القدر

4

"آآآه يا قلبي شحال قدك تصبر لعذاب الله ياربي اللله أش درت باش نتعاقب بحال هكا هئ هئ هئ.... كون كانوا واليديا حين كون كاعما يوقع لي فحال.. هكا كون راني مععززة فدارنا... آآآه راسي هيتفركع بالتفكير حسن لي نمشي نعس أووف يالله بغيت النعس تاكنسمع الدقان، هادي ما تكون غير ختي
دق دق دق دق
أنا : شككون
فاطمة الزهراء (بصوت خافت ) : حلي المصيبة شكون بغيتيه ايكون !!
انا : مصيبة تصيبك ، ماكفاكش هاذ المصيبة لعايشة فيها
فاطمة الزهراء : حلي راه كزيت بالبرد ماشي حشومة عليك تخلي ختك كاتقفقف بالبرد
انا (كانحل الباب ) : ...دخلي الكاريتة فقستيني
فاطمة الزهراء : على سلامتك عاد تفكرتني ، اهيا شت عينيك منفوخين ياكما عاوتاني كاتبكي ياك تانقول ليك ماتسوقيش لهدرتهم
انا(و دموع فعينيا) : عييييت والله حتى ...عييت
فاطمة الزهراء:ششش صبري مابقى قد ما فات
مهم راه عندي ليك واحد الخبار وحدة اتفرحك او لخرى اتقلقك
انا: الله اسمعنا خييير سبقي ليا الخايبة
فاتي: اوكي اوا راه كيما كتعرفي راه الشريكة ليخدامة فيها غادي اترأسها مدير جديد او خاصني نرجع  غدا ضروري
انا: هئ هئ.. صافي دغيا سخيتي بيا مازال حتى ماشبعت منك هئ هئ
فاتي: ويلي كاين شي حد كيسخا بختو  حبيبتوا وهانتي بديتي كاتغبني عليا او مازال حتى ما سمعتي لخبار زوينة...
انا: هئ هئ يالله قولي نسمع
فاتي:صافي انا انقول بما انك شديتي الباك بمويان مزيانا دفعت ليك وراقك لواحد المدرسة مزيانا او راه قبلوك
انا: حلفي حلفي خبار زوينة (طارت على ختها بتعنيقة )
فاتي: ط ..ل ..ق.. ي مني اهاد الحمقة خنقتني
انا: تفووو غا ليبغا اعنقك او صافي
فاتي: الا لا ضسرتي ضسرتي المهم هاكي ها التلفون او زيدك واحد البركة  قضي بها حتى تبدا القرايا اونسيفط ليك مزال او بلا مانوصيك خبيهم مزيان على ديك العقروشة غير تسمع حس الفلوس كاتنوض تبقشش
انا: صافي كوني هانية احبيبة لهلا يخطيك عليا
فاتي: يلاه كحزي خليني نعس حداك
انا: تفووو مخليا بيتك قدو قداش او مزاحمة معايا فهاد شبر او نص
فاتي: ناري شحال فيك دالهدرة نعسي هانينا
انا : يا الله تصبحي على خير
فاتي : تصبحي على خير
اصبحنا و اصبح الملك ل الله
ليوم  فقت فرحانة حيت نعست فحضن ختي حبيبتي واخا عنكشاتني المسخوطة مي دغيا مشات هاد الفرحة منين تفكرت ...أنها تمشي 
فاتي : فقتي الشيطانة
انا : مكايناش شي شيطانة قدك ياله نوضي نفطرو
فاتي : يالله انا انهبط ندوش او نجي نفطر
انا : أوكي..ماتعطليش انا هنمشي نصلي أو نهبط نوجدو
فاتي: اوكي
صليت أو دعيت ربي يسهل عليا أو على ختي ساليت صلاتي هبطت عند ديك العقروشة ديال عيشة لعجب لقيتها حاطا الفطور موالفة انا ليكانوجدو ، لقيت جدي خرج لحقات عليا ختي فطرنا مجموعين يالله جيت نجمع طبلة اوهيا تنوض ختي كاتعاوني وانا كانغمزها باش تجلس.. ولكن العجب ديك العقروشة ما قالت والو هنا فهمت بلي راه كتوجد ليا شي مصيبة تاني غير الله احغظ
مهم دوزت الصباح كلوا مع ختي لكانت ....كتوصيني أو  كترفع لي المعنويات  العقروشة حتى هي ميكات عليا وصلات العشية ، او ختي جمعات حوايجها او تفارقنا غير بزز او بلبكا بحال الى كاينا   كنازة...