نمشيو عند إكرام أووف أخيرا سالسيت العشا (صاوبت طاجين ديال الخضرة من داكشي يالاه بديت كنحط العشا أو هي توقف عليا ديك العقروشة )
عيشة : تبارك لله عليك كون غيى زدتي تعطلتي شوية باقي عليك الحال
أنا : كون كنتي لالة أو مولاتي كون هاديك الساعة نضتي طيبتيه نتي
عيشة : هاي هاي على البرهوشة تحل ليك الفم كايكلوك جنابك إوى أجي نوريم هاد لالة مولاتي علاش قادة (طارت عليها جبداتها من شعرها )
أنا : أييي أييي طلقي حرام عليك كضيريني
فاطممة الزهراء (سمعت الصداع قلت هادي ماتكون غير عيشة أو كايسيطاتها اللي مكايساليوش شوية كنسمع غوات ختي خرجت تكنلقي ختي طايحة فالأرض أو عيتة كالسة عليها كتريشها) : أش هادشي كنشوف حرام عليك طلقيها ( بيقيت تانفاك فيهم بزز باش طلقاتها مكرهاتش كون خلطاتني معاها )
عيشة : تفوا كنس كاموني هاد المرة طلقتك مي غير صبري إلا ماعودش ليك ترابي مانتسماش أنا عيشة (فهاد الأتناء الجد ديال البنات ظخل أوا غؤر شافتوا مراتوا بدات فالتبوحيط ديالما المعهود )
الجد(ابراهيم): (بالغوات)أش واقع هنا تاني
عيشة : أش هانقوليك أ الحاج صافي عيت نتا كتخرج الحانوت ( آه ماقلتش ليكم الجد عندوا حانوت كبير ديال المواد الغدائية ) أو أنا كتخليني مع هاد وجه نحس
الجد : آش درتي تاني الويلة
أنا : جدي والله ما.. (قاطعها الحاج بالغوات ) ياك تنقوليك ماتقوليش ليا جدي ندمت على النهار اللي جبتك فيه لداري نتي سرك غير الزناقي يالاه سيري دركي زلافتك عليا (طلعات إكرام لبيتها فالسطح أو دموع رسموا طريقهم فوجهها )
فاطمة الزهراء : جدي حرام عليك تتعامل معاها هكاك أو نزيد هي مدارت والوا مراتك اللي جبداتها أو ...(قاطعات عيشة هدرتها)
عيشة : صافي تحاميتوا عليا تاني عمراتك عليا هئ هئ... (دموع التماسح)
الجد :صافي أ عيشة دابا لاش كتبكي (دار شاف ففاطمة الزهراءأو قاليها ) بنتي خليك بعيدة على هادشي باش دوزي هاد ليام ديال الكونجي اللي بقاو ليك معانا هانين مفهوم !!
(حدرات فاطمة الزهراء راسها بعد سعات ..هدرة جدها أو طلعات عند ختها تواسيها فهاد الأتناء عيشة عاظ حلا ليها العشا بعد ما خدا ليها الحاج حقها
عيش: (أووف عجبني فيهم هاد الشارف أو دبا عاد نكلس نتعشا معا راساتي ) ،الحاج دوز تعشا راه أنا اللي مطيباه ماتخليش ديك الخانزة طلع ليك الدم (كتقصد إكرام)
الحاج : واخا هي اللولة أ نويويرتي (هكيلي على الشارف) أمممم الله يعطيك الصحة على هاد طويجين بنين
عيشة: بصحتك الحاج
(نرجعوا دبا عند البنات خاصة عند إكرام..)
أنت تقرأ
القدر
Romanceجبت لييكم ليوما قصة زويييينة كيكانقولوا خفيفة ضرييفة للكاتباات : اكرام و فاطمة الزهراء
