القدر

29

عدنان:عرفتي شنوا خرجي خليني نركد
أنا(ناري شهاندير دابا حسن نخدم معاه شوفات البريئة): عدنان عفااك غير شوف فيا دابا مبقيتش فييك
عدنان(هزيت راسي نشوفها لله على شوفات مي مهديرهاش بيا ): هههه قدييمة عندك هادي أصلا مكتجيش معااك ضرافة هههه قبيحة حسن
أنا:صافي بناقص أنا أصلا مكنخافش من هاد الأفلام
عدنان: أولاش قلتي ليا نبقا معااك هههه راني عارفك مزعوطة فيا أو هادي درتيها غير سبا
أنا(أحح قلبي كون تعرف قداش ):سير لله يهديك شكون داها فييك أزمييتة نهار العيد
عدنان: هههه راه قلت لييك مزعوطة فيا
أنا(الحرارة طالعة معايا): صافي...صباحالخير..بغيت نقول مصبح على خيير..المهم هاني غادا
خرجت من بيت عدنان أو أنا حمزة واخا سمرة شوية مي كنحمار هعععهه (خاصة منيين كنكون كندوز شي فرض لهلا يورييكم كي كنولي ) أو هادا مالوا معايا دخلت لبييت أو فينما نزيد نقول داك المخلوق هيخرج ليي من شي بلاصا ولمرايا دزت من أو أنا مدورة وجهي مشيت لفراش يلاه حطييت راسي على المخدة أو طفييت الضو ديال الفايووز للي حدايا ونا نوض أو عاودت شعلتوا
أوو صافي أ إكرام راه غيسر فييلم صافي نعسي عاودت حطيت راسي على المخدة أو خليت ضو شاعل ميحلف النعاس لجاني بقيييت  فايقا غادة تنمشي أو نجي فالببيييت تاوصلات 7:00 ديال الصباح شفت الساعة وانا نوض  توضيت صلييت حليت الماريوا أو قررت نخرج ندير السبور لبست واحد السرفيطة سروالها  غوز أو فيه خط بالكحل مجموعة من التحت أو لفوقاني ديالها  فحال كابيتشوا  واصل تال الفخد او فيه 2 جيوبة مشروكيين يعني إلا دخلت يدي من جيب نخرجها من لاخور أو درت شال فالكحل أو فيم نجيمات فالغوو هزيت صاكادوا صغيير فالكحل خرجت من البيت لقييت باب بيت عدنان مردود متسوقتش او هبطت لكوزينة خديت قرعة ديال الما أو خرجت بقييت غادة شحال تا حسسيت براسي عيييت لققيت راسي وصلت لواحد الجرييدة فيها كراسي مشييت كلست فواحد الكرسي جبدت قرعة ديال الما شربت أو رجعتها لساكادوا شوية كنسمع صوت توجه ليا بالهضرة
.....:أنسة واخا نكلس معااك
أنا(هزييت راسي نشوفوا هههه لله لله هاد زيين كلوا نقولوا لا): أه تفضل
.....:سمحي ليا إلا ديرونجيتك
أنا:لا لا لله ياودي أصلا أنا يالاه جيت
......:أول مرة تجي لهنا ياك
أنا:أه ،باش عرفتييها
.....:حيت موالف ديما كنجي هنا أول مرة نشووفك علييها
أنا(باتسامة): عندك الصح  هاد البلاصة زةيينة أنا براسي كون عرفتها من قبل كنت هنبقانجي ليها ديما
.....:بالمناسبة أنا سمييتي إياد
.....:بالمناسبة أنا سمييتي إياد
أنا:متشرفين أنا سميتي إكرام
إياد:الشرف ليا شنوا كديري فحياتك
أنا: هاد الساعة غيير الدار
إياد :باقا صغيرة على هاد الهدرة واش ممكلاش قرايتك
أنا:لا ماشي داكشي أنا هاد العام شديت لباك ديالي فالعلوم  بمونسيوا أو مزال معرفت شنوا ندير
إياد :على هاد الحال  دفعي لكلية الطب
أنا(مكرهتش أصلا هادشي للي كنت هاندير فلول مي ختي دفعاتي لمدرسة خرا حيت الطب كيطلب وقت أو مصارييف):يكون خييير أو نت
إياد: أنا مدير ديال الشركة
أنا(هههه السيد فروج بكامونوا مزيان):  تبارك لله باقي صغيير
إياد :غيير كايبان لييك ههههه راه شارف
أنا(أنا للي شارفة قدامك):هههه لواه
بقيينا شحال كنهدروا أنا أو إياد واحد اللحضة درت لققيت واحد المرة لابسة خيمار كالسة مقابلة معانا أو مركزة  شوفة فينا خاصة أنا صراحة دخلني الششك ياكما تكون مرتوا أو لا شي حاجة تصدق ناتفاني أو لا تكون شي داعيشية باغا تفجرنا هنا إياد نتابه ليا أو سولني
إياد : إكرام مالكي ياكما برزطتك أو لا شي حاجة
أنا: لا لا أجي نسولك واش مزوج
إياد(مستغرب من السؤال):لا مي خاطب أو كنبغي خطيبتي
أنا(ههههه هدا مالوا ياكما صحابلييه باغا نلسق فيه):ههههه لا متفهمش غلاط هانتا شوف هاظ المرة للي مقابلة معانا أو دايرة خيمار من قبييلة أو هي حاضيانا ياكما كتعرفها
إياد(دور وجهوا غير شافها مالاميحوا تبدلات): ..أه..لالا (بصوت خافت)هادي وقتاش جات
أنا:قلتيي شي حاجة
إياد :لا والوا
أنا:تعطلت خاصني نمشيي تشرفت بمرفتك
إياد:تا أنا ممكن تخليلي رقم تيليفونك
أنا:معندييش دبا مي غير قيد لي نمرتك غيير نشرييه أو أكييد نتاصل بييك
إياد : معندييش ورقة مي هاكي لاكارط فيزيت
شديت لاكارط فيزييت مي لقييت مكتوبة فيها حمزة
أنا:شكون حمزة
إياد:لا لا راه غير غلطت واقيلة مجبتهاش مي كنضن عندي ورقة أو ستيلوا فالطوموبيل إلا بغييتي نوصلك أو منها نييت نكتب ليك النمرة
أنا(جابك لله نييت مافيا للي يضرب دييك الجبدة):وخا علاش لا
نضنا أنا أو إياد ركبنا فطوموبيلتوا كانت زوينة فحالوا هههه  كلست أونعت ليه فين جات الفيلا شوية بانت  لي قرعة ديال الريحة فحال لي كدير ختي
أنا : متقوليش كديير هاد الريحة
إياد: لا هادي ديال خطيبتي هههه
أنا:مزيان
إياد:وصلنا ياك هنا
أنا:أه شكرا بزاااف
إياد:نتلاقاو
انا:أكييد نششاءلله يالاه دخلت من البا دايال فيلا بان لي عدنان جاي جيهتيي عيينييه حومر أو عرقوا خارججيين باينة فييه معصب بزااف أول مرة نشوفوا هاكا خلعني