القدر

13

حطيت التلفون منبعد ما جاوبتو او دخلت ندوش... ساليت لبست حويجاتي نشفت شعري او مشيت نتغدا مع كنزة...سالينا جمعنا الطبلة او غسلنا الماعن موراها مشيت نتكا شوية... يلاه غمضت عيني كنسع الصونيت تالباب ما نضتش خليت كنزة تحل
سافي يلاه قلت نكمل الغميضة ديالي.. او هيا تم داخلة علية كنزة
انا: بسم الله الرحمان الرحيم مالنا متنعسي متخلي لي ينعس شكون جا بعدة ؟؟
كنزة : جا حبيب قلبك
انا :🙄 هااا انا حبيب القلب ولا الكبدة خليني نرتاح شوية عفاك
كنزة : ههههه حمزة
انا (غا سمعت سميتو بدا قلبي كيضرب او حناكي كنحس بيهوم طايبين ) : بصح 😳
كنزة : ويتك ويتك الدرية غا سمعات سميتو او تزنكات
انا :😠(خنزرت فيها)
كنزة : لاعنداك مجاش مي سيفط ليك شي حاجة معا واحد العامل
انا: هاا حاجة انا حاجة فيناهيا جيبيها..
كنزة : ههههه بشوية عليك احبيبة ياك فيك النعاس تا تنعسي او تفيقي او نجيبها ليك
انا: (خنزرت فيها عوتاني هههه) ك ن زززةة اتجيبيهاا دبا ولا لا 😡
كنزة : صافي صافي اصاحبتي بردي هههه غا ضحكنا هعاك تسناي هانا دبا انجيبو ليك
مشات كنزة تجيب لي داكشي مراها دازت مكاملا تا دقيقة تمات جاية او هازا معاعا بواط كبيرة شوية مغلفة ببابيي كادو خطفتها منها دخيا... حيدت البابيي لقيت ورقة مكتوب فيها " الى جميلتي فاطمة الزهراء
أتمنى ان ينال اعجابك الفستان
حمزة ♡ " 😍 حطيت الورقة او حليت البواط .. لقيت كسوة طويلة واوو😲 فالاحمر غزالة
كنزة كانت واقفة فوق راسي شافتو حلات فمها جبدتو دغية او نضت قيستو..
كنزة : واوو جاك فنن تقول مفصل عليك ليوما دوخي حمزة
انا : بصح جاني زوين ياك نمشي بيه ولا لبس شي حاجة من عندي
كنزة : اويلي لا لبسي هدا قالا من عندك
انا : اوكي نشاء الله من هنا ليل يحن مولانا يلا صافي دبا سيري خليني نتكة شوية
كنزة : صافي جبت ليك لي بغيتي او دبا كتصدريني ياك واخة هاهية غادا 😑
مشات كنزة لبيتها او انا حيدت الكسوة او رجعت تخشيت بلاصتي او تكيت... منضت تال 17h
نضت صليت جلست كنتفرج شوية مراها نضت وجدت كاسكروط كلينا خليت كنزة تجمع الطبلة او مشيت نلبس حيت كانت وصلات 19h يلاه نوجد علا خاطري