القدر

37

طلعت لبيتي وحاسة بغصة فقلبي بقا فيا الحال أنه سافر بلاما يعلمني كيفاش طاوعوا قلبوا نزلت دمعة باردة من عييني كتحاول طفي العافية للي حاسة بيها مسحتها أو قوييت راسي أصلا عدنان عمرو ماوعدني بشي حاجة هو دار هادشي كامل حيت وصاتوا ختي أو حتي إلا كانت كاعما وصاتوا كان هيديير هكا فسبييل الإنسانية واش واحد فحالوا يدييها فوحدة بحالي حاةلت نخوي راسي من الأفكار دخلت لدوش دوشتت أو خرجت صليييت صلاتي للي من البارح مصلييتها طلبت ربي يسامحنيي هو عارف أنني متقصدش دعييت لله يديير لي فيها الخيير أو تلاحييت فوق الناموسية أصلا كنت مدكدكة غير جطييت راسي صافيي مششيت واحد اللحظة كنحس بشي يد كتزعزعني
أنا(خاشية راسي تحت المخدة):مممممم
فاتي: نوضي تعشاي
أنا:مممممممم
فاتي: وانوضي البقرة
أنا(طليت عليها من تحت المخدة بنص عيين):غير بصحتكم أنا مقياش ولله مقادا نوض
فاتي : وغيير نوضي غسلي وجهك أو هتوكضي
أنا: لا مفياششش غير سيري
فاتي: شربتي دواك ديال
أنا: أه خلييني نعسسس هالعار
فاتي: ههه هاهية غادة تصبحي على خير
مجوبتهاش حييت صافي كنت رجعت نعست
بعد.مررور أسبوع===>
دازت سيمانة اليووم هو أخر نهار عندي من فالفييلا للي دوزت فييها أجمل أييام حياتي مع الشخص للي كنبغييه أه كنبغييه مي للأسف حب من طرف واحد ،من نهار سافر مسوب فيا كان ديما كيدو مع مي حلييمة أو خووه أو عمرو قالييهم دوزوا لي إكرام نهدر معاها هاد السيمانة كنت هازة تييل أو معنقاه كنفييق علي تصويرتوا أو نعس علييها شخال من مرة بلييل كنكون نااعسا او كنتخيلوا حدايا ، هاد سيمانة دازوا فيها بززاف ديال الأحدات عيشة هي أة خوها فالحبس دازت المحاكمة ديالهم هادي يوماين هية حكموا عليها ب15 عام أما خوها كان معركها زبايل اغنصاب سرقة أو باش كملها قتل زوج من غير جدي حكموا علليه بالمأبد بالنسبة لختي أو حمزة تافقنا أنا خطبتهم هانكون من هنا 3 دبال أسابييع ههه هيجي يخطبها مني وخا ختي مبغاتش حييت باقي موت جدي مي أنا قتعتها حييت هادييك الساعة هتكون فاتت الأربععين أو أنا مبغيتهاش تعدب كتر حيت عارفاها أنا مكرهاتش تجمع هي أو حمزة أو يكونوا أسرتهم كولا مىة كنشوف شوق ديالهم لبعضياتهم أو أنهم ميقدروش يتفرقوا على بعضهم علييها هدر معايا أو بغا يمشي عل الأصوول أو بما أنني أنا للي بقييت لييها فقرر أنه يخطبها مني اما بالنسبة للدار بعناها حييت مقدرناش نرجعوا تعييشوا فيها أصلا كانوا فيها الدكريات السيئة كتر من الزويينة أو موت جدي مقتول فييها كملا لباهية أما بالنسبة لحانوت فحطينا واحد الراجل لله يعمرها دار يقابلوا أو دابا خلييوني نودع الفيلا للي يمكن عمري مزال نرجع لييها ودعتها ركن بركن حيت كولا بلاصة تقريبا عندي فيها ذكرى مع عدنان محسييت براصي تالقيت راسي خلييت ماريوه أو خدييت منوا تيشورت ديالوا درتوا فصاكي أو خرجت ركبنا فالطوموبييل أنا او فاتي للور أو مي خليمة كلسات القدام حدا حمزة حيت هاتمشي معاه مكاين لاش تبقا بوحدها فدار
غاديين فطرييق فأجواء زويينة كولشي فرحان او ناشط إلا أنا للي كانت فرحتي ناقصة شوية سولت حمزة
