عبير،،،مددت على الكشن الخلفي وخليت ايدي تحت راسي وكمت افكر شلون حال اهلي وشصار بالشباب ورانة وشنو مصيرنا باجر الصبح من نطلع الصبح
ياسر،،، بيوم الي طلعنا للبر جنة نمشي ورة الشيخ وطفينة الكامرة وصرنا وراه نمشي من بعدنا وصرنا بالبر بدأ يسرع ويمشي بطريقة جنونية
حيدر،،،هذا شبي شباب شو ديمشي بين السيارات ليش هيج مو راح نضيعة ؟؟ ميار الشمري
بلال ،،،اسرع ياسر خليك وراه
ياسر،،،اتصلوا بعبير خلينا نكون وياها على تواصل
بلال ،،،بدأنا نتصل بيها منحصلها والشبكة تروح وتجي وشغلنا جهاز الهتفون الي يربطنا بيها بدأ يوشوش يعني هية بعيدة علينا كلش
فجأة صار صوت اطلاقات نارية وتوقفت السيارات الكدامنا حاولنا نطلع ع الترابي بس حتى نشوف شنو الي ديصير كدامنا اكثر السيارات بدأت تلتف وترجع ولان يرجعون على الترابي غبرت الدنيا وبعد حتى منكدر نركز كدامنا
بلال وحيدر وياسر ظلينا واحد يباوع على الثاني ونريد تفسير للي ديصير مدنفتهم ونحاول نتصل بيهم ماكو خارج نطاق التغطية
بلال ،،،صرخت بياسر ليش واكف تحرك لخاطر الله خلي نلحكة ابن الحرام هذا خطفها راحت البنية بين الرجلين
ياسر،،،فتحت عيني مصدوم وباوعتلة كول يالله كل عقلك دتحجي
بلال،،،اي كل عقلي اكيد هو الي اطلق الطلقات حتى يعرقل السير ومنكدر نوصلة ماشفتة شلون بدأ يسرع ويمشي بين السيارات بس حتى يضيعنة؟؟
حيدر ،،،ماالها غير تفسير اغبياء احنا شلون نعوف عبير كاعدة وياه وحدهم ذولي همج ومشايفين اكيد الشيطان لعب بعقلة وشافها حلوة كلك خلي اسويلي هوسة اخذها ساعة ساعتين وبعدين اتخلص منها واكول عملية اغتيال
ياسر،،،يولوا شدتسولفون لتخبلوني شنو هالفلم الهندي شغلت السيارة وبدينة نتقدم وماكو اي اثر لسيارتة عبالك فص ملح وذاب بهل صحراء
ياسر،،،ولكم رجال مشهور وشيخ عشيرة يدمر نفسة ومستقبلة علمود ساعة يقضيها ممكن مع اجمل البنات وارقى الفنادق والاماكن
بلال ،،،اكو فرق يقضيها بالفنادق وتصيرلة فضيحة لو يفبرك قصة مع صحفية ويصير بطل ويشتهر براسها واحتمال حتى بالحملة الانتخابية يفوز ميار الشمري
ياسر،،،هسة شنو راح نسوي
بلال ،،،نرجع عمي طلعونة من هالشغلة الفاكسة وانسوني حتى الشغل راح اتركة
حيدر،،،عمي صلوا على النبي خلي نرجع للقناة ونحجي لأستاذ عدنان شصار ويانة وهو يتحمل هو الي ارسلنا واحنا صحفيين والنا حقوق وقانون حماية الصحفيين معنا استاذ عدنان هو اعرف شلون حيتصرف
ياسر،،،رجعنا ووصلنا بالليل وقابلنا استاذ عدنان وبلغنا بالي صار ويانا
استاذ عدنان ،،،مصيبة هاي الله لا يوفقكم ماعرفتوا تصرفون
روحوا لبيوتكم وممنوع تختفون هاليومين او تسافرون لأي مكان وخلوا اجهزتكم مفتوحة اخاف نحتاجكم وخلال 24 ساعة الجاية اذا ماظهروا او بين اي شي من طرفهم راح انبلغ عن اختفائهم
طلعنا ورحنا كل واحد لبيتة وجان اهل عبير يتصلون بينة ومنرفع ومنعرف بعد شنو راح نكوللهم
ياسر ،،وصلت الولد لبيوتهم ورجعت لبيت اهلي سلمت على اهلي وكعدت بغرفتي ظليت اتكلب مكدرت انام خطية عبير الله اعلم شصار بحالها كمت اكل بروحي جانت رافضة الشغلة من اصلها واني الي قنعتها تستلمها ظليت افكر الى ان نمت وماطلعنا ثاني يوم ثلاثتنة وبقينا على تواصل طول اليوم ونراقب الاخبار احد راح يبلغ من اهلة او اكو اي خبر عن اختفائة وماكو شي احتمال هم ينتظرون 24 ساعة يلا يتحركون
فيصل،،،باوعت لعبير شفتها غافية تأملتها شوي بعدين نزلت من السيارة وسديت الباب بهدوء اخذت بندقية الصيد الي جانت بالصندوق وظليت افتر بالصحراء وحاولت اضيع وكت واصيد ميار الشمري
عبير،،،كعدت ومالكت فيصل لبست حذائي وجان كعب ونزلت ادورلة شفتة من بعيد ديصيد ومكدرت اوصلة لان جان الكعب يغوص بالرمل ظليت واكفة ومتجية على السيارة واباوعلة جانت ايدي تكرص بية ومرات توجعني كامت تغورب الشمس وانقبضت روحي الليل موحش ويخوف بالصحراء وصوت الجلاب من تنبح مرعب كمت ادعي انه رب العالمين يسهل علينة باجر ونرجع لاهلنة سالمين بس من اباوع لفيصل اكول مااعرف شلون اصبر على فراكك واني تعودت على وجودك بحياتي
