للكاتبة ميار الشمري
عبير،،،رحنة باليوم الثالث مع المشرفة التربوية وجانت حبابة وشخصية مثقفة اخذنا راحتنة بالتعامل معها لان ماقيدتنة بس جان مكانها بعيد وتعبنا الى ان وصلناها وكثرة الازدحامات جان فعلا شغلة متعبة ومزعجة
المهم ،،،مكدرنة نرجع لان تأخرنا الى الليل رحنة اجرنا بفندق اني بغرفة والشباب بغرفة جانو اهلي يعرفون طبيعة عملي ويعرفون حيدر وياسر وبلال وواثقين بيهم كل الثقة لذلك ميهتمون اذا بتت برة البيت ميار الشمري
ثاني يوم من صبح رحمالها وظلينة الى المغرب اتفقنا على كلشي وياها جانت جدا حريصة ع نفسها والامن والحمايا محوطيها من رجعنا المغرب
عبير،،،يبو بس خلصنا الحمدلله تعبنا كلش ميار الشمري
بلال ،،،انتي خلصتي خاتون بس اني هسة راح يبلش شغلي
عبير،،،الله يعينك بلال شوكت تكملها
بلال ،،،يومين ان شاء الله
ياسر ،،،خلي نرتاح فد يومين وبلال يكمل شغلة ميار الشمري
عبير ،،،اخذت ريست يومين والولد جانو يكملون شغلهم اتصل بية ياسر
الوو هلو عبير ان شاء الله موعدنة باجر ب8 صبح نطلع
عبير،،،يمة شعدنة من صبح ياسر
ياسر،،،عبير مو ورانة طريق بعيد ماراح نصل للريف لظهر واحتمال حتى نبات لان ماراح نلحك نرجع احسبي حسابج
عبير،،،اوك ان شاء الله
جنت كاعدة دأتعلل مع ماما وبابا سديت التلفون
ماما،، ها يوم وين رايحين ؟؟
عبير ،،،لقرية بالريف على شيخ هناك بس لان بعيدة ديكولون الولد احتمال نبات ميار الشمري
بابا،،،المفروض القناة تطلع وياكم حرس او من الامن شلون هيج يخاطرون بيكم
عبير،،،ههههه ليش بابا شنسوي بالحرس والامن قابل احنة الي نريد نرشح للأنتخابات منو يكلبنا ومنو بحالنا ميار الشمري
وبعدين وياية 3 شباب يوكفون على الحائط يهدوه هههه يعني الله الحافظ لتشيلون هم
بابا،،،الله يحفظكم بجاه محمد وال البيت
عبير ،،،امين يارب يلا خلي اروح انام تصبحون على خير حبايب
بابا وماما ،،،وانتي من اهل الخير اشحني جهازج وديري بالج تغلقي باجر حتى ليظل بالنا عليج
عبير،،،اوك ماشي ميار الشمري
رحت نمت وكعدت ب7 غسلت وسشورت شعري بدلت ماما كعدت تسويلي ريوك اكلت وبستها من كتفها وطلعت مستعجلة لان سمعت صوت سيارة الكاست اجوي
صباح الخير شباب
حيدر ،،،مو كتلكم ويضحكون
عبير ،،،شبيكم تضحكون شكو
ياسر ،،،يعني تعرفين بينة رايحين للريف ونسوانهم يلبسون 3 دشاديش فوك بعضها وميبين منهن الا عيونهن وانتي لابسة جينز ومدلع هههه
حيدر ،،،راح يعوفون شيخهم ويرشحوها هية وينتخبوها بالاجماع هههه ميار الشمري
عبير،،،دطيروا عابت شلون تفكير منو ظل يفكر مثلكم وضحكت
ياسر ،،،يابة هالبنية تظل عنودية هسة تشوفين بعينج
عبير،،،انتو تعرفون اني مابحال الي يباوع وبعدين اني وياية اخوتي 3 محد يكدر يرفع عينة علية
