القدر

1

تبا لحياة لم تعطني سوى الظلم و المعاناة
فتحت عيني على ذنب ليس لي شأن فيه
لماذا عاقبتني أيتها الحياة و أنا لم أفعل شيئا سوى فتحت عيني فيك
لو علمت أن هذا مصيري لما تشبث بك و فضلت المجيء
فإلى متى ستقسين علية أينها الحياة.... السلام عليكم أكيد من بيع هاد الدخلةكتسألوا شكون هذي اللي معاكم أنا إكرام  أو للأسف كون غير كانت سميتي كتنطابق علية حيت اللقب ديالي فالعائلة اللي كتعتبرني وحدة ماشي منهم هو وجه النحس أولا زلط أو كون ما جداتي الله يرحمها لي سماتني كون سماني بيه جدي أو السبب هو أني نهار تزاديت ماتوا والدية بزوج هادشي علاش كيكرهوني أكيد كتسألوا كيفاش ماتوا نهار هنتزاد أنا بابا كان غادي بماما لسبيطار بسرعة خيالية مي للأسف دار كسيدة فالطريق اللي تسببات فالموت ديالوا أو ماما كانت الحالة ديالها خطيرة أو مقدروش يعتقوها أنا اللي نجيت للأسف كون غير تبعتهم أو من بعدها جدي(أب بابا) أو جداتي الله يرحمها  هوما الي تكلفوا بينا  لا بغيت نقول تكلفوا بيها كنهدر على ختي فاطمة الزهراء هي كبر مني اه  نسيت ماوصفت ليكم راسي أنا بنت سمراء أو طويلة حروفي كحلين أو شعري مقطعاه قصير شوية  واخا كندير الفولار فورمة ديالي مبيهاش لهمم مقبولة أو  عندي 17 عام  أما ختي فهي بيضة عليا أو ملامحها صغار أو زوينين فورمتها بحالي تقريبا غير أنا زايدا عليها شوية لمهم تاهي زوينة عندها 22عام  خدامة سكريتيرة فواحد الشركة فكازا او تاهي كادير الحجاب فين خليناها الله يتبنا فالشهادة صافي تفكرت المهم أنا جدي هو اللي تكفل بيها حيت أنا بالنسبة ليه هو او هاد مراتوا الي عاد تزوجها أو المشكلة هي انها قد ختي الكبيرة فحال شي خدامة (الله يرحمك أ جداتي فهاد النهار هي اللي كانت كاتكالي عليا) أما بالنسبة لعائلة ماما فهي مقطوعة من شجرة أنا  ساكنا فبيت فالسطح عكس ختي اللي كانت  ساكنة معاهم التحت فدار أما دبا لا حيت الخدمة حلات فرع فكازا عليها تحولات هادي شهرين لتما أما أنا قاليك جدي مكيحملش يشوف كمارتي أو هاديك مراتوا زايدا ليه فيه مسكينة جداتي الله يرحمها هي اللي كانت كتكالي علية الحر ديال جدي من منين ماتت أو تتجوج بهاد خيتي أو أنا حياتي عذاب أو هي سبابي تجدي سكني بوحدي فالسطاح حيت أنا مكنبغيش نخضع
  لأوامرها عكس ختي لي كتبقا تسايس معاها أو تعطيها الفلوس
كنتمى تكون البداية عجباتكم  في متبخلوش علية بآرائكم  في الردود و شكرا 😊