للكاتبة ميار الشمري
عبير،،،جنت اسأل مرات من الورقة ومرات من عندي وكانت اجوبتة قصيرة ومختصرة
عبير،،،شيخ بالنسبة لمركزك ومكانتك كشيخ ورجل سياسي ومرشح لمجلس المحافظة شو مدأشوف الحرس والامن يحاوطوك مثل باقي الاعضاء والمرشحين حتى سائق لسيارتك ماكو شنو السبب؟؟
الشيخ،،،اسوق واباوع لطريق جان هذا السؤال مموجود من ضمن الاسئلة جاوبتها مااحس الها داعي الله الحافظ (يلحقكم الموت ولو كنتم في بروج مشيدة )
يعني من تجي منيتي ويومي راح يحموني الحرس والامن من قضاء رب العالمين
عبير،،،اكيد لا لكن الحذر واجب شيخ لواحد بمكانك
الشيخ،،،الحذر لا ينجي من القدر
عبير،،،بس اني شفت اكو حرس بيتك وبمنطقتك
الشيخ،،،طبعا لازم لأهل بيتي
عبير،،،الي افهمة ياشيخ معقولة ماالك اعداء او منافسين
الشيخ ،،لا شلون ماعندي وضحكت اصلا الي ماعندة اعداء فهو يعتبر انسان فاشل الاعداء هم دليل النجاح
اصلا بسبب الاعداء خسرنا الوالد
عبير،،تغيرت نبرة صوتة وكال ياريت بلا منحجي بهل موضوع واتمنى ينكص بالمونتاج ميار الشمري
عبير،،،اوك براحتك
وصلنة للمدرسة وكان حتى طلابها قليلين
والمدرسين ايضا قليلين تكلمنة مع المدير الي جان عوينجي وعيونة وحركاتة مو مريحة ميار الشمري
فيصل،،،جان مدير المدرسة والي هو جان مدرسني من كنت طالب عوينجي وهذا معروف عنة وعبير ماشاء الله عليها حتى العاقل متخلي براسة عقل كنت اراقب نضراتة الها من جوة لجوة وماصدكت على الله نخلص ونطلع
ياسر ،،،جيد شيخ شنو تحب بعد نصور اكثر الاماكن الي تتواجد بيها ؟؟
الشيخ،،،بالمضيف بس اكيد منكدر نصور بي وباوعت لعبير
ياسر،،ابتسمت اوك بم
راحتك زين امامن ثانية تحب تتواجد بيها هواياتك
الشيخ،،،احب الصيد وبأوقات فراغي اتواجد بالبر واحب اصيد طيور وارانب
ياسر جيد نطلع وياك هم فرصة نغير جو وهم نصور بهيج اجواء
الشيخ ،،،اوك نروح نتغدة هسة ونطلع ورة الظهر على البراد مو احسن
ياسر ،،،اوك على شورك شيخنا رحنة نركب سيارتنا اني والولد والشيخ ركب سيارتة لحكتنا عبير وهو ظل ينتظرها
عبير،،، من شباك السيارة تعالوا انتو كل عقلكم هسة وكت صيد شلون مو لازم نرجع يعني على هالحجي هم نبات اليوم؟؟
حيدر،،اكو اشكال اذا نبات عبير بالنسبة لأهلج؟؟ميار الشمري
عبير،،،لا عادي اتصل بيهم وابغلهم بس اشوف مامنها داعي وانتو بكيفكم
بلال،،،لج عبير خلي نغير جو هية فرصة طكت روحنة من الازدحامات والمدينة
عبير،،،دنكت وكتلهم اوك ماشي بس لازم اليوم نخلص ونرجع باجر
ياسر،،،الرجال دينتظرج خاتون فضيها
عبير،،،اوك اشغل المايك والسماعة لو ماحاجة؟؟ ميار الشمري
حيدر ،،،يباوع للولد اذا اكو مواضيع سرية لتفتحي عبير
عبير،،،كبر على تفكيركم الملوث لتعلموا منهم شلون يعاملون الانثى بأحترام ورقي
