد وغراض وملابس لجهالي والعاب وجنت كلش فرحانه لان حيل مشتاقتلهم صادف بوقتها عيد الاضحى يومها
رحنه زرنا وتوجهنا لبيت ابوغسان ووصلت لبيتهم واني گلبي نار ع جهالي بس جنت كاشخه ومبدله ومكياج وذهب طلعت الي ام غسان تطرد بيه ماتقبل تكولي جايبه رجلج مفتخره بيه تردين تقهرين جهالج ماتستحين انتي شجاج تخبلتي ماخليج تشوفيهم وروحي مالج(الكاتبة :ام جوليا) جهال عدنه اني تخبلت كوتلها جهالي ليش ماتخليني اشوفهم الله واكبر عليكم وظليت ادعي عليهم طلعتني وسدت كالت الي وشسوين سوي ابو محمد سحبني منهم واخذني للفندق واني خلصتها بجي وقهر كلي لاتنقهرين والله تشوفيهم وتدلليهم بس اصبري فتره هسه همه مامتقبلين انو انتي مزوجه وطبعا دمهم يحترك على غسان وجهاله وانتي معليج اني ادز واسطات وناس وقنعهم وتشوفيهم نومني ابومحمد ع رجليه وهو يطبطب عليه واني ميته بجي ويبوسني من راسي يكلي بنيتي اني سندج نامي وارتاحي واني وياج ماتاركج ..
للعصر كعدت اخذني(الكاتبة :ام جوليا) زورني مره ثانيه لزمت باب الامام الحسين (ع) وكمت ابجي وادعي وفرغت همي وقهري يم ابا عبدالله وكفيل زينب عليهم السلام ارتاحيت شويه ومناك اخذني هم زورني الامام علي (ع) ..
ونسني ابو محمد حيل وظل يداريني حيل وكل فتره يدز ناس حت اكدر اشوف بناتي وقبلو اخيرا اشوفهم بيت ابوغسان وجان احلا يوم كلش فرحت بشوفتهم وجبتلهم هدايا ومقبلو يخافون ياخذونها بالكوه اخذنها ماتقبل ام غسان مجنت اريد افارك جهالي بس القدر جبرني(الكاتبة :ام جوليا)رجعت وي ابو محمد لبيتنا وبدت الايام تمر جنت اخابر ع جيران بيت ابوغسان اطمن ع بناتي بين فتره وفتره وعرفت غسان بده يخطب صح انقهرت لان هو حبي الاول بس ابو محمد (الكاتبة :ام جوليا)عوضني بدلاله وحبه الي ...
بديت احس بدوخه ولعبان نفس واني ممصدكه معقوله .. 😍
رحت حللت وجان اطلع حامل اويلي ياربي ماتقصر
يارب الف شكر وحمد الك
ياربي تممها على خير ..
يتبع ..
