اللقيطة

7

يلا علي الرغم من اتفاقي معاهم اني اشتغل ليهم في البيت بس ما كانو بخلوني ، دايما بنتساعد انا و البنات ، بالجد ربنا دا رحيم ، قبل ليلة الامتحان بيوم ، ناداني هشام ، هشام دا اخو البنات اخوهم وحيد واظن اكبر واحد فيهم عمرو زي 26 سنة ،

عندو جدولة وارقام تبع شغلو ، قال لي فاضيه ؟ قلت ليهو افضا ليك م عندك مشكله اتفضل ، ابتسم كدا و طلع الاوراق وراني ليهم و بقينا نحسب ونجمع سواا لحد 12 من كبايه شاي لكبايه شاي ، تقدرو تقولو بقي صحبي ، ظريف كدا ما عندو شدايد ، المهم خلصنا و قلت ليهو بعد دا نوم ، قال لي تمام تصبحي علي خير يا شينه ، قلت ليهو م بحصل شناتك دي ( ما حوصفو ليكم عشان مخكم م يمشي بعيد ) ، ضحكنا و مشينا ،، مشيت رقدتا وبقيت شايله هم مزن فقدتها هي م ليها ذنب في حاجه ، خايفه الاقيها ايام الامتحانات ، قلت ي بت يا ميس خليها علي رب العالمين ،، نمته

وصحيت تاني يوم بي البنات فوق راسي قالو لي قومي ارح السوق ، قلت ليهم سوق شنو ياخ ، ابتهال قالت لي نشتري كم لبسه للامتحانات ، قلت ليهم امشو اانتو ، حلفو ما يخلوني ، لبست لي عبايه من مريم و مشينا لاقاني عمو تحت قال لي هاكي ، قلت ليهو شنو ؟ قال لي امسكي بس ، مسكتها لقيتا قروش ، فجاه راسي دا لفه و طششتا شديد نفس الحركة البتجيني ديك ، قعدت استغفر ، قالو لي انتي كويسه ؟ قلت ليهم حمدلله بخير ، قالو لي كان تعبانه اقعدي ، قلت ليها لالا تمام ، قلت ليهو ي عمي القروش دي كتيرة وانا م اتعودت اشيل قرش م تعبت فيها قال لي لو دايرة تزعليني ما تشيليها 😰 قلت ليهو كتيرة دي طيب بشيل منها ، قال لي شوفي انتي بعد تخلصي امتحانات حتنزلي مع مريم تساعدو هشام دا ف الشغل انا كبرت والحمل علي زاد من وقت سفرة محمد اخوي و بعدين العمر دا ليهو اثر يا بتي انا كبرتا و بعدين انتي حتساعدينا في الحسابات ، معليش انا عارف هو مجال غير مجالك لكن انتي قدرها و بعدين لمن تشتغلي ويبقي ليك مرتب رجعيهم لي ، اهاا عديله ؟ قلت ليهو عديله تب يا عمي ، ههه قعدنا نضحك ومشينا ، لفينا لف اول مرة ف حياتي اشوف المحلات دي ، اشتريت حاجات كتيرة بجايم و كم عبايه والباقين ملابس وكداا ، رجعنا المغرب ، قلت ليهم حنتجمع ف الصالهة نستعد لامتحان بكرة بس حعمل ليكم كيكة اول ، ابتهال قالت لي والله حببتيني ف القرايه يا ميس ، يخ بطلي نقه وارح اها مريوم تساعديني قالت لي ايوة ،، مشينا المطبخ ظبط ليهم الكيك بشاي اللبن و طلعنا الصالون و ناديناهم اتجمعنا وقعدنا نتونس و ناكل ، هشام قال لي والله يجي منك يا ميس هههه قلت ليهو تسلم ، ارح خلصو يلا عشان نراجع القريناهو كلوووو ، عمو وزوجتو ( معالي) طلعو غرفتهم و هشام موتسب و الضحكة شاقه وشو ، و انا و البنات بنذاكر و براجع معاهم ،، اليوم دا فات

صحيت الصباح نفسياتي فل ومتحمسه للامتحان لبسنا قشرنا ، وركبنا مع خالد (تتزكروهو) وصل كل واحده جامعتا ، علا معاي في الجامعه بس اداب انجليزي ، كان فاضل للامتحان عشر دقايق قاعده تحت الشجرة براجع ، جاتني وحدة قالت لي ميس كيفك ، اتلفت لقيتا هند اختي ، سلمت عليها كيفكم وكدا قالت لي بخير حمدلله، قالت لي قاعده وين انتي ؟ قلت ليها ارض الله واسعه يا اختي المهم مواعيد امتحاني جات ، قلت ليها سلمي علي هنادي وادم ومامون وانتبهو علي نفسكم ، قالت لي ميس دقيقه عايزة اقوليك حاجه ، م سمعتها طوالي مشيت ،،