بلال ،،،رقي لو بطيخ ههههه ميار الشمري
عبير،،،ضحكت وعفتهم تقدمت لسيارة
الشيخ،،،جانت تتكلم معاهم عبير وحسيتها مزعوجة
ركبت وكالت اسفة خليتك تنتظر
الشيخ،،همست لا بالعكس براحتج نمشي
عبير،،،اوك وبكلبي اكول هذا شبي يحاجيني بدون يباوعلي صدك شي مزعج
جنت اراقب كل حركة يسويها جان من يسوق يظل يباوع على المرايا الجانبية والامامية لسيارة وكأنه يراقب الوضع جنت اكول بكلبي ليش هالمكابرة خو اخلي حرس وامن على نفسي صدك هالشيوخ مينحزلكم وتفكيركم صعب
وصلنة ونزلت وركعت الباب
الشيخ،،،استغربت من سدت الباب قوي حسيت اكو شي زاعجها
عبير،،،طبيت جوة وغسلت وجنت ضايجة لان ماجبت ملابس غسلت ملابسي وانتظرتها تنشف حتى ارجع البسها
ورة الغدة كلمنيياسر ع الواتساب وكلي تعاي لديوان حتى نكمل الحوار معاه
عبير،،،وين اجي لابسة برمودة غسلت ملابسي وانتظرها تنشف
ياسر ،،،صخام بعينج عبير لتجين لعد جايبة برمودة وياج دجيبيلج كلابية
عبير ،،يمة شنو كلابية حتى مااعرف البسها ولا لابستها بحياتي
ياسر،،،يلا لعد راح نرتاح ونام ومن نرجع بالليل نكمل تصوير اخاف باجر نطلع من الصبح
عبير،،،جانت اخت الشيخ فرات حبابة كلش يطلع عمرها 15 سنة كانت حبابة كلش ومجانت تتركني ابد وتحب تسولف وتضحك نطتني سماعات وشاحنة حتى اشحن جهازي ردت اخذها اخليها بجنطتي خليتها وبعدين طلعتها كلت خطية يمكن تحتاجها ضجت على نفسي خاصة من بعد ماشفت بجنطتي الجداحة والسكاير كلت لازم اغير طبعي حتى وان اطلب الامر اراجع دكتور نفسي ليش هيج اني والله كمت انقهر على حالي
بعدين سمعت صوت الشيخ ديتكلم مع امة وتدعيلة خطية جانت تدعي من كل كلبها انه ربي يحفظة من كل شر وتوصي بي كلمات اسمعها وكلمات لا
اجتي فرات وكعدت يمي وكالت راح تروحين وياهم للبر يصيدون
عبير،،،اي حبي تروحين ويانا
فرات ،،،ياريت بس لا شيوديني مااكدر
عبير،،ليش ماتكدرين
فرات ،،،البر بس رياجيل تروح هناك تتصيد واكيد الشيخ ميخليني اروح
عبير،،،اذا تحبين اني احاجي وان شاء الله يوافق
فرات،،،لااااا لا لا عفية لدكوليلة ميقبل اعرف بي
عبير،،،شدعوة هالكد يخوف الشيخ
فرات،،،فيصل صح حباب وحنين وطيب وتشوفي يشاقة ويضحك بس من يعصب يمة يصير يخوف
عبير،،،امممم ممبين عليه عصبي شكلة هادئ ميار الشمري
فرات ،،،هو تغير كلش من بعد وفاة والدي الله يرحمة
عبير،،،الله يرحمة شلون توفى والدج
فرات،،،دنكت وهمست اغتالوه مسلحين
عبير،،،يااا خطية الله يرحمة
فرات ،،،لذلك امي تخاف على الشيخ ومتريده يقدم على الانتخابات وحتى تخاف انه يطلع لأي مكان
عبير،،،اممم الله يحفظة ان شاء الله
فرات ،،،امين يارب
عبير،،،صفنت وكلت من هاي جانت تدعيلة وتوصي بي يجوز خطية خايفة عليه لان يريد يروح للبر هسة ياسر وحيدر وبلال شكد تعبانين ومتفكرون الا بنفسكم !!
