القدر

26

أنا : يلاه مشينششششنا (وركت عليها أو أنا كنشوف فيه)
عدنان:ههه واخا
خرحنا من الفيلا أو توجهنا السيارة أنا حليت الباب باغا نركب اللور أو هي تنطق مي حليمة
مي حليمة: أجي أ بنتي ركبي القدام
أنا: لا لا أ مي حليمة غير ركبي نتي
مي حليمة: بالعكس أبنتي أنا كتعجبني الركبا اللور حيت القدام كتجيني الدوخا
أنا: و صافي ركبوا بزوجنا لور
عدنان: لا لا زوينة عندك هادي بلا هدرة زايدة أجي كلسي هنا (شير بيديه البلاصا للي حداه)
أنا(هاني كنجمعهم ليك غير بالتي ) : وخا
حدرت راسي أو بيقيت كنشوف من الزاج واحد الللحظة دزنا من حدا حومتي حسيت قلبي تهز أو بديت تنبكي بصمت حسيت أن عدنان عاق بيا مي مبغاش يحرجني أخيرا وصلنا نزلنا من الطموبيل هزيت راسي بان لي محل كبيير بيانة فيه كيبيع داكشي زوين ديال المحتجبات تقريبا فيه جميع المستلزمات النسائية ...هادشي باين غير من لفترين ديالوا
أنا: عدنان!!
عدنان: مالكي يلاه دخلي شكاتسناي
أنا: لا سمحلي منقدرش هادشي باينة فيه غالي أو حنا متفقناش على هكا
عدنان: را قلت ليك قبيلة فييك بلا بلا بزاف أو نزيدك إمتى تافقت معاك ، مي حليمة قولي شي حاجة
مب حليمة: دخلي أ بنتي أو بلا متزيدي مع ولدي عدنان فالهدرة حيت هضيعي غير وقتك أسلا هو كيديير غير للي قال ليه راسوا
أنا: وخا
عدنان: يلاه طلقينا
دخلنا المحل أنا مع الدخلة حليت فمي ناري فيه داكشي كيحمق مي حليمة كلسات فواحد الفوتوي أو أنا بقيت كندور بعيني أو عدنان كيقولي يلاه خودي للي بغيتي أنا صراحة كولشي عجبني مي غير كنمشي نهز شي حاجة أو كنشوف ثمن ديالها كندير راسي معجبتنيش عدنان حس بيا أو قال
عدنان: نتي إلا بقيت معول غليك هنباتوا هنا (ناض عدنان او بدا كيهز الكساوي أو الشو ميزات أو السراول ،الصيكان ،الصبابط ،البيجامات ،حتي الإكسوارات خداهم أو أنا غير حالة فمي)
أنا: أش كدير نتا لا لا هادشي بزااف او أصلا معجلنيش يالاه نخرجوا
عدنان: نتي غير سكتي أش كتعرفي أه نسينا واحد.الحاجة
أنا(او كنشوف فداكشي للي خدا ): أش باقي مخديتي راك خويتي الحانوت
جرني عدنان ناري لتاني مرة كيضربني ضو ههه جرني ونا ترفع شوية وقفني فواحد الجزء خاص بالملابس الداخلية أنا غير شفتوا فين جابني أو طلعات مع السخونية من سبع رجلي الصغير
أنا:أش جاي دير هنا تاني
عدنان: كيفاش شجاي ندير راه خاصك باش تبدلي فالحوايج ديال الداخل
أنا(مركت): أه ..ولكن...صافي غير سير أنا نعزلهم
عدنان: لا لا نتي إلا عولت عليك هنبقاو هنا أنا هانخد ليك (بدا عدنان كيهز للي جات قداموا شوية بانت ليه واحد الشوميز دونوي حمر هزو تاهو)
أنا: هييييه لاش خديتي هداك
عدنان:معرفتي تحتاجييه
أنا:ها ليقلنا أنا راه ماشي من دوك البنات
عدنان:مال عقلك خامج غير خليه
انا(لا لا هادا خاص ندير معاه أطونسيوا)
عدنان:صافي مشينا
أنا: أوكي
مشا عدنان لاكيس خلص علم لله شحال حط فداكشي هزوا معانا شي وحدين من المحال داكشي للي خدينا تال حد الطوموبيل حيت كانوا بزاف ركبنا فالطوموبيل شوية نطق عدنان
عدنان:مي حليمة فين بغيتي تغداي
مي حليمة: فينما بغيتي اوليدي أو لسول إكرام شوفها إلا كنات بغا تمشي لشي بلاصة
أنا:لا لا كون جيتوا عليا كون مشينا تغدينا غير فدار مكاين لاش
مي حليمة:لواه أبنيتي الواحد خاصوا يخرج يبدل الجو مرة مرة ياك أولدي عدنان
عدنان:عندك الحق أمي حليمة صافي منين مبغيتوش تقولوا فين تمشيو أنا عندي فكرة
وقف عدنان قدام واحد المحل كبير خدا منو الغدا أو مبورطي أو خدا العواصر أو موناضا أو رجع للطوموبيل أو دانا لواحد البلاصة زوينة بزاف بحال غابة صغيرة زوينة كيدخلوا ليها العائلات
مي حليمة :لله هاد البلاصة على مزويناتها
انا: عندك الحق أمي حليمة
عدنان: أوا الحمد لله منين عجباتك أو عجبات شي وحدين
أنا(دابا هدا علامن كيمعني)
عدنان:أجيو نكلسوا هنا
أنا(بعدا مزيان منين كاين الطولبل أو لكراسا ):مي حليمة نبداو نحطوا الغدا
مي حليمة:أه يالاه لقيتيني هنقولها ليك
(حطيناالغدا أو بدينا كناكلوا واحد اللحظة كنسمع صوت بنت عيطات العدنان)
البنت:أوووه سيبا فغي واش عدنان للي كنشوف
عدنان:أهلان سارة سافا علييك (مد ليها يدوا مي هي لاحت عليه او باستوا حدا فموا)
انا(كنت تاناكول تاشفتها باستوا او هي توحل ليا ):كحكحكحكحكح
مي حليمة : بشوية عليك أ بنتي هاكي الما
أنا(ناري ميمتي مقاداش نتنفس بديت كنتشير لمي حليمة بيدي تنحاول نقوليها زاه مشا ليا الهوا)
عدنان(ناض عند إكرام ):إكرام مالكي ..شنوا ياكما تخنقتي
أنا (كنشير براسي أه )
عدنان :هانتي حاولي دخلي النفس من نيفك
أنا(بديت كندير كيفما كيقول لي عدنان تا رجغات لية النفس ):صافي دابا مزيان شكرا
سارة : عدنان معرفتيناش
عدنان:هادي مي حليمة راها ميمتي هية للي مربياني أو هادي إكرام كتجيني من العائلة أو هادي سارة عاد.عقدنا مع شركتهم صفقة مؤخرا كنخدمو أونسوبل
سارة(منين خرجات لي هاد إكرام تاني):متشرفين
أنا(صراحة عجبني الحال منين كبر بيا عدنان): أو سي
سارة(بمكر):إوا هاد المرة أ حبيبة كولي غير بشوية باش متوحلش ليك الماكلة مهتربش
أنا(سيري لله يلكيها ليك): شكرا على النصيحة (ضحكة صفرة)
مي حليمة: بنتي كلسي تغداي معانا