اللقيطة

10

قاعدة وعيني في الاوراق ، اذا بهي اسمع سلام عليكم والله دا الصوت الما بغباني ، الككرهتو اكتر حاجه في دنيتي دي ، ااخ يا دنيا معقوله الدنيا دي دوارة كدا ، ولا ترابط ارواح ؟ المهم

رفعت راسي كدا القا ليكم الاخ عماد وحات الله كل الاتمنيتو انكم تشوفو تعابير وشو وملامحو مذهووول مخلوووع اظن نسا هو جاي لشنو ، عارفين لو الشي الفي راسي دا طلع صح انا حأتمتع فيهو حأتمني فيك يا عماد الزفت ، بس انا من شفت ملامح وشو مسكتني ضحكة والله انا بقيت م بتخلع لانو وحدة في وضعي دا متوقعه اي شي يحصل ، قال لي : انتي بتعملي شنو هنا ؟

قلت ليهو : ما مجال اختصاصك ، جا هشام وهاني داخلين سوا ،، هشام قالي جبت ليكي الفطور ياخ جعااان ، ختيت يدي في خشمي كاتمة الضحكة ، قلت ليهو عندنا ضيف اول سلمو عليهوو ، سلمو علي بعض والاتنين متفاجئين ، هشام قاليهو انحنا مش اتلاقينا ... هاني كمل ليهو " امس في بيت عم محمد " هشام قاليهو عندك شغل معانا ؟

بقي بيتمتم و يطربق قال جمله م موجودة في المعجم العربي ههه ، انا دي بس بتفرج ، هاني قاليهم شباب اقعدو و انا بعيده منهم قلت ليهم سامعاكم خلوني هنا ،،

ابتدا عماد يتكلم ، قاليهو والله من فترة انا كنت داخل في مشروع مع شركتكم دي بس بطريق غير مباشر كنت برسل السكرتير بتعامل معاكم و شركتكم مادياً م قدرت تتم معانا المشروع دا ، فتميناهو احنا و لمن نزلنا المنتج في السوق المحلات ما قبلت تستلم مننا طلبيات قالو عندهم نفس المنتج بجودة اعلا و خامات مستقبيله بأسم شركتكم ، طبعا دي حركة منكم م ظريفة وانحنا كدا خسرنا مبالغ هائله و شركتنا علي وشك الافلاس ، اسي الحيتحمل النتائج دي منو ؟ اكيد انتو طبعا ،، انا بسمع في الفلم الكوري البحكيهو دا و مستمتعه بالجد اجمل حاجه لمن تكون فاهم الزول القدامك دا وعارفو بكذب و بلف وبدور وانت بتسمع فيهو بتستمع ،

هشام قاليهو بس انا لمن جيت الشركة رفضت تقابلني و قلت لي اعتبر ال6 مليون ضاعت علي وخسرتها ، جيتك اكتر من مرة ما اخدت لاحق لا باطل اسي عايز تشيلني خسارة شركتكم ،،

قلت ليهو : اسمعني يا ..... معليش قلت لي اسمك منو ؟ ( متخلين وشو ؟ )

هاني قال لي : عماد

قلت ليهو ايوة صح استاذ عماد اولاً كان جينا للخساير دي انت حتدفعا بالضعف و يمكن كان قعدت عمرك كلو تشتغل ما حتسدها ... قاطعني لحظة لحظة ( بصوت عالي ) و انتي بياتو صفة بتتكلمي معاي يا ...

قلت ليهو ايوة دا المطلوب زاتو يا شنو تمها ؟

هاني قاليهو بي صفتا خطيبتي و وكيلتي في المكان دا .. انا اتخلعتا لدرجة نسيت الدايرة اقولووو ، عماد قاليهو شنوو ؟ هاني قاليهو السمعتو . قلت ليهو هاني ما ندخل شئون الاسرة في مكان الشغل .. في اللحظة دي جات مريم من شافت عماد الابتسامة اكلت نص وشها ، قالت سلااام ودخلت وقعدت قصاد عماد ، وبعاينو لبعض