حمزة:يلا
انا : اوك
مشينا وصلنا لطوموبيل مشا حمزة ركب مولفة ديما هو يحل لي الباب هاد المرة مدارهاش 😥 ركب متسوقش لية..
مشيت تا انا ركبت او زاد بقينا غاديين ساكتين عاود تا وصلنا للباب عمارتي 🏨
حمزة : وصلنا نزلي
مجاوبتوش نزلت غا سديت باب الطوموبيل مشا قلع دغية موالف كيتسناني تا ندخل للعمارة بان لي شحال تلحوايج ايتبدلو..
لمهم مشيت طلعت للدار دخلت من حسن حظي لقيت كنزة ناعسة.. مزيان حيت مفية لي يدوي معا شيحد بالخصوص كنزة اتبدا تسولني
لمهم دخلت لبيتي بدلت صليت نعست تا العشا متعشيت
أصبحنا و أصبح الملك لله
فقت معبسة مراشقاش لية نضت توضيت صليت مشيت نفطر لقيت كنزة موجداه كلسنا كنفطرو سولاتني بطبيعت الحال اش طرا البارح معاودش ليها حيت اتقولي لا كون قبلتي ...علاش رفضتي .... بلا بلا بلا ....او انا مفيا لي يسمع شي عتاب عليها قلت ليها كلشي داز مزيان..
لمهم دازت بقيت النهار عادي حمزة معيط مسول... ختي لقيتها عيطات لي بزاف تالمرات البارح عيطت ليها ولكن والو مكتجاوبش ..فالعشية رشقات لي مشيت للصالون صبغت شعري باللون العسلي او صاوبتو رجعت كليت بقيت كنحاول نعاود ندوي معا اكرام ولكن والوو تشوشت عليها مي قلت بقا غا 3 j او نمشي نطمأن عليها صافي بقيت هكا تا وصل ليل نعست.
أصبحنا و أصبح الملك لله ليوم الاثنين
فقت كيف العادة نفس الروتين (توضيت صليت فطرت خرجنا ...)
وصلت للخدمة تفارقت انا او كنزة مشيت للبيرو دخلت لقيت حمزة باقي مجا... حطيت ساكي او مشيت ناخد قهوة مني رجعت لقيتو تم ..
انا : جيتي صباح الخير يكما نجيب ليك تا نتا شي قهيوة
حمزة : لا مبغيتش
انا : اوك
كلست بقيت حانيا راسي مقادا علا فرطة عاود بعد المرات كنهزو كلقاه كيشوف فية بنظرات الحب غا كيشوفني شتو يخنزرفية😠 او يحني راسو بقينا هكا وصلات وقيت الغدا مشيت تغديت معا كنزة حيت هو معبرنيش مشا يتغدا راسو صافي تغديت رجعت دازت تتمة النهار عادي....
لاغدليه نفس الروتين نفس الشيء معا حمزة... اكرام من نهار الاحد كنعيط عليها مكتجاوبش تشوشت عليها بزاف عيطت لجدي سولتو عليها قالي راها مزيانا مي انا مأكدة شيحاجا طاريا قلبي ممهنينيش مي بقا لي نهار او نمشي عندها نطمأن عليها
وصل نهار الأربعاء
نهار داز عادي حمزة مزال متجاهلني كيهظر معايا غا فالخدمة موضوع الزواج معاودش جبدو معايا
فالحقيقة بقا فيا الحال من جيهتو ندمت حيت رفضت معرفتش فاش كنت كنفكر باش قالها لي ...او وليت كنحس بشي مشاعر من جيهتو منغير الاعجاب وقيلة بديت كنبغيه ♡ مي فات الفوت 😭 مشا لي حمزة ولكن قررت غا نرجع من عند ختي انحاول نصلح معاه الامور الى بغا
أنت تقرأ
القدر
Romanceجبت لييكم ليوما قصة زويييينة كيكانقولوا خفيفة ضرييفة للكاتباات : اكرام و فاطمة الزهراء
