اللقيطة

12

قلت ليها مريم قولي بسم الله ، انتي زعلانه مني في حاجه ؟

قالت لي اسمعي هنا انتي قايله نفسك منو عشان اعمل ليكي قيمة ، انتي عارفه لو عندك ذرة كرامة واحدة بس يا ميس تشيلي قشك و تتخارجي برا البيت ..... قلت ليها مريم ليه القسوة دي حتي انتي كمان حتقسي علي ، امرق امشي وين ، بس وريني شنو الغلط الانا ارتكبتو ؟

شوفي يا ميس الزفت انتي بكرة اصحا من النوم ما اشوف رقعة وشك دي في البيت و الا يمين بالله يا ميس حتندمي ندم عمرك ،، منهارة ما قادرة استوعب ، حمشي وين و شنو الذنب الانا ارتكبتو ، عرفتو قيمة الاهل ؟ عرفتو قيمة انو يكون عندك بيت حتي لو راكوبه ؟ عرفتو نعمة الاهل ؟

انا بالجد اكتفيت ما اظن اقدر اكمل يوم واحد بعد اللحظه دي ،

طلعت من غرفه مريم مشيت غرفتي و رزعت الباب مسكت تلفوني لقيت رساله من " عماد" كاتب لي فيها * لسه ما شفتي حاجه دا كف بسيط .. انصدمتا يا ربي حيكون قال شنو لمريم و حتصرف كيف وحمشي وين ، طيب لو ما مشيت ميس حتعمل شنو ؟

رقدتا و اتقلبت في السرير قدر ما اتقلبتا صداع حيشق راسي ، والله رغم كل حاجه كعبه في حياتي الا اني عندي ايمان قوي بي رب العالمين و انه حينصفني دا شي اكيد يمكن الحسنه الوحيده الفي الحياتي اني اتولدت مسلمة ،

قمت خشيت الحمام غسلت وشي و صليت ركعتين ، قلت ما حقدر اتحمل لازم اصغط مريم تفهمني حتي لو كانت حتسمعني فارغ انا اصلاً اضاني اتوسخت واتعودتا ..

مشيت طوالي غرفه مريم ولا خبطتا ليها حتي دفرت الباب وخشيت ليها ، لقيتا بتتكلم تلفون اظن مع عماد طوالي اتكلمت قلت خلي يسمع .. قلت ليها ممكن تفهميني لانو شي طبيعي ان انا بشر و ماف بشر معصوم عن الغلط و اطمني في كل الاحوال انا حسيب البيت دا ، و صدقيني ما حبرر ليكي حتي لو غلطتي في حقي ،، قالت لي انا سفت بنات بجحين وقليلات حياء لكن والله نوعك دا جديد علي ، قلت ليها اتكلمي من غير تلميحات و انا شبعت من نوع كلامك دا .. قالت لي طقي راسك في الحيطه وانتي عارفه نفسك عملتي شنو ، قلت ليها اذن م حطلع من البيت دا والدايرة تعملي اعمليهو ،، قالت لي حتي لو وريتهم علاقتك بعماد ؟

قلت ليها عماد !! *باك فلاش*

لمن لاقيت عماد جمب الحمامات و بعدها مشيت و مريم مشت ، لاقت عماد و سالتو عندك شنو واقف مع ميس ، وقاليها والله انا م كنت حابي اتكلم عشان م تقع من نظركم حرام بت مسكينه شفقتو ولميتوها عندكم لالا عيب مني اسف م بقدر احكي ، مريم اتنرفزت وقالت ليهو احكي يا عماد حرقت روحي ، قاليها بحكي بس توعديني الحقولو ليكي يبقي سر بينا ، قالت ليهو تمام ، قاليها والله ميس دي كانت زميله اختي في الجامعه وكانت بتجي بيتنا و بلقاها ف غرفتي بمللابس خليعه و بتحاول تقرب لي و يرقت رقمي و بتتصل لي انصاص الليالي ،، لمن م لقت معاي طريقه اتشاكلت مع مزن و مشت تشوف ليها زول غيري .. الخ