اللقيطة

8

قال لي لحظة ياخ ماشه وين ؟ اججي كيف يعني ماشه وين قبل شويه قلت ليك تصبح علي خير ، قال لي طيب تعالي اقعدي لحظة قلت ليهو طيب " اوصفو ليكم" ( هاني دا طويل طويل يعني ملتحي السماو الفاتح و الحواجب الكثيفه و ملامحو هاديه النوع الكلو شامات دا و ملاحظة ليهو طوالي بيلبس رمادي ) ، قال لي ميس انتي ليه طوالي حزينه كدا ؟

م اتوقعت سؤالو ، قلت ليهو في ظروف بتجبرك و انا ظروفي كلها جابراني و ماف حاجه تستحق غير وجود اهلك في حياتي ، قال لي طيب واهلك ؟ بي سري قلت دا الانا خايفه منو ، هاني انا بقوم بعد دا نعستا شديد ، طيب يا ميس انا ماحابي ازعجك او اجبرك تحكي بس في اي وقت حبيتي تحكي انا موجود ، قلت ليهو تيلم ومشيت ( بيني وبين نفسي قلتا توووبه اني اثق في زول بعد الليله ، عسان كدا خليك بعيد لا احكي لا تحكي ) و طلعتا ، طبعا بعد هشام دخل لي النت رسايل الواتس بقت تطاقش و اغلبيتا مزن

اخر رساله منها ، بتقول لي انا لازم الاقيكي قلت ليها حتقابليني ليه مشتاقه لي برضو ، شوفي مزن انتي لو كنتي زول غريب مني كنت اتصرفت معاك تصرف تاني *حظرتها*

رسل لي هشام ف الواتس

* خالطة ووووين يا طيرة ّ

*هه انا كمان بتاعت خلط ، ابدا كنت بشوف الرسايل بس ، وبعدين واصح جداً الخالط منو فينا ناس قالت ماشه تنوم من ساعتين و خاشه الواتس 😅

* ههههههه الصراحه كنت خالط ، لكن اسي الخلطه طيرت النوم من عيني

* ايوااااه ايامك بس خلطة تطير النوم من العين دي م سمعت بيها

* ايوة البت البحبها حتجي السودان بكرة و فرحان شديد ، وف نفس الوقت محتار انه ليهم مدة م ما جو السودان انحنا البنمشي كنا

* كدي بكرة ما بعيد و اتفائل الخير و الناس مهما اتغربت مصيرا ترجع ، م تشل هم لحاجه قدام ابتهج و عيش اللحظة و انبسط بي جيتا

* والله اتاريكي عاقله يا جنو انتي

* جن شنو اقوليك يلا انا خلاص لمن التلفون حيقع من يدي وعندي امتحان ياخ

* طيب طيب ، نوم العوافي

*الله يعافيك ..

نمته طوالي ، صحيت الصباح لقيت مكالمات كميه كمية من بدر و مزن ، قلت انا م عندي حل الا اغير شريحتي ،

قمتا وجهزتا اطمنت علي اابنات واتحركنا كلنا دي كانت اخر مادة لي انا و مريم ،

نازله من السلم شبه نايمة اصلا لانو نمت متاخر و ما مركزة خالص وكلهم ملاحظين لي ، عمو امين قال لي مييس اشربي ليك قهوة يا بتي ، قلت ليهو لالا بمشي واجي بس ، مريم قالت ليهو ابوي انت خالد وين لحد الوقت دا حنتاخر علي الامتحان ، قاليها م شفتو الليله ، هاني بيوصلكم