سارة:مغسي حليمة نيت فيا جوع
أنا(ويلي على القردة الماسخة قالت ليك حليمة حرفية واش سيدا قد مها او كتعيط ليهل بسميتها )
مي حليمة: مرحبا
جرات ديك سارة كرسي أو كلسات حدا عدنان بغيت نقول لسقات فيه كون غير ناضت كلسات فوق منوا حسن أو بدات كتهدر معاه أو حنا ممعبراناش نص سدرها مبناه ليه شوية بغات توكلوا
سارة:هاك خود هادي من عندي
عدنان(هادي مالها سخن عليها راسها):...و..وخا
أنا(صافي تال لهنا أو بزاف ):أنسة راه عندوا يديه ماشي دري صغير باش توكلييه أو لا عرفتي شنوا حتارمي غير وجودنا (نضت من بعد معطيتها أو تبعاتني مي حليمة)
سارة:يخ على متخلفة
عدنان(تعصب):سارة منسمحش لييك تعليرها أو نزيدك هية قالت ليم للي كاين أو كون مهضراتش هيا كنت هتضر أنا حنا بصاح زملاء فالعمل مي هدا مكيعنيش تخطي كاع الحدود (ناض عدنان أو خلاها مصدومة مشا يتبع مي حليمة أو إكرام )
أنا نضت معصبة او كنهدر معا راسي تفوا كنس ناقص لله يقلك حياك الخانزة لخرا يخ مكنحملش فحال هاد النوع أو هداك الراس المشوط عاجبوا الحال أصلا باينة فيه بو بناوت لله يمسخهم غير حشمت أما كون نتفت ديك الماسخة زغبا زغبا بقيت غادة نكانسمع مي حليمة كتعيط ليا
مي حليمة:بنتي إكرام تسناي مالكي غادة أو تنكري بوحدك
أنا:مي حليمة واش للي شاف داك المسخ شنوا بغيتيه يدير
مي حليمة:وييه أ بيني لله يدير شي تاويل صارحة زادت فيه
أنا:ماشي غير زادت فيه لله يقل حياها المهم غير سيري رجعي عندهم
مي حليمة:أو نتي مهترجعيش معايا
أنا:لا أنا هنتمشا شوية هنا غير سيري
مي حليمة :واخا متعطليش
أنا:غير تهناي
رجعات مي حليمة أو أنا بقيت غادة صارحة بقا فيا الحال منين شفت ديك اللفعة مع عدنان عليها مبغيتش نرجع تنبرد باش منديرش فيها شي فضيحة بقييت غادة واحد الشوية شفت واحد زوج بنيتات كيلعبوا باينة فيهم خواتات غير شفتهم ونا نتفكر ختي محسيت براسي تابديت تانبكي تاطحت على ركابيا خسيت بقابي مزير أو ظنيا داقت بيا واحد اللحظة تحكات يد على ظهري درت لقيتوا عدنان محسيت براسي تعنقتوا أو زدت فالبكا
أنا:هئ هئ هئ هئ
عدنان:ششششواا مالكي ساك لباس علاش كتبكي
أنا:هئ هئ هئ علاش دارت فيا هكدا علاش
عدنان:فهمني علامن كتهدري
أنا: هئ هئ توحشتها هئ هئ تو حشت خت..
عدنان :كملي مالكي سكتي
أنا(اوف لا لا مخصنيش نقوليه ماشي هادا الوقت المناسب ): صافي والوا
عدنان: إكرام بلا متزيدي تعصبيني كيفاش والوا
أنا:عفاك ماشي وقت هاد الهدرة
عدنان(غير بقاي تهربي): أوكي هاكي كلينيكس مسحي حالتك أو خنونتنك يالمخنخنة
أنا: بزااف علييك أه حكا مالك جيتي سير عند ديك الماسخة ديالك لاش جاي
عدنان :أهيا أش هاد الريحة كنشم ياكما الغيرة حصلتي أ شعبية ههه
أنا(كنتمتم):سيي.سسير نتا شكون داها فيك أنا غير قلت للي شفت
عدنان: ممممم علا مالي للي متغيري عليا
أنا(كنتبوهل):علا كاينا شي وحدا كتغير علا خوها (وركت على ديك خويا)
عدنان(دابا هادي علاش كتقلب): أنا ماشي خووك أتا للي هايخلي دار عشتك يلاه زيدي قدامي
أنا(يس عصبتوا ههه):واخا
بقينا غادين كنتاكروا واحد اللحظة جات حدا رجلي كورة ديال واحد الدراري بغاوني نرميها ليهم
عدنان:صافي غير هداي نت أنا نرميها ليهم
أنا(بغيت ندير فيها عايقا):هوما عيطوا ليا أنا يعني أنا للي هنرميها جيت بغيت نطوعها ليهم وانا نضرب واحد الراجل أو لهلا يوريكم فيت جبتها هههههه (هادي راه بصاح وقعات ليا عمري منسا داك النهار ✌)
عدنان: واههههههههههههه
أنا:ويلي على شوهتي طلعتها معا الراجل
عدنان: هههههه ولله تا حولة
أنا:صافي هنينا أو زيد بلا فرشا
بقيينا غادين واحد الشوية دزنا من حدا واحد الحانوت صغير كاين تما كيبعيه تا لاكلاص أنا غير شفتو خرجوا عيني
أنا:عدنان وقف وقف
عدنان:مالكي تاني
انا:بغييت لاكلاص
عدنان:لله ياربي لله أش هاد الوصيبة بليتني بيها
أنا: دبا أنا وليت موصيبة
عدنان: أه
أنا:اوكي شكرا
عدنان: وغير بلاتي الحمقة أه نتي موصيبة مي أحلى موصيبة فحياتي
أنا(ويلي هاظا أش كيقول): أحم أحم دابا هتاخد لي لاكلاص أو لا غير نمشي فحالي
عدنان(هههه بخليلي لحشمة): هههه صافي زيدي زيدي
أنت تقرأ
القدر
Romansaجبت لييكم ليوما قصة زويييينة كيكانقولوا خفيفة ضرييفة للكاتباات : اكرام و فاطمة الزهراء
