عم عبير ،،،ارتخى وسكت وكعد وكال بأمكاني اتنازل عن القضية بس بشرطين
فيصل،،، موافق عليها بدون مااسمعها
المحامي ،،،طول بالك فيصل خلي نسمع شروط العم شنو اتفضل عيني شنو شروطك ؟؟
عم عبير،،،10 ملايين تعويض وضرر عن كل الي لحقنا ومصاريف علاج عبير ووالدها
فيصل،،،دنكت وكلت موافق
المحامي ،،،هذا شرطك اعتبرة صار والثاني؟؟
عم عبير،،،يتزوج عبير ويخلصنا من الفضيحة الي اجتنا من تحت راسة حتى وان كان زواج شكلي وفترة من الزمن
المحامي باوعت لفيصل وكلت شنو رائيك
فيصل،،،غمضت وتنهدت وكلت موافق
بس هم عندي شروط
عم عبير،،،لا شروطك مامقبولة مامن حقك تشرط
المحامي هسة دسمعها ياعيني والك حق ترفض او توافق
عم عبير،،،اتفضل شنو شروطك
فيصل،،،تجيبلي باجر استقالتها من القناة قبل لا اعقد عليها واطلع اليوم قبل باجر
عم عبير ،،،موافق اطلعلك اذا تحب اليوم بس تعقد عليها واستقالتها باجر اجيبها الك وشوكت متحب تاخذها لبيتك اخذها
فيصل،،،اوك اسقط الدعوة وخليهم يطلعوني ومن تفيق عبير نعقد
عم عبير،،،لا لا عيني شنو الي يضمن متتراجع بكلمتك
فيصل،،،له له مو اني الي اتراجع بكلمتي اعتبر كلمتي مثل السيف ولو على كطع ركبتي مااتراجع بيها
عم عبير،،،اليوم اطلعك وباجر تجيب المبلغ واجيبلك استقالتها واتوكل عنها وازوجك اياها بالمحكمة
فيصل،،،صفنت بي شكد نذل لعد كتلة اوك ماشي
فيصل ،،،سقط الدعوة عمها ودفعت كفالة عن السلاح وسحبوه مني جانوا مجمعين اقاربنا ونص العشيرة واشتغل الطك والناس تهنيني بسلامتي وفرحانين بطلعتي ودخلوني بهوسة وزفة لمنطقتي ولبيتي وجانوا يكولولي شيخنا احنا بظهرك وماننطي بيك ولا نصدك كل شي نكال عنك وكلنا عد عيناك فرحت كلش وارتاحيت اهلي وناسي مانطو بية ويعرفون معدني بس جنت كلش تعبان وجسمي مكسر وحالتي حالة
من دخلت للبيت شفت والدتي حالتها حالة وبين الحياة والموت بس فرحت بشوفتي كلش
غسلت وغيرت ملابسي وكعدت يم راس الحجية وبوستها جنت من النوع السراني ومااحب احجي او اشكي همي
امي ،،،يمة والله ماصدكت اشوفك بعد والله بيومها كلبي حسني بس ماكدرتلك ولا كدرت امنعك
فيصل،،،دنكت يمة الحمد لله عدت على خير انسي يمة كلشي
كالت والدتي عمك متعب ماقصر هو ومرتة وبناتة ووكفولنا خوش وكفة ولوما هو جان اني حالي غير حال
فيصل،،،جزاه الله خير ربي يكثر من امثاله نعم العم ونعم الظهر
ام فيصل،،،واني حجزت بنتة زهور
فيصل،،،يمة مو وكت هالحجي الله يخليج
ام فيصل،،،،جان والدك حاجزها الك من هية وصغيرة وهاي وصيتة من قبل ليموت وانت تعرف هالشي كلش زين ومن صار الي صار وياك محد وكفلنة الا همة
فيصل،،،يمة انتي سمعتي بكل الي صار وياية والاشاعات والتهم الي لفقوها الي
ام فيصل،،،وليدي مو ثبتت برائتك واسقطوا حقهم وطلعوك
