عبير،،،،رغم اني نمت كاعدة ومكدرت امدد جسمي بس جانت نومة من العمر صدك جنت احس احساس لا يوصف واني ع كتف الشيخ ومحوطني بخوفة وحنانة جنت اسمع دكات كلبة وجان كلبي هم يدك وغفيت بحضنة عبالك طفلة وغفت بحضن امها الي ماكو احن منها
فزيت الصبح وصارت بعيني الشمس فتحت تك عين وجنت نايمة على ايد الشيخ باوعتلة بتك عين لكتة داير وجهة على الصحراء غمضت واني مبتسمة وخليت نفسي نايمة ومديت ايدي عليه ورجعت حضنتة
فيصل ،،،جانت نايمة ومتدري بروحها رجعت حضنتني وخلت ايدها على ركبتي كام كلبي يدك وظليت على اعصابي ومكدر اتحرك
عبير،،،كمت اسمع دكات كلبة تتسارع فديت كل دكة من كلبك جان احساس كلش حلو متمنيت اتركة
فيصل ،،،اتنحنحت وعدلت كعدتي وفزت عبير
عبير ،،،همست صباح الخير وعدلت نفسي
فيصل ،،،بدون مااباوعلها صباح النور
عبير،، شكد الساعة هسة ومن شوكت كعدت
فيصل الساعة ب9 وكعدت قبل ساعة ظليت اراقب بلكي احد يعبر بس ماكو لحد هسة اي شي
عبير،،،،برطمت وظليت صافنة عليه وهسة شلون شنو راح نسوي ؟؟
فيصل نحاول ننتظر الى الظهر اذا ماصادفنا احد هنا نروح نمشي اذا تكدرين تمشين طبعا
عبير،،،اي اكدر امشي
فيصل ،،،تنهدت ورجعت راسي ليورة وكلت الله كريم
عبير،،،طلعت من جنطتي نستلة كلاكسي لان جنت اعشقها ومتفرغ جنطتي منها فتحتها وخليتها على شفته
فيصل،،،هاي شنو!! وابتسم
عبير،،،احبها كلش ومكدر بدونها انت مااكلت شي من البارحة خلي نقسمها بالنص تسندنا
فيصل ،،،ابتسمت وعيني بعينها اكلت منها وكتلها يسلمو وردة
عبير،،،جانت عيونة تسحر عبالك مكحلة ونظراتة دوخ كمت اذوب من يباوعلي كلت هنيالها الي تاخذ كلبك وتكون من نصيبها على هالحسن والاخلاق ميار الشمري
فيصل ،،،نسيت نفسي واني اباوعلها وهية تاكل وتباوعلي وتبتسم كلت شنو هالسحر الي بيها الله يستر اذا ظلينة اليوم نزلت من السيارة للصندوق وطلعت مي وغسلت وجهي وبللت شعري وشربت مي صحت تريدين مي
عبير،،،نزلت من السيارة وكلت اي اريد اشرب شربت ذبيتة اوي حار كلش
فيصل باوعتلها وضحكت احسن من الماكو
عبير،،،زين شلون بية واباوع لأيدي وللبطل ميار الشمري
فيصل،،،شنو ؟؟
عبير،،،اريد اغسل وجهي وايدي بس مااكدر ارفع ايدي هاي
فيصل ،،،هزيت براسي وكتلها راح اصبلج وغسلي بأيد وحدة
عبير،،اوك يسلمو صبيتلها غسلت وخلت على وجهة وبدت تغسل بي واني اباوع للمي شلون ينزل من وجهة على ركبتها على صدرها اووووه داريت وجهي على جهة شنو هالتعذيب مااتذكر صار هيج وياية قبل بحياتي كلها ميار الشمري
الاحاسيس الي دأحسها والرغبة الي تجيني تجاها والافكار الي دأفكر بيها هاي شبية اني وليش هالبنت بالذات
عبير،،،خليت ايدي على الجرح وهمست فيصل شو ديأذيني اخاف التهب الجرح
فيصل عقدت حاجبي وكتلها شو تعاي كعدت ع طارف المقعد الخلفي ورجلها بالارض واني واكف كبالها مدت ايدها وفتحتها جان ملتهب صحيح وملتصقة الغترة بالجرح
عبير،،،من فتحها جانت توجعني كلش ودموعي تنزل بلا مااحس من الالم
فيصل،،،افتح بيها وعيوني مركزة على وجهة واشوف دموعها على خدها حزت بكلبي دموعها وتأثرت كلش همست عبير لازم تتعقم هاي ملتهبة
عبير،،،،اعرف بس منوين نجيب سبيرتو تعقيم
فيصل ،،،اكو بديل بس اخاف متتحملي
عبير،،،رفعت شعري عن وجهي بأيدي وهمست بأستغراب شنو هو؟؟
طلع من الجك مجة مالت السيارة عطرة وكلي هذا
عبير،،،كلت لا عفية هذا عطر كحولي هسة يحركني
فيصل ،،،اعرف والله بس شنسوي لازم ياعبير يتعقم جرحج ماكو الا هالطريقة ميار الشمري
عبير،،،،سكتت ونصيت ابجي
كعد على ركبتة وخلي ايدة على خدي ومسح دمعي بأيدة وعيني بعينة من خلة ايدة على خدي جنت اباوع بعيونة وكلبي دكاتة بدأت تتسارع حسيت احاسيس غريبة
فيصل وكفت كبالها واخذت ايدها عليه ميار الشمري
عبير،،،غمضت وجنت لازمة ايدة الثانية وعاصرة عليها خلالي وكمت اصرخ من الوجع وصار وجهي على صدرة حضنتة قوي وبجيت جