اللقيطة

1

يممممممة ووووين انتي ، امممي يمة

يا بت مالك بتنبحي من الباب ، خشي و اقفلي الباب دا 😒 جعانه والله

خشي المطبخ الغدا جاهز و بعدين امشي غيري و صلي بعداك شوفي اكلك بي وين

حاضر يا غاليه ،

مشيت غيرتا و صليت ،خشيت المطبخ ، ّانتي يا امي الساعه جات 4ونص و هند لسه ماجات وانا ما بحب اكل براي ياخ بفكر انتظرا ، اكلي انتي يمة و هند لمن تجي بتاكل مع هنادي بتكون في السكة ، ختيت الاكل جاني اتصال ،، اوووف ختيتو وين انا التلفون دا يا رربي ااا هدا لقيتك ، هي دي مزن مالها يا ربي في شنو ، اسي انا كنت معاها 😰 كدي نرجع ليها .. الوووووه

اي مزن معليش كنته بعيده من التلفون ، ما مشكله يا مياسم انا بفتش للشيت حق دكتور عبد الستار قالبه الشنطة ما لاقياهو ..

يا ربي كدي نشوفو ليك انتظري دقيقه ، امم بري والله يا مزن فتشي عندك تاني و لا اتصلي علي احمد ، طيب طيب

انتي قاعده بكرة ؟ بفكر اجيكي بعد الجمعه عماتي ديل جاين و مالي مزاج ليهم ،، يا بت تعالي ساي انا كمان زولة طلوع ، خلاص تمام

يلا سلام ي غلا ، سلااام ..

قفلتا من مزن ، سمعت صوت هند و هنادي جو ، مشيت عليهم اوووف ياخ مالكم اتاخرتو كداا ارح يلا غيرو عشان نتغدا ، هند اتسممي انتي ، و هنادي علي اساس منتظرنك تأكلينا 😢 ( اعرفكم)

هند و هنادي اخواتي الاكبر مني انا عمري 21 سنة دخلت بمنحه طب عام ، و هما معاي في نفس الجامعه بياخدو السنة في سنتين ، هند بتدرس ادارة اعمال و هنادي تجارة ، عندنا اخونا الاكبر مننا مأمون دا بجي يوم كل اسبوع البيت و ممكن ما يجي اساساً، ساكي اروبا عايز يسافر بطريقه غير شرعيه ، بس حنين علي بعاملني كويس ، و آدم دا بعد مامون طوالي بيدرس هندسه مستواهو مش ولا بد ، امنا الله يديها العافيه علوية بتعوس كسري و ابري في المواسم ، و ابووي طافش ليهو سنتين ) ..

بعد صلاة الجمعه ..

امي نادتني قالت لي ، امشي لي خالتك فاطمة ودي ليها الكسري دي سريع ، قلت ليها حاضر خميت توب امي و شلتها وديتا واقفه جمب الباب والشمس نص راسي مافي زول بفتح و انا كرهتي اخش البيت من غير اخبط بعد خلاص بقيت ماشة الباب اتفتح ، عاينتا لقيتو ولد طول بعرض بي ملابسو الداخليه بفتح لي الما بختشي وحات الله من الخجل ما عرفتا اتصرف ، قلت ليهو دا بيت الخاله فاطمة ، قال لي اااي تعالي خشي في سري قلت ليه يخش فيك لوري😠 ، قبلت منو طوالي وقلت ليهو لا شكراا ، انا بت علويه و وصل الكسرة دي للخاله ، جدعتها ليهو مسكا ولا ما مسكة ما شغلتي و جريت علي البيت جري ، وصلت البيت لقيت "مزن " منتظراني في البيت ، ياخ انتو عارفين مزن دي عاملة زي النسمة في عز السخانه ، عامله زي ميكف التربو في السموم ، ياخ الله يخليها لي مهونه علي مر ومرار ،، حمدلله

سلمت عليها و جريتا الاوضه جاتني هنادي بي كوارك قومي انجري كنسي الحوش دا ، قلت ليها انا كنستو امبارح الليله كنسو انتو و بعدين معاي مزن ،، قالت لي سمعتيني قلت ليك شنو يا بت .... ، قلت ليها بت شنو تميها كل مرة تكتميها ، كان انا بت حرام انتو زاتكم بنات حرام و احترمي نفسك عشان تجريح في امي المسكينه دي ، مسكتني جرتني من شعري جابتني الارض و قعت فيني دق ، مزن المسكينه تحجز م قادرة و هنادي عاتيه و انا قليله مقارنه بيها 😢 قعدت ابكي و مزن تقول لي معليش يا ميس انتي زاتك عنيدة بدل كل مرة انتي في الدراما دي جيبي شنطتك وارح اقعدي معاي يا ميس للمرة المليون ، ميس اسيب بيتي واجي اقعد عندك كيف يعني واخلي امي لمنو و بعدين فكري فيها انتي بس صحبتي بياتو صفه اقعد في نص اهلك اعقليها انتي ، امي جات شاكلت هنادي قالت ليها دي قدرك اسي تضربيها ليه مالك مابت زيها تكنسي و تنضفي ، يا امي عليكي الله هويناا .. انا اتغظت من اسلوبا مع امي اصلا كلهم ما بحترموها و لا بيراعو انها شقيانه عشانا ....

استككانة🍌~

يتبع ...