لميت شعري ورفعتة ذيل حصان جان شعري ثخين وناعم ومخصلتة اصفر واني بيضة ومراسيمي ناعمة
ظلينة نمشي ونسولف ونقلد على بعض ميار الشمري
صارت ساعة ب11
عبير،،،،يمعودين هاي وين صاروا شنو هاي تعبنة
ياسر ،،،لو ما الازدحامات جان وصلنة اسرع
عبير،،،هسة على كل هالتعب ومنلكة شيخنا الموقر ميار الشمري
حيدر ،،،لا اتصلنا بي البارحة وبلغنا بجيتنا لا الشيوخ كلمتهم وحدة ويلتزمون بمواعيدهم مو مثل ربعنة بالمدينة يشلعون القلب بمواعيدهم
بلال،،،اي والله هاي ست اسراء واعدتني البارحة ب10 ومااجتني الى 1 زهكت من الانتظار وفرطت من الجوع ومن اجتي حتى متعذرت دكولي هاي شغلتكم بعد لازم تتحملون واحنا عدنا التزامات
عبير،،،شكد تعبانين ذولي الي راح يخدمون البلد يعني ؟؟
الله يستر بعد من الحجي الي راح نصادفة ميار الشمري
بلال،،،يمكن مو حجي جبير
ياسر،،،يعني شكد عمرة مثلا 50 سنة هم مو كلش جبير هههههه
عبير،،،هسة جبير ولا صغير خلونا بالاهم التعامل معهم شوي يختلف عن اهل المدينة فأنتوا اتفاهموا معاه اني صبري قليل وازهك بسرعة
حيدر،،لا يمعودة هسة تشوفين الفرق بينهم وبين اهل المدينة صدكي التعامل معهم سهل
عبير،، ان شاء الله. ميار الشمري
بلشنة ندخل بين بساتين وخضارة تخبل جانت حتى البيوت بسيطة وحلوة كاموا يهوسون الاطفال ويركضون ورة السيارة والنسوان والرياجيل يأشرون بأيدهم ويسلمون علينة
عبير ،،،كمت اسلم عليهم واشر بأيدي واضحك صدك ناس طيبة
ياسر ،،مو كتلج راح ينتخبوج استلمي هههههه وضحكنة كلنا
سألنا ع بيت الشيخ ودلونا اتصل حيدر بي وطلب منا انه نتوجه للمضيف الخاص بي حتى نتغدة لان مسويلنا غدة ميار الشمري
رحنة للمضيف وجانوا كومة موجودين بي ومن نزلنا اغلبهم نزلوا عيونهم عبني تصرفهم رحبوا بينة وكعدونة جانوا كاعدين كومة ومكدرنة نميز منو الشيخ بيهم كلهم عكل ودشاديش صغار وكبار بعدين واحد صاح الله بالخير
ياسر،،،الله بالخير شيخنا
اني مصدومة معقولة يكون هذا الشيخ جان شاب ضخم وطويل واسمراني ولابس دشداشة وعكال وغترة كلش حلو شكلة ومرتب كمت اباوعلة واضحك على نفسي وتفكيري واني الي عبالي شيخهم رجال شايب وانصب عليه من الصبح طلع شباب اكثر حتى من 3 الي جايين وياية ...
كال،،الحمدلله على سلامتكم واني مااعرف وياكم حريم جان ماجبتكم للمضيف لذلك اليوم اضيفكم بيتي اتفضلوا ومية هلا بيكم
ركب بسيارة جيب سودة عالية ومعاه ركبوا رياجيل ميار الشمري
واحنة نمشي وراهم
عبير،،،كل عقلكم هذا شيخهم
حيدر،،،مو كتلكم مو جبير لان جان واضح من الصوت بعدة شاب
ياسر،،،اي مو ضروري يكون شيخ العشيرة جبير بالعمر لان همة يتوارثون المشيخة فيمكن مستلم المشيخة على صغر سنة
بلال ،،،اممم شلون طبيعة وهوى يرد الروح والله تسوة المدينة وجوها التعبان
وللقصة بقية،،
