للكاتبة ميار الشمري
ياسر،،مابطلنة اسئلة واستفسارات من الشيخ
الشيخ فيصل،،،اني ماعندي شي اخفي او ازيف بي واخادع الناس الي تشوفوا امامكم وتحسوا اتكلموا عنة بكل صدق وموضوعية والصور ايضا افضل تكون عفوية وصادقة تصل لناس اصدق وافضل
ياسر،،،اوك شيخ انت كلت انه بنيت مدرسة ثانوية لان قريتكم جانت بس ابتدائية ومتوسطة
فيصل ،،،اي نعم اشرفت بنفسي عليها لان عانينة من جنة طلاب وجان اغلب الطلاب من يوصلون الاعدادية يتركون الدراسة بسبب صعوبة الوضع وذهابهم وايابهم للمدينة من صرت شيخ اول انجاز الي جان الثانوية والحمدلله كدرت انجح انه اخذ اجازة من الوزارة ببنائها
ياسر،،،جنت اسجل كلامة لسهولة كتابة مقال عنة بعدين
بلال،،،زين لازم نروح للمدرسة الثانوية ناخذلك هناك صور نوثقها مع الكلام ميار الشمري
الشيخ،،اوك باجر ان شاء الله اثناء دوامهم نروح للمدرسة
عبير،،،زين شوكت نسجل ونصور اللقاء
الشيخ ،،،براحتكم شوكت متحبون شنو تفصلون احنا نلبس وابتسم
عبير،،،نفس الاسئلة الي سألناها هسة عندك اعتراض عليها او اضافة؟؟
ياسر الاسئلة بالليل عبير نتفق عليها
عبير،،،ظلينة نتكلم الى الليل وقبل العشة كمنة نجمع الاوراق والولد التهوا كل واحد الي بكامرتة والي يكتب والي يسجل جان الشيخ مركز وياهم واعرف بي ميباوعلي ولا راح ينتبه شفت على الميز الي كبالي باكيت سكاير وجداحة مرصعة عبالك ذهب جانت عيني عليها من اول مكعدت سحبتها هية والباكيت مال السكاير بهدوء بدون محد ينتبه واعرف محد يمي ولا احد مركز علية خليتها بجنطتي وكعدت طبيعي
الشيخ فيصل ،،،جانوا الشباب مثابرين ونشطين ويحبون يسألون ويستفسرون على كلشي ارتحت معهم وكان التعامل معهم كلش سهل جنت متوقع بس شباب من اتصلوا بية لكن من طبوا للمضيف وجانت بنت معاهم ومن عاداتنا عيب الحريم يدخلون مضايف الشيوخ عاد هية مو حرمة عادية ولبسها جان جريء وحلوة كلش على الرغم مكدرت ارفع عيني بعينها لكن من خلال مالمحتها حلوة
بالليل قبل العشة جانوا الولد ديرتبون بأغراضهم وشبه اتفقنا على كلشي مااعرف شلون لمحت البنت سحبت فد شي كدامها جانت باكيت السكاير والجداحة مالتي خلتها بالجنطة مالتها اتوقعتها تدخن وخلصت عدها السكاير واحتاجتها فلذالك دنكت حتى متنتبه كلت حتى متنحرج مني وكأن شي لم يكن
عبير،،،رحت للنسوان داخل وتعشيت وياهم والشباب بقوا بالديوان مع الشيخ واهلة واقاربة جانوا اهلة حبابين وماتركوني لحظة من صارت الساعة ب10 قفلت من النعس خلوني بغرفة وغطيت بنومة من التعب
ثاني يوم كعدت على صوت صياح الديك وريحة المزروعات تخبل
تريكنة وبدلت نفس لبسي لان مجبت غيرة جينز كوبوي ازرك وكيمونة وردي قلع وفوكها سترة كوبوي قصيرة زركة وخليت مكياج خفيف ولميت شعري
اتصلوا علية الولد كالولي اذا جهزتي اطلعي ننتظرج
طلعت لكتهم واكفين مع الشيخ
الحلو بالموضوع جنت من احضر كلهم يدنكون وميرفعون عينهم علية بس الثلاثي الي وياية عيونهم متنزل الكاع هههه
ياسر ،،، عبير احنة راح نركب بسيارتنة وهاج المايك لبستة وجان الشيخ هم لابسة وهاي السماعة
ياسر،،،انتي تركبين مع الشيخ بالصدر واحنة نمشي بالسيارة كدامكم وبلال يصوركم من فتحة سيارتنة وهاي الاسئلة وخلي اللقاء عفوي ومو الا تلتزمين بالاسئلة الموجودة واذا صار خلل احنة بعدين نكصة بالمونتاج ونرتبة
الى ان نصل المدرسة دردشي معاه خوما بعيدة شيخ
الشيخ ،،،لا ان شاء الله مو بعيدة
الشيخ فيصل،،،ركبت وانحرجت من كعدت الصحفية بصفي بالصدر
عبير،،،كعدت بصفة وجنت ارتب بالمايك وخليتة من ورة ضهري حتى اخلي بأذني
الشيخ فيصل ،،،همست واني مدنك وبدون مااباوعلها وايد على السكان وايد على الهورن نمشي ان شاء الله؟؟
عبير،،،،كلت اوك نمشي واني اعدل بنفسي
وريحتة جانت تخبل ترست المكان جنت اباوع لتفاصيلة الساعة الخاتم الي بأيدة ازرار الدشداشة الي لابسها
كلة يخبل وذوووق شغلت المايك وخليت السماعة الي بأذني وجان مربوط مع الشباب بسيارتهم حتى ابقى على تواصل معهم
بلشنا بالحوار جان الشيخ مو نفس الثقة بالكلام والاسلوب الي جان عليه البارحة جان متلبك واجوبتة سريعة ومختصرة كلت هاي خجلان ومنحرج مني والبارحة جان منطلق اكثر من الشباب
