القدر

6

الشخص (بعصبية) : 😡 مدام آش هاد الاستهتار منين مقاداش تردي البال لبنتك لاش مخرجاها معاك أو لاش ولداها أصلا !!
أنا: لا راه..(  يلاه بغيت نجاوبوا أو هو يقمعني صراحة مارضيتش أو خاصة أنا الناس كانوا مجموعين علينا)
الشخص: أو مزال عندك الوجه باش تجاوبي (مزال متكمل هدرتوا تكانسمعوا غوات ديال لمرة كتغوت بنتييي... بنتيي.. أو غير شافت البنت اللي فيدي أو هي تجي تتجري عندها أو بدات كتبكي😢😢 أوكتبوس فيها أوهي تهز رايها أو شافت فيا عنقاتني أو شكراتني)
المرأة : شكرا بزااف أختي عمري نسالك هاد الخير
الشخص (بصدمة):😮 كييفاش نتي هي أم البنت
المرأة: أه هي أنا
أنا (شفت فيه او خنزرت😾 ): ماتقوليش هاكا أنا مادرت غير اللي خاصوا يدار
بست البنيتة أو نفضت حوايجي لتوسخو أو قاديت درتي أو  خليت دلك الشخص مصمر بلاصتوا يلاه جيت نقبط طاكسي تاكنسمع نفس الصوت أه كان نفس الشخص
(أه نسيت ماصوفتوا ليكم كان شاب طويل في عقده الثالت سميمر عويناتوا قهويين أو عندو لحية شعروا خفيف أو داير حسانة عادية)
درت لقيت نفس الشخص مادتهاش فيه  او دغية شيرت لطاكسي ركبت عطتو العنوان او زاد ، او حنا غاديين لاحظت بانو طوموبيلت هاداك الشخص تابعا طاكسي مهتميتش الامر... ، وصلت لباب العمارة فادا بي باغا نخلصو ناري فحال للي جا أو سرفقني تفكرت صاكي او فالزتي لي لحت مني بغيت نعتق البنت
قلت نطلع لدار او نجيب لالراجل الفلوس تفكرت بانو السوارت بقاو فالساك وحلا هادي، يالاه انقول لمول طاكسي يردني منين جابني تا كانشوف نفس الشخص تقبيلة حل باب الطاكسي او هاز فيديه ساكي او فالزتي
فرمشة عين خطفت منو الساك خليتو واقف مصمر خلصت مول الطاكسي او نزلت توجهت عند الرجل
انا(بالنفخة حين منسيتش الاهانة تقبيلة ) : شكرا
الشخص : العفو ، هادا اقل مكان بامكاني نديرو باش نعتادر على الهدرة تقبيلة ، سمحيلي بزاف كان كيصحابلي نتي هيا مامات ديك البنت
انا (السحاب فالسما  ) :  المسامحة او دابا نخليك خصني نمشي
الشخص: انا حمزة او نتي آ أنسة
انا (أووف آش هاد اللسقة): فاطمة الزهراء 
حمزة: متشرفين
انا : اوك مزيان دابا خصني نمشي
حمزة :ممكن تعطيني رقم هاتفك
انا: نن سمحلي بسلامة
جريت فاليزتي جبت السوارت من ساك او زدت حليت باب العمارة لقيت داك حمزة مزال كيشوف جهتي مادتهاش فيه سديت الباب بغيت نقول زدحت الباب او طلعت للدار اللي كاريها أنا أو واحد البنت خدامة معايا