للكاتبة ميار الشمري
عبير وصلنة وخلة سيارتة برة ماطببها للكراج نزل وهو يعدل بغترتة طولة ولبسة سمارة والسكسوكة السودة فد شخصية وكريزما فد شي اباوع واكول بنفسي معقولة اكو هيج اشكال بهيج مناطق ريفية
الشيخ فيصل،، تقدم لسيارتنة وكال لياسر دخل سيارتكم للكراج داخل البيت ميصير تنزلون برة ومعاكم حريم ياسر اوك شيخ
عبير،،،هذا شبي شو حريم وحريم وينهم الحريم واضحك
بلال،،،انتي بالنسبة الهم قنبلة الموسم ومجموعة حريم مو حرمة وحدة وضحك ميار الشمري
عبير،،،برطمت اوي تالي عمري صرت حرمة
بلال ،،،دنزلي ياحرمة متنة جوع خلي نشوف شمسويلنة غدة
عبير،،،باوعتلة حرمة بعينك انزل قابل ذابحيلك طلي هههه
نزلنة جان ماكو امن وحرس كومة قليلين بس خارج البيت وبسيطرة براس الفرع مالتهم وبس
دخلنة للبيت جان حلو من الداخل واثاثة ضخم ومرتب
همس الشيخ فيصل هو ومدنك خلي الاخت تتفضل جوة مع الاهل
عبير ،،،باوعت للولد اشرولي كومي كمت وطبيت جوة تلكوني نسوان كومة بوسوني وهلو ومرحبوا بية وكعدوني بغرفة جبيرة وبيها كعدة عرب ونصبوني وكلهم كعدوا كبالي وظلوا يباوعولي من فوك ليجوة وعبالك من غير كوكب جاية عليهم
جانت اكو مرة جبيرة بالعمر ولابسة ذهب كومة كالت مية هلا بالحضرية شنو اسمج يمة
عبير ،،،همست وبيج اكثر خالة اسمي عبير
الحجية ،،،عاشت الاسامي عبورة يمة اني ام الشيخ فيصل وبدت تعرفني على خواتة ونسوان عمومتة وخالاتة وعماتة وبنات عمة دخت بيهم صبولنة الغدة وجانت صياني عرب جبيرة كلها تمن وعليها لحم هواية استغربت هاي شنو !!!
وجانت ام الشيخ تتعذر ودكول اعذرونة من القصور وهذا مو غداكم
عبير،،،خالة مامنكم قصور هذا الغدة يوكل عشيرتي كلها فدوة لكلبكم
مجان اكو خواشيك مااعرف اكل بأيدي كالت ام الشيخ جيبوا خاشوكة للحضرية ماتعرف تاكل مثلنة بالخمسة يعني تقصد بالايد كمت اضحك جانوا حبابين كلش دزيت رسالة لحيدر تغديت ابو كرش شفت شمسويلك غدة ؟؟
ردلي ،،وج جابولنة طلي مجتف بعرس ابوية مالكنا هيج اكلنة الى ان بعد مابينة نتحرك هعهه
عبير ،،،،ههههه عافيات ،،،هسة شلون اني راح اظل عند الحريم ع كولتهم وانتو تشتغلون بوحدكم لو شلون ؟؟
حيدر،،،بعد ماحجينا بالشغل بعد حتى جاي مشربنا هسة ندز عليج وبعدين انتي حرمة شيكعدج وية الرياجيل ههههه.
عبير،،، ضجت من مسج حيدر دزيتلة لتتخبلون مثلهم هههه
ورة ماشربنا الجاي دزوا علية ورحت كعدت وصار الشيخ كبالي اني كلة اباوعلة وهو مارفع عينة ابد يحجي وعيونة بالارض او مرات يباوع للولد بس ميلتفت عليه
ياسر،،،شيخ فيصل احنة تكلفنا بأستلام حملتك الانتخابية فنحب نسمع رائيك بهل خصوص
الشيخ،،،الحقيقة اتشرف بهذا الشي وانتو شنو الي تشوفوا صح ومناسب اني وياكم وان شاء الله مانختلف على شي.
عبير،،،اباوعلة واكول بكلبي صدقة لهل شيخ شو مسالم كلش وحباب وماعندة شروط
ياسر،،،احجيلنا عن نفسك تحصيلك الدراسي انجازاتك طموحك شنو الي تطمح تقدمة لأهل منطقتك لبلدك
الشيخ فيصل،،،اني فيصل شيخ عشيرة الشاوية صار 5 سنين
ماجستير علوم سياسية اطمح انه ارفع مستوى التعليم في قريتي اولا وثانيا في العراق بصورة عامة اطمح انه اقضي على البطالة الي سادت على الشريحة المثقفة من الشباب ونحاول نوفر فرص عمل تناسب كفاءاتهم واختصاصاتهم
عبير ،،،كان كلام الشيخ كلش حلو ومنطقي لكن بحكم عملي شبعنة من هالسوالف كمنة نريد شي ملموس تعبنة من الشعارات والمثاليات
كنت من اسأل او اشارك بالحديث جان يجاوبني بدون ميباوعلي ويجاوب فقط على قدر السؤال
وللقصة بقية ،،،،،
