فيصل،،،نامت عبير بحضني وايدي على شعرها مشيت ايدي على خدها وشفتها اوووف شلون ملمسها يخبل ناعم ظليت افكر شلون بية مصار 5 ايام من متعرف عليها بعد متحمل احبها كلش هالحضرية طيرتلي عقلي بس هي لا من ثوبي ولا اني من ثوبها ظليت افكر شلون راح اتصرف من ارجع وشلون حتدخل عبير لحياتي تأخرت يلا نمت وماحسيت نفسي من غفيت
عبير،،،صارت الشمس بعيني الصبح وفزيت لكت ايدة بعدها على راسي ومتجي على باب السيارة ونايم تأملتة هو ونايم فدوة عبالك طفل ردت اعدل راسة بس كلت اخاف يكعد ظليت كاعدة اباوعلة ومدي احضنة واظل ابوس بي العمر كلة بعدين جبت خصلة من شعري ومشيتها على خشمة وخدة فتح تك عين وضحك
عبير،،،صباح الورد على الورد كلة جريت ايدة الي لابس بيها الساعة شكد الساعة يااا ب9 مو عالساس من الفجر نطلع
فيصل،،،يسعد صباحج عبورتي ابتسمت وكتلها تأخرت بالنومة البارحة يلا اجمعي اغراضج وخلي نمشي نزلت
عبير،،،اوك يلا جمعت االاغراض وشفت خاتمة وهمست اريدة
فيصل،،،ابتسمت فدوة الج كلي على بعضي كدامج وغمزتلها
عبير،،،ابتسمت وكتلة يسلملي كلك
لبس الحزام الي على الكتف وخلة بي سلاحة واخذ البندقية وتركنا السيارة واحسة كل شوي يباوعلها وعبالك ترك بنتة وابنة لزمت ايدة باوعلي وكلي ركزي على الاثر مالتها ميار الشمري
عبير ،،،جنت مااباوع كدامي ومركزة على الارض اتبع الاثر فجأة كال فيصل ياالله
عبير،،،باوعتلة وكلت شنو حبي
فيصل،،،واني مخلي ايدي على كصتي واباوع ليكدام مو كدامنا سيارات بعيدة لو اني غلطان ميار الشمري
عبير،،،اي يمكن بس كلش بعيدة نركض عليها لو ننتظرها تجينة
فيصل،،،لا يمكن سيارات حكومية راح تجي بأتجاهنا ماكو داعي نركض
عبير،،،وكف فيصل وجان ضايج
همست فيصل بيك شي ؟؟
فيصل،،،سلاحي ممرخص واني اشيلة دائما حتى احمي نفسي بي
عبير ،،،همست احفر حفرة وادفنة بسرعة قبل لا يوصلون واني اوكف كدامك ميار الشمري
وفعلا حفر فيصل ودفن المسدس
تقربو من عدنا ونزلوا الشرطة يهرولون وشايلين اسلحة
وجانوا الولد وياهم ركضوا علية وكلولي بيج شي عبير سلامات كتلهم لا الحمدلله مابية شي جان عمي وياهم اخو ابوية الاصغر جنت اكرهة ومشاكل احنة وياهم جان دائما ضد والدي هو وميحب امي ولا يحبني وجان جدا عصبي وشبه علاقتنة بيهم مكطوعة وجرني من ايدي وكال هاي تالي فلتان البنات والي ينطيهم على مزاجهم ويصرخ علية جانت عيني على فيصل.
الشرطة اخذوه وخلوه بسيارتهم وعمي جرني وركبني بسيارة الشباب وظل طول الطريق يحجي علية وعلى تربيتي وصرت عصبية وراددتة بالكلام وجنت اكول بكلبي ليش ابوية وامي مااجوي حتى يشوفوني وهذا عمي شذكرة بينة وليش هو الي اجة جان هذا الموضوع فعلا شغلني ونسيت فيصل وكلشي صار وياية
عمي ضوجني من كد ماحجة عني وعن تربيتي وبعدين كلي هذا الي ينطي البنية عين شكد دللج وتعب عليج وتالي مجلوط وكاعد بالمستشفى من وراج اني اتخبلت وظليت ابجي واضرب على راسي بعدين فقدت الوعي
ياسر فقدت الوعي وخابرت على الضابط وكتلهم منكدر نلحكم للمركز لان فقدت الوعي عبير وراح نوديها للمستشفى
فيصل،،،سمعت بيها فاقدة الوعي وخفت كلش عليها كلت هاي صار عدها ضعف عام لان تعبت ومااكلت شي صار يومين
اخذوني وحدي للمركز وجانت الصحافة والقنوات على باب المركز قبل لا اطب حاولت اغطي وجهي وجانو يسألوني ليش خطفت الصحفية عبير الكناني؟؟
والي يسأل شنو الغرض من اختطافها وانتي مرشح للأنتخابات؟؟
فيصل،،،دخلوني للمركز واني مصدوم من الحجي الي سمعتة كعدوني بغرفة وحدي وجنت افكر بهل مصيبة والاشاعات الي لحكتني دخل علية المحقق وضباط ويا اثنين سلمو علية وكعدنة بعدين بلشو يسألوني عن اختطاف عبير حجيتلهم الي صار ويانة من طلعنة للبر الى مااجونة كالولي احنا راح نضطر نخليك بالحجز الى ان تفيق الصحفية ونسمع اقوالها
فيصل خلوني بالحجز وجابولي اكل ومي بعدين عرفت الصحفيين 3 الي جانوا ويانة وعم عبير رافعين دعوة علية اختطاف مسلح مع سبق الإصرار والترصد.
جنت متأكد من برائتي وانه راح تجي عبير وتشهد نفس شهادتي بس هم جنت متأكد سمعتي صارت بالحضيض ومستقبلي السياسي اتبخر وكلشي سعيت الة انتهى بلمح البصر
عبير،،،،ماجنت حاسة بنفسي الا واني بالمستشفى وامي تبجي فوك راسي وعيت ومشكليلي مغذي جنت اهذي بأبوية كتلها يوم اريد اشوفة فدوة وديني الة
ام عبير،،،،حبيبتي بابا زين الحمدلله ليظل بالج اووف بنيتي شصاير بحالج حسبي الله ونعم الوكيل بيهم الجلاب وتبجي
عبير،،،جنت مامركزة بحجي امي شي اسمعة وشي لا وحتى جنت مكدر اشوفها زين ميار الشمري
فيصل،،،ظليت يومين بالحجز واجوني عمامي واقاربي للسجن ووكلولي محامي تعبت نفسيتي وكالولي والدتي مريضة وتريد تشوفني قدموا طلب بس يطلعوني حتى ولو ساعة من الحجز وتحت المراقبة بس حتى اشوفها وماوافقوا
