اللقيطة

13

اتصلت عليهو و فتحت الاسبيكر ،، رد لي

كنت واثق من انك حتتصلي هاهاها ، قلت ليهو خش في الموضوع طوالي يا عماد ، قال لي مستعجله شديد كداا .. قلت ليهو والله صوتك بطمم لي بطني ف حاول تختصر قال لي ايووواه ، شوفي يا لقي.... اه اسف قصدي يا ميس ، قعدت اضحك قلت ليهو تمها يا .. قال لي ي شنو ، قلت ليهو تم كلامك

قال لي تقنعي هشام يضاعف لي الارباح في الشركة و تحولي المنتج من اسم شركتكم لي اسم شركتنا و تقولي ليهو انو حصل خطأ ، و بعد تنفذي اوعدك م حتشوفي وشي تاني و حقنع مريم العويرة دي ب اني غلطان و اصلح وضعك ، حرام ياخ تتمرمطي في الشوارع ، اها قلتي شنو ؟ طبعا سبأ سامعه و مصدومه في غذارة البني ادم داا ، قلت ليهو موافقه

سبا اتخلعت و نططت لي عيونها ،

قلت ليهو خلاص نتلاقي بكرة و نرتب الخطة عشان كلامنا يكون واحد ، قال لي جداااا بتكيف من ذكائك دا ، قلت ليهو و حتتكيف اكتر بعد انفذو ليك ،

قلت ليهو عن اذنك و قفلتا ،، سبا قالت لي مييس بالجد حتعملي القالو ليكي ، و بعدين الناس ديل بنعرفهم من سنين بس بالجد م كان ظاهر عليهم ، قلت ليها م تجمعي عزو و عم سليمان كويسين ،

قالت لي ناويه علي شنو ، قلت ليها اتفرجي بعدين ، قبل انوم هشام رسل لي رساله واتساب ، والله م تتخيلي فقدناك قدر شنو بيتنا رجع ضلم و بقي كئيب شديد ،

منو يساعدني تاني منو يشغلا لي و يرخم علي تاني ، وين ما كنتي بتمني ربنا يحفظك من كل مكروه ، م تتخيلو رسالتو دي حرقتني قدر كيف ، اتجراتا ورديت ليهو لانو مستحيل م ارد علي كلام زي دا ، كلام يحسسني اني انسانه ولي مكانه ، قلت ليهو وانا كمان اشتقت ليك ابقي طيب ،، و نمتا

صحيت قبل الظهر لقيت سبا صاحيه قالت لي اسي كنت حصحيكي ، قالت لي ناس عمي الامين تحت الليله مقيلين معانا وانا عملت المستحيل عسان ماف وحدة من البنات تجي داخله الغرفه دي ، قلت ليها ووووواي انا لازم اطلع الاقي عماد لكن ، قالت لي صعبه تطلعي حيشوفوكي ،

قلت ليها مافي بابا خلفي ، قال لي لا الا السور ، قلت ليها بجازفو قالت لي عالي ، قلت ليها بتصرف ، قمت لبستا سرعه سرعه و نطيت من البلكونة للحديقه الخلفيه ، و منها جازفت السور الحديده طعنتني في رجلي ، بس ما اهتميت ، و طلعت علي الشارع الرئيسي ، في اللحظة دي هاني كان برا بتكلم تلفون اظن لمحني وبقي متبعني لحد ما اخدت لي امجاد و اتصل بي عماد و وصف لي ،،

وصلت المكان زي كفتيريا ف حديقه شفتو قاعد منتظر ، هيأت نفسي ومشيت ليهو مبتسمه سلم علي و رديت ..

قال لي ما اتغيرتي لسه حالتك تحنن يا مياسم ، قلت ليهو ما مجال اتخصاصك ، اولا قبل نخش في موضوع الشركة ، عندي سوال بي ذمتك وانت راجل كبير كدا بي دقنك ما خجلان من انك مضادي ليك بنت ؟ م خجلان من انك دمرت مستقبل بنت ؟ ما حصل فكرت شنو الممكن يحصل لي بعد العملتو فيني ؟ ااااكيد ما فكرتا لانك م راجل و للاسف فاهم موضوع الرجوله غلط .. قال لي مالك شايله هم ؟ منو حيسالك ولا يحاسبك ولا يجيب خبرك ؟ قصدك هاني هههههه عادي بيطلقك ، انا ضاقت بي ف اللحظة دي ما قبلت يجيب سيرة هاني ، قلت ليهو نفس الشي العملتو فيني اتعمل في اختك ، وسكت منو خليتو هاج وكورك وطربق وسكت لانو واثقه انو م حيفدر يعمل لي حاجه لانو مستقبل شغلو واقف تحت يدي ،،