اللقيطة

2

بعد امي و هنادي طلعو من الاوضه مزن بتهدي فيني سكتت مسافه مني ، قالت لي مياسم انا دايرة اقوليكي حاجه ، قلت ليها سامعاكي قالت لي م تزعلي مني ، قلت ليها مزن انت اغلا انسانه عندي كيف ازعل منك حرقتي روحي ياخ اتكلمي ، قالت لي بصراحه كدا انا حاسه في حاجه غلط ، قمتا من كتفا قلت ليها كيف يعني ؟ قالت لي والله انتي ما بتشبهيهم ، تقصدي ما بشبه منو ؟ والله كلهم ماف شبه ، انتي ماشاء الله عيون و جسم ولون وشعر لكن اخواتك ديل يعني ... قاطعتها قلت ليها خلقه الله يا مزن و بعدين البطن بطرانه ، قالت لي انا ما بتكلم في خلقه ربنا بس ... قلت ليها اسكتي ي مزن بطلي تخاريفك دي ، حاضر سكتا ،،

جا يوم الاحد ، طالعه الصباح علي الجامعه ، امي نادتني للفطور قلت ليها ما دايرة هند قالت لي وفرتي اتخارجي ، طالعه امي نادتني قالت لي هاكي القروش دي انتي ليكي اسبوع ما شلتي مني قرش بتتصرفي بشنو ، قلت ليها مادايرة يا امي اصرت اشيلها و انا عارفه ظروفا ، شلتها ، لفيت من الصالون عايزة اطلع مزن منتظراني برا البيت ، جوني هند و هنادي مسكوني و قلعو مني القروش ،، ما عندي ولاااااا مليم احمر، طلعت مشيت اول الشارع جاتني مزن معاها اخوها (عماد) قالت لي اطلعي اطلعي (اصلا كل يوم بوصلنا ، دي وحدة من رحمة ربنا علي ) ، وصلنا الجامعه زي الساعه 8:30 المحاضرة كانت 9:00 قاعدين تحت شجرة ، جو شلتنا قالو لي اشرح ليهم مادة معصلجة معاهم ، المهم ايامي في الجامعه حلوة شديد م عندي مشاكل مع زول فيها حمدلله محبوبة من الكل و اختلاطي قليل واغلبيتهم بنات والاولاد م بتجمع معاهم الا في شرح لاني اولة الدفعه ، و انحنا طالعين من البوابه ، في واحد من السناير ديل كل يوم بقيف لي و يجدع لي كلمة ،، اليوم دا ماشين انا ومزن متماسكين كنت لابسه اسكيرتي جينزي بالازرق و قميص كاروهات بالاحمر ، بعاين لي من بعيد ،، قلت لي مزن اووووف انا ماعارفه القاها من منو ولا منو نزلت راسي وجيت مارة قال لي : خسارة والله جمال زي دا تدفني تعالي معاي اجيهك واهندمك يا ست البنات ،، سكتنا ساي و مشينا زي الما قال حاجه و صلنا اول الشارع ، جا ماشي وراناا و عماد اخو مزن كان منتظرنا قدام .. ماحاسين عليهو ماشي ورانا فجاه لفتني من كتفي ، قال لي الزيك ديل انا بجيبهم بي كرت زين من ابو عشرة جنيه ،، وووووب انا النار ولعت فيني من هبشني في كتفي وكلامو دا حار وجعني وجعه ، علي اليعترو زاد الطين بله ، و قال لي ما تعندي وجيبي اخرك ليلتك بي كم ؟ انا ما حسيت بالحوليني الساعه الطلعت جزمتي فيها كعب صغيرون و كفتوووو بالجزمة في وشو و العكب جا في نخرتوووو ، وحات الله انا الا مسكوني ما عارفه عملتها كيف و مزن دي تصرررخ وتكورك يا عماد حصلنااا ، انا لمن بغضب بتجيني قوة غريبه مزن ما قادرة علي بس ببكي و بكورك فكيني فكيني .. بتقول لي مياسم صلي علي النبي اهدي انتي اخدتي حقك تاني دايرة شنو ، وداك نخرتو بي دمها تقول لي انا كدا يا كلب يا حيوان انا راجله نفسسسي وما بخاف الا من الخلقني ، جا عماد طاير من وين ما بعرف مافاهم شي غير ان الزول دا اتعدا علينا ومخلوع من منظري و امن الجامعه بعاينو م بقدر يتدخلو لانها مشكله تعتبر خارج الجامعه ، عماد جا خاشي في صاحبنا دا بنية الا حجزوهم انا بس ببكي لمن بتشهق ،، عماد جانا ركبنا في العربيه طلعنا انا ومزن قعدنا ورا و اتحركنا ، عماد وقف العربيه جمب بقال وجاب مويه وعصير فتح الباب قال لي مزن نزليها تغسل وشها ما بينفع تصل البيت بالمنظر دا .. هديت و قاعده سرحانه وانا عارفه الولد دا شراني وما حيعديها لي علي خير ، بس ما خايفه .. مزن قالت لي تمشي الليله معاي البيت بي حالتك دي و اخواتك ديل ما حيخلوكي في حالك و وضعك ما حيريحني احسن تكوني قدام عيني ،، سكتا من جواي نفسي امشي معاها بس امي انا البهتم بيها و هي مريضه سكري انا البديها الحقنه و بساعدا ، حسوي شنو يا ربي ، قالت لي من غير تفكير ، عماد قاليها دا راي انا برضو ، الليله تمشي معانا و بعدين عندي عرس صحبي بسوقكم تغيرو جو ( دا الاخو ولا بلاش ) ،، قلت ليهم خلاص نصل بيتنا اطمن علي امي واكلما ، وصلنا بيتنا خليتهم في العربيه ونزلتا ، خشيت البيت صاني ، بنادي يا اااامي يا يمة مافي صوت ، سمعتا كركبه في غرفه كدا بعيده من البيت دي كانت حقت مأمون ، م اهتميت انا عارفه هند ولا هنادي مرات بجو قبلي بفتش في امي و اتوترتا لانو بتكون بتعوس زي الوقت دا و مافيشة قصاد الصاج،، عاينت في البرندة لقيتا نايمة في العنقريب ي حليلا ، قربت اطمنت عليها ما بقدر اصحيها ، غطيتا بالتوب و قمت من جمبها ، سمعت صوت الكركبه بزيد كدا قربتا من الاوضه ديك سمعت صوت هنادي ومعاها زول والله ما بقصد اتصنت بس الصوت غريب اخدت لي زوايه وبقيت بحاول اتاوق من تكية الباب ، سمعت صوت السرير بتحرك 🔞 معاها واحد و زي ما الله خلقهم بالجد منظر ، ندمني اني جيت البيت معقوله بتعمل كداا ، جريت بس اظن حست بي وصلت باب الشارع خبطتا في هند و معاها ادم ، طوالي مدت يدها عايزة تضربني قلت ليها معليش مستعجله ، ومزن وعماد شايفننا قالت لي طايرة وين ؟ قلت ليها كلمي امي انا الليله مع مزن بجي بكرة بعد الجامعه ، قالت لي احسن زاتو دفرتني وخشت ، خبطت جمبتي بي زاويه الباب لمن صرختا المتني شديد ، و ادم دا بس يعاين ،،