القدر

11

دخلنا واخا ممرتحاش بديت فخدمتي أو فينما نهز راسي لقا سيهم حمزة كيشوف أو يغمز 😉 وحد الشوية سيفط لي بوسة 💋 فلهوا كاع ألوان طيف دازوا فوجهي ناري حشمني😶 المسخوط باينة فيه داسر .... حدرت عيني أو بديت كنقلب فالبيروا أو معارفة تاعلاش أو كنسمع صوت حمزة اللي باغي يحبس الضحكة أو مقادش...شوية أو بدا كيتكرشخ بالضحك
أنا( هزيت راسي أو مخنزرة 😾): ياك لاباس!!
حمزة(ناري سالات معايا): ههه لا والوا تفكرت واحد الحاجة
أنا(والله يجعلني تيق ): ممممم
حمزة: فاتي جيبي ليا عفاك داك الضوسي الحمر
أنا(بتعجب):فاتي !!
حمزة(أو مندلعش حبيبتي) : أه هنقبا نعيط ليك هاكا أصلان سميتك طويلة
أنا(هاليقلنا ياك قلت ليكم داسر) : إنا ملف قلتي بغيتي
حمزة : هداك الحمر
نضت باش نمشي نجيبليه الملف من الخزانة الي فالمكتب يالاه حطيت يدي عليه بانت لية واحد الحشرة معرفت أشنو هي أو بديت كنقز أو نولول حمزة ناد.مخلوع مسكين جايهديني أو أنا ندفعوا أو طحت عليه أو ياريتني مدفعتوا غير طحت عليه أو تلاقاو شفاهنا منوصفش ليك باش حسيت ديك اللحظة سخونية طلعات معايا جيت نوض بزربة أو هو يجرني حمزة أو عاود باسني بوسة طويلة أو أنا غير مبنجة ما عقت براسي تاتحل الباب
ناري نضت بزربة من عليه أو خرجت نيشان بلا منهز راسي فالي دخل بانو لي غير رجليه👞 تم عرفتوا رجل مشيت ديريكت الطواليط أو بديت كنولول...
( البنات شبانليكم نعرفوا شكون اللي جا عند حمزة)
الشخص: هاي هاي وا محياح ليا العشير مع راساتك 😉
حمزة : تفوا قطعتي عليا لحظة موحال تعاود أنا براسي ممتيقش
الشخص: ياك إوا مسحبنيش أما كون كاعما جيت مي بيني أو بينك تيتيييزة هه واخا مشفتهاش مزيان
حمزة: جمع راسك الحمار راه هاتولي مرتي هه
الشخص: ههههه صافي طحتي فشبكة دغيا نسيتي فاطمة الزهزاء الي كنتي فارع ليا راسي بها
حمزة : راه هادي هي فاطمة الزهراء مالك جاك الزهيمر ههن
الشخص: أواه كيدراتي ليها الساط والله معرفتها حيت كانت حانيا راسها
حمزة : قيصة طويلة هادي خاسني ليها معاك جلسة خاصة
الشخص: هههه باغي تصدرني مي أنا بوت نبت هنا سيفط ليا علا شي قهوة أو بدا تعاود
حمزة: ناري موصبية معاك هههه واخا(عيط حمزة علا وحدة من الخدامات أو قاليها تجيب ليه 2 كيسان ديال القهوة☕ أو سفطيهم ليا مع فاطمة الزهراء.. أو كمل الهدرة مع الشخص)
ناري ميمتي شو هتي شوهة تفوو اش هندير دبا بين وجه هنشوف فيه ... دق دق دق ✊✊✊( أوف شكون كيدق)
انسة فاطمة الزهراء نتي هنا
أنا : وي ختي بغيتي شي حاجة
...تكلمي لموسيو حمزة أه راه بغا دي ليه القهوة معك
غير سمعت سميتوا خرجوا عيني 😨 خرجت أو مشين على وعدي أو سعدي ندي ليه القهوة غير شفت 2 كيسان عرفت بلي داك خينا مزال تما محملتش راسي مشيت بخطى متتاقلة غير وصلت حدا الباب بقيت شحال واقفة عاد دقيت أو سمعت صوت حمزة الي كيقول تفضل دخلت أو أنا حانيا راسي كطيت ليهم القهوة أو يغيت نخرج تقالي حمزة: فين غادة!!
أنا:لا راه ...شوف دبا ..عيط
حمزة و الشخص: ههههههه
انا(اكتفيت بالصمت أو حادرا راسي)
الشخص: فاطمة الزهراء عاش من شافك
أنا(هزيت راسي شفت الشخص شوية ونا نطق) : عدنان هدا نتا أو لا كنحلم
عدنان: هو هدا بشحمه ولحمه
(نعم يا سادة اللي جا كان خو حمزة عدنان 😍)
أنا : صافا عليييك
عدنان : الحمد الله أو نتي
أنا : تا أنا و صدفة زوينة هادي أش كاديير هنا
عدنان : جيت نشوووف خويا (أو شير لحمزة)
أنا(بصدمة):ميمكنش
حمزة:أحم احم علاش ميمكنش شفاك شديتي ليا الحديت ياله هاكي هاد الضوسي صايبيه وزوينة هادي
عدنان(بصوت خافت أو متوجه بالهدرة لحمزة ): ههه ناس كتغير