خرج عدنان أو هي دخل ختي
فاتي :مال عدنان خارج كاعي
أنا: منعرف لييه كان كالس شوية ناض خرج كثوور
فاتي : لعجب 👀
أنا: بلاما ديري فيا دوك الشوفات
فاتي : ممم المهم راه دوييت مع طبييب قالي يمكن لييك تخرجي من دابا غير هو هاد الأياام خاصك تنقسي من أي حاجة فيها الإجهاد خاصة النفسي
أنا: الحمد لله هنخرج من هنا
فاتي: غيير للي بغا يضيع معاك الحجرة هادشي كامل للي قلت سمعتي منوا غير هتخرجي دابا
أنا: يالاه طلقينا أو عويني مبدل هد الحالة(كانت إكرام لابسة واحد الكسوة ديال المرضى طويلة أو شعرها دايريين ليه البوني )
جبدات لي ختي حوايجي عاوناتني نلبس واخة كنت قادة نلبسهم خرجنا لقينا حمزة كيتسننا يالاه بغا يمشي يخلص أو هوما يقولو ليه خلصهم راجل السيدة
أنا: راجللي !!
فاتي: وقتاش تزوجتي 😨
السيدة للي فالحسابات: ياك موسيو عدنان العمراني راجلك
يالاه بغييت نجاوب أو هو ينقز حمزة
حمزة: اه المهم سمحيلينا على ديرونجمو ، (شاف فينا أو غمزنا) يالاه مشينا
أنا أو فاتي : اوكي
فاتي(بصوت خافت): هههه راجلك
أنا(خنزرت فيها)
فاتي : صافي زيدي ماقلت والوا
خرجنا من السبيطار و أخييرا خدييت نفس عميييق ركبنا فالطوموبيل فاتي حدا حمزة او أنا للور طلبت منهم يديوني المقبرة فين مدفون جدي واخا ختي مبغاتش مي قدرت نقنعها وصلنا المقبرة هبطات معايا ختي غير وصلنا دموعي بداو كيهبطوا سخان داكشي كامل للي كنت كنحسوا فقلبي من جيهتوا قلتوا لييه بققيييت شحااال تحسيت براسي رتاحيت خاصة منين تسامحت معاه واخا فالقبر قرييت علييه ماتيسر من القرآن أنا أو ختي او رجعنا عند حمزة للي خلانا بوحدنا باش ناخدو راحتنا مسكيين خلييناه كيتكرمل
حمزة: صافي جيتوا
أنا أو فاتي : ويي
حمزة: ندييكم لدار أو لا مزال بغيتوو تمشيو لشي بلاصة
فاتي : وي دينا
أنا: لا مزال مقدينا واحد الغرض
دارو بزوج كيشوفو فيا أو كيسولوني بعينيهم
أنا: بغييتكم ديوني عند عيشة
فاتي:إكرام لله يهدييك راك عيانة يالاه خرجتي من سبيطار أو معطيتيش راسك الراحة
أنا: عفاك أختي ديري لي خاطري
شافت فيا ختي تاعيات او قالت لحمزة يديينا عندها غير وصلنا طلبت من ختي تعطيني تيليفونها أو تخليني ندخل بوحدي عندها طبعا رفضات ميي عارفني عندي طرق فالإقناع
دخلت عندها غير لقيتها كمتفة
عييشة:طلقوني لاش باقي حابسينش هنا
أنا:هنطلقك مي بشرط تعاوظي لي كولشي من الأول
عيششة: فعلا عاودات داكشي للي قالت لي ختي مي محبداتش ليا جدي
عيشة: أو دابا هاني عاودت ليك كولشي خليني نمشب
أنا: أو جديي !!
عيشة بارتباك : مالوا جدك
أنا: من اللخر أنا عارفك نتي أو خوك للي قتلتوه متخفيييش غيير عاودي ليا أصلا نتي عارفني كمنحملوش غير بغييت نعرف كيدرتوا لييه أو صافي و كنواعدك هنطلقك
عيشة(فرحات مسكينة تيقات):وخا
غيير بدات تعاود أو نا نخدم تسجيل باش نسجل هدرتها فعلا هي أو خوها للي قتلوا جدي أو تعداو علليه خلييتها تا سالات على خاطرها عاد خبست تسجيل أو درت ليه انغوجستري
أنا: برافواا هادشي كامل خرج منك
عيششة : ياك دابا عاودت لييك أوا طلقيني
أنا: وخا مشييت فكيتها يالاه بغات تخرج ونان نجرها من شغكاكتها بردت فيها غدايدي كاع داكشي للي دارتو لي خرجتوا فيها رجعتها كولها زرقة وانا كنتفها تفكرت كلام الطبييب هههه قالك بعدي عل الإجهاد إلا كان غير بحال هاد الإجهاد مرحبا الحاصول دكدكتها مزيان أو خرجتها ليهوم تصدموا باش شافوها
فاتي: أويلي مال هادي
إكرام : ههه غير جاهدت فيها أو صافي ههه
حمزة:ويلي ويلي على لي مريضة بالدييقة
أنا: المهم هاكو هادا تسجييل فييه آعتراف هاد الموسخة بغييتها اليوم قبل غدا دخل هي أو داك خوها الحبس أو يتعفنوا فييه
حمزة :عندك الحق (وصا حمزة واحد من الرجال للي كانوا كيحرسوا دار يوصلنا أما هو داه معاه واحد من الرجال باش يدييو عيشة الكوميسارية فعلا داكشي للي وقع وصلنا هداك الحارس لفيلا ديال عدنان )
أنا: واش هنبقاو هنا
فاتي: وي غير هاد السيمنة حيت هاندييك معايا لكازا
أنا(قلبي تقبط عليا حيت مهنبقاش نشوف عدنان): مممم واخا المهم يالاه ندخلوا
مع الدخلة تلاقيينا بمي حلييمة للي فرحات ملي شافت ختي كنضن أنها تاهية كانت عارفة كولشي فرحات بيينا لقييناها موجدا لينا شهيوات صارحة فترسنا دييك الطبلة راه بالسييف من البرح مكليينا الحاصول شبعنا
أنا: الحمد لله
فاتي:لله على شهيوات
أنا أو فاتي :لله يعطييك الصحة أمي حلييمة
مي حليمة: بصحتكم ، يالاه طلعو رتاحوا راه عيطي لي ولدي حمزة أو وصاني علييكم حييت قال هيتعطل
فاتي: ولكن راه مزال مكلا والوا حسن نمشي نوجد لييه شي حاجة او نديها ليه
أنا :هههههههه
مي حليمة: هههه بلاما تعدبي راسك غير سيفطيها ليه مع الشيفور مشات فاتي الكوزينة من بعد موريناها ليها أما أنا قررت نطلع ندوش عليا أو نصلي صلاتي للي فرطت فييها يالاه بغغيت نطلع وانا نتشجع أو سولت مي حليمة
أنا: مي حليمة مبانش ليك عدنان
مي حليمة: عدنان سافر لبرا
أنا: سافرر
مي حلييمة : اه غير جا من السبيطار جمع فاليزتوا قالليك عندوا شي حاجة مهمة
أنا: أه مزيان معرفتييش شحال هيبقا
مي حليمة: على حساب مقالي شهر
أنا:كييفاش شهه..ههر
مي حليمة :اه علاش
أنا : لا والوا المهم هاني طلعت لبيت
أنت تقرأ
القدر
Romanceجبت لييكم ليوما قصة زويييينة كيكانقولوا خفيفة ضرييفة للكاتباات : اكرام و فاطمة الزهراء
