فيصل،،،صبحت الدنيا وفتحت عيني واشوف منظر متنساه عيني ابد عبير نايمة على بطنها وجانت لابسة برمودة حمرة والى الركبة وقلع اشتعلوو حطيت المخدة على راسي وج خافي ربج هاي شلابسة اويلي عليك فيصل كون تلتزم بكلمتك هاي اذا اول يوم وهيج اوووه
عبير،،،كمت اتكلب ادور على الدب مالتي الي احضنة من انام مالكتة رفعت راسي مستغربة المكان جان اتذكر اني وين رجعت حطيت راسي وتنهدت باوعت لفيصل بعدة نايم ومخلي المخدة علة وجهة كمت اخذت ملابسي حتى اسبح
فيصل،،،اباوعلها بتك عين ياربي متخلي عقل لابسة خلخال ناعم برجلها ورجلها مبرومة وبيضة
عبير،،،طبيت سبحت وطلعت لكت فيصل كاعد على الجرباية وصافن علية عفتة ودرت وجهي
فيصل،،،طبيت للحمام وراها ريحتة تخبل اباوع للكريمات والغسول والشامبو كلها مسطرتها على الرف غسلت وجهي وجنت اريد انشف وجهي جان الكاها معلكة ملابسها الداخلية وجانت تخبل دانتيل وفيونكات استغفر الله هاي ماراح تخلي بية عقل طلعت واني عاقد حاجبي
باوعتلها هاي هيج راح تطلعين
عبير،،،باوعتلة باستغراب ليش شبية
فيصل،،،لزمتها من ايدها وكعدتها على الجرباية عبير وضعج سابقا شكل وحاليا شكل ثاني خلي على الاقل نطلع من هاي الاتفاقية بلا خسائر
عبير،،شلون يعني مفهمت ؟؟
فيصل،،،عبير هنا اي تصرف منج راح ينحسب علية يعني لبسج تصرفاتج كلامج
اعرف هذا الشي يمكن صعب عليج بس لخاطري اذا جان عندي خاطر يمج الي صار وياية لحد هسة يكفيني طالبها منج انه تصونيني وترفعين راسي كدام اهلي وعشيرتي مااريد احد يجيب معدلي هنا
وهية فترة وراح تعدي شلون ماجان
عبير،،،تأثرت بكلام فيصل وكتلة الي صار وياك مو شوي ومستحيل اذيك اكثر
صح صعب علية بس راح اكون ملتزمة بكلامك قدر الامكان بس ماعندي شي البسة جايبة بس برمودات وتراكسودات ومااعرف البس غيرها
فيصل،،،راح اجيبلج من فرات والعصر اطلع اجيبلج
عبير،،،هزيت راسي بدون مااحجي
فيصل،،،رحت جبتلها من فرات كلابية لبستها بس جانت طويلة عليها وكل شوي تعثر اباوعلها واتحسر شلون هالبطة زوجتي ومكدر المسها ولا اتمتع بيها
عبير،،،اتمكيجت واخذني فيصل كعدت يم امة الظاهر جانت تعرف بأتفاقنا وتعرف مصار شي بيناتنة جانوا بنات كومة بالمطبخ ديطبخون رحت يمهم ووحدة منهم ظلت تخزرني وماحبيتها
كالولي شنو تعرفين تطبخين كتلهم اعرف هواية اكلات بيتزا معكرونة بالبشاميل ولحم بعجين
كامو يضحكون وكالوا والباجة والتشريب وغيرها
عبير،، لا اوي مااكلها ومنطبخها احنة
كالولي فيصل يحب هيج اكلات لازم تتعلميها جانت هاي البنية تخزرني من احجي او اضحك بس جانت سباعية وتشتغل كومة بس خطية هاملة نفسها وشكلها وريحتها محلوة
رحت للغرفة وبزعت من الكلابية طب فيصل كتلة اختنكت عفية
فيصل،،،ضحكت بس والله لايكتلج
عبير،،،اني شألبس يلوكلي القالب غالب
فيصل،، اباوعلها واكول والله صحيح
عبير،،،فدوة نظراتة تموت ليش هيج يباوعلي
جان اذا يريد يغير ملابسة يروح للحمام واني نفس الحالة
فيصل،،،بالليل مددت على الجرباية
عبير،،،وين عيني نام على القنفة
فيصل،،،والله لو تموتين عبير عظامي خشبت البارحة
عبير،،،لا عفية اني مااكدر انام على القنفة
فيصل،،،باوعتلها بتك عين وهمست اني ماطلبت منج تنامين على القنفة
عبير،،،لا بلة لعد وين راح انام ؟؟
فيصل،،براحتج بالمكان الييعجبج بس غير على الجرباية اني ماانام ترة
عبير،،،رحت للقنفة واني ادردم وخليت المخدة ونمت
فيصل،،،اباوعلها بتك عين شكد كوية وخشم
عبير،،،اريد انكلب مكدر اختنكت هاي شلون خطية نام عليها البارحة فيصل صدك مو مريحة ظليت اتكلب وكمت رجعت للجرباية ونمت عليها جان ماخذ راحتة على الجرباية فيصل وممخلي مكان يكفيني جنت راح اوكع تقربت منة كلت بلكي يسويلي مكان
فيصل،،،لزكت بية عبير وج والله مااسويلج مكان تعاي النوبة علية تعاي
عبير،،،هاي شلون بي بلا احساس راح اوكع اوي
همست فيصل عفية راح اوكع سويلي مكان
فيصل،،،لا اسمع لا ارى لا اتكلم وكأنه نايم
وبكلبي كلش فرحان
عبير،،تقربت منة اكثر ونمت
فيصل،،،نامت جان امد ايدي احضنهاكلش بس مااكدر فدوة شلون ريحتها عبالك ريحة الاطفال غفيت وعطرها بآنفاسي