أنا: خويا حمزة (ولييت كنعيط لييه خويا حيت شفت فيه الأخ الوقفة للي وقف معنا خلاتني نحتارموا او نقدروا بزااف ) شنوا درتي فالانتقال ديالي من الكلية
حمزة: قرييب نشاء لله ينقلوك غيير صبري 
أنا: سمح لي بزااف عدبتك معايا
حمزة: متقوليش هكا راك فحال ختي
أخييرا وصلنا لكازا أو بطبط العمارة فين كاريا ختي
سلمنا على مي حلييمة
أنا او فاتي : مي حلييمة تهلاي فرااسك
مي حليمة: تانتوما تهلاو فراسكم او متغبرووش
أنا أو فاتي : نشاء لله (بست ليها راسها ،خبطنا من الطوموبييل باش نجبدو لي فاليز )
فاتي: غير خلييك بلاما تعدب راسك حن نهزوهم
حمزة: حشومة تقولي هكا أو نزيبدك عدابكم راحة
أنا: ربي يخلليك أ خويا
طلع معنا عدنان لي فاليز تال قدام الدار حلات ختي الباب دخلت أنا او خلييتهم يهدروا على خاطرهم
حمزة: انتوحشك
فاتي(تزنكات)
حمزة: يخلي لي حبيبتي كتحشم المهم خاصني نهبط باش منعطلش على مي حليمة
فاتي : واخا تهلا فراسسك أ فييها
حمزة: تانتوما تهلاو ليا فراسكم
مشا حمزة او ختي دخلات لدار أو هي هطيير بالفرحة
أنا: شفتك فرحانة ههه أش كنتوا كدييروا تما 😉
فاتي: ههه ماشي سووقك
أنا:ممممم ماشي سوقيييييييي ونا نفهم(لحنتهها)
فاتي: ههه أش فهمتس لله يقل حياك
أنا:هانتي بوحدك كريتي هههه
فاتي: لله يمسخك كيجاتك الدار
أنا: زويينة بزاااف عجباتني
فاتي: تا البنت للي كاريا هعاها ضريفة لله يعمرها دار  هتعجببك سميتها كنزة
أنا: نتمناو
دوزنا هادييك العشية عادي تا دخلات كنزة البنت للي خدامة مع ختيي
كنزة: أهلا أهلا وانا كنفرا مال كازا مشمشا
فاتي: هههه صبغيني صبغيني
كنزة(عنقاتها): ههه مطلبتي غير الموجود
فاتي: هههه ياك أوا ألالة أه جييت أو جبت معايا ختي
كنزة:تهار كبيير هادا من دييما كنت باغا نشوفها
أنا(خرجت من الببيت): تا أنا نفي شي
كنزة(جات سلمات عليا أو عتقاتني): نهار كببيير هادا ولله تافرحتوني كنت قانطة بوحدي مزيان منين جيتوا
صراخة عجباتني كنزة ضريفة او بنت الناس عفوية او دغيا كدخل لقلب دازت الأيام أو أنا دغيا نساجمت معاها الانتقال ديالي باقي متقرر كنبقا غير فدار أو لا كنمشي نشوق مي حلييمة أو لا كنخرج مع ختي او كنزة نتساراو أو نقادو داكشي ديال الخطبة لحد الأن عدنان باقي معندي علليه تاخبار أما ختي غهي رجعات لخدمتها ههه غير سبة باش تششوف خمزة قاتلك تاتبقي سيمنة على الخطبة أو تشد كونجي ههه لييومة حلمت بجدي لله يرحموا كان لابش لبيض أوقالي رتاحييت منين سامحتي ليا دعي معايا بالرحمة أو تبعي قلبك أبنتي متفرطيش فييه فقت مخربة مفهمش المغزى ديال هاد الحلمة
و أخيبرا بفات سيمانة على الخطبة هاد السيمانة خاصنا نقادوا فيها داكشي للي ناقص كولشي وجدنان ضوموندينا على الحلوة او كريينا تكاشط أنا او ختي فحال فحال فلموديل هي للي ختارتها ليا خدينا رونديفوا عند الكوافورة المهم تقرييبا كولشي هو هداك أكييد كتقولوا علاش درنا هادشي كامل حيتت بغييت نحسس ختي أنها  مقطوعة من شجرة
فهاد السيمانة سبعت وصفات أي وصفة دارتها دير لي تا أنا منها واخا مكنبغييش مي مكاتفاك معايا تنديرها