اللقيطة

9

قاعدين كدا المغرب اذن ، قمنا لملمنا الكبايات

و الرجال طلهو الجامع وانا طلعت فوق ، شلتا ورق الشركة عدلتا فيهو و رتبت افكاري ، بعدها بنص ساعه هشام رسل ف الواتس زي م اتفقنا نتلاقي في حديقه البيت ،

لبست طرحتي و نزلتا ، مشيت لفيت بي ورا البيت ف الحديقة لقين هاني براهو قاعد ، قلت ليهو سلام

* قال لي وعليكم السلام

* قلت ليهو هشام وين ؟

* قال لي حينزل اسي اقعدي

* قلت في سري كدي افاتحه بخصوصي دي رغبتو ولا عمو الامين اجبرو ،،

قعدت ، و سكت قال لي عارفه نفسي في شنو ؟ قلت ليهو ما بهمني اعرف

اتخلع كدا .. قال لي ردك دا جزء من النفسي فيهو عاينت ليهو عيونا اتلاقو واغرب شي م قدرت استمر في نظرتي ليهو ..

قلت ليهو انا عندي اسباب تمنعني من الزواج حالياً ، قال لي جامعتك دي ما حجه

قلت ليهو طيب كيف تقبل تتزوج وحدة م معروف اسم امها ولا ابوها ؟ قال لي دا شي انتي ما اخترتيهو ربنا عايز كدا و ثم تانيا حتي لو اهلك في انا حعيش معاكي انتي ما مع اهلك ، الصراحه م اتوقعت الرد دا حاولت بجهدي اخليهو يغير رايو بس م عارفه هو متمسك بي كدا علي ياتو اساس ،

قلت ليهو قرار الزواج دا رغبتك ولا عسان خاطر عمو طلب منك ؟

قال لي قراري و قرار ابوي واحد ، قلت ليهو طبعا عمو ليهو الاحترام الكامل بس انت وين شخصيتك و ين خياراتك كونك هاني دا مش مفروض تكون ليك شخصيه مستقله ؟

ياخ عيونو ديل حمرو و حسيت بغضبو وكلامي استفذاهو شديد ، طوالي قام مشا

لحظات مافي جات مريم ومعاها وحدة و هشام ، هشام سورري علي التااخير ياخ

قلت ليهو لا عادي ، مريم قالت لي اعرفك بي سبوية ، قلت ليها شايفاها ف حته م غريبه علي والله ، سبا قالت لي اتلاقينا من يومين هنا جيت انا واسرتي انا بنت عمهم ،، الصراحه مزة مزة عسل عديل كداا ،

طوالي عاينتا لهشام غمز لي ههه طوالي فهمتا دي حبيبتو ،، المهم قعدنا و بقينا نتونس ، هاني جاا و مبسوط و جايب لينا ايسكريم مريم وهشام وسبا بقولو ليهو ياهوووووو ايسكريم ادينااا ،، قاليهم لاااا ميوستي اول تختار عايزة شكولاته ولا فانيليا

، اقسم بالله صدمني علي اساس قام زعلان لا وفجاتاً كدا بقيت ميوستو 😂 قلتا بسري النوع دا صعب والفكفكة منو اصعب ، طبعا الجمهور الجمبنا المتابع قعدو يشغلوهااا ، ايوة دا الكلااام متين حبيتو بعض بالسرعه دي ، وانا منططة عيوني يا ناسي زول يفهمني الحاصل شنووو ،، المهم ( قبل اواصل في سرد الاحداث ، انا م دايراكم تستبعدو حاجه واي شي ممكن يحصل ف الدنيا دي و كل شي بيحصل لي هدف ، تابعو وحتفهمو قصدي )