فيصل،،،يمة طلعوني بس بشروط
البنية الي جانت وياية هم معروفة وسمعتها صارت على كل لسان وهية ماالها ذنب اهلها طلبوا مني اتزوجها مقابل ان يسقطون حقهم
ام فيصل،،،عزة وخليت ايدي على خدي فيصل هاي مو من ثوبنة شلون تصير مرت الشيخ
فيصل،،،يمة شنو اسوي لعد فهميني؟؟
ام فيصل،،،اويلي عليك يمة وزهور ووصية الشيخ
فيصل،،،اجليها يمة مو وكتها هسة
ام فيصل،،،وليدي هاي الحضرية راح تنزل عكالك وتقل من شانك بين العربان
فيصل،،،يمة ماراح اتزوجها اذا متستقيل والبسها عباة وبعدين هو زواج شكلي فترة وينتهي كلشي
ام فيصل،،،نصيت وكلت والله يمة مااعرف شأكولك شور عمك وشوف
فيصل،،،ان شاء الله يمة
تكلمت مع عمي ابو زهور على وضعي كلة وشصار وياية
ابو زهور ،،،عمي انت نطيت كلمة الهم وكلمتك متثنى ووعد الحر دين منحقك اربع والشرع محللك وشيوخنا كلها تثني وتثلث وتربع هم لكن الحضرية اذا متكون كفو وتصونك وتصون عرضك وشرفك لتخليها على ذمتك ابد
فيصل،،،ان شاء الله عمي
ابو زهور،،،وشوكت ماردت زهور كبع واخذ وهي بنت عمك بعد مو غريبة ومقرية فاتحتكم من جان ابوك الله يرحمة بالحياة
فيصل،،،عمي اتشرف بنسبكم بس خلي تعدي هالايام على خير
ابو زهور ،،،والانتخابات فيصل
فيصل،،،نصيت تركتها وطلعت من عيني بعد كل الي صار راح انسحب واكتفي بالي صارلي والحمدلله على كل حال
فيصل،،،ثاني يوم بلغني المحامي فاقت عبير وماخذين اقوالها بس متقبل تنعرض للفحص ولان سقطوا الدعوة انغلق كلشي فأنت بعدك على حجايتك تعقد عليها
فيصل،،،اي طبعا مستحيل اتراجع لعبتهم هاي ولعبوها صح وحلال على الشاطر
المحامي اوك حضر المبلغ وتعال للمحكمة حتى نتصل بعمها
عبير،،،اخذوا اقوالي وحجيتلهم كلشي جان عمي بس يخزرني من طلعوا امي وعمي كالولي انه رفعوا دعوة على فيصل وشنو صار بي وانه عمي مااتنازل الا من شرط عليه يتزوجني حتى تسكت العالم وميظلون يحجون على سمعتي اتخبلت وصرخت على عمي حتى يطلع من حياتي وليتصرف من كيفة
طلع عمي وهو يصرخ علية وعلى امي كمت ابجي على الي صار مع فيصل
من تحت راسنة
وشلون فرضني عليه فرض
كعدت امي يمي تبجي عبير هو هذا احسن حل ابوج هم نفس رأئي عمج لتصدكين هين علينة بنتنة الوحيدة ننطيها لواحد مثل فيصل.
عبير ،،يمة ليش هيج تحجين على فيصل مو زين قبل يرتبط بوحدة مثلي ماما صعب واحد مثلة يرتبط بحضرية طبائعهم وعداتهم وتقاليدهم تحتلف عنا كل الاختلاف
امي ،،،اي اعرف لذلك شرط ميعقد عليج الا تقدمين استقالتج همجي
عبير ،،،،ميلام عاشت ايدة
ام عبير ،،،هاي شبيج تخبلتي عبير
عبير ،،،لا متخبلت بس هالقناة جان المفروض فيصل يرفع عليهم دعوة ويغلقها كلها نفاق وجذب واني اصلا بعد مااتشرف اكون بيها
وللقصة بقية،،،،،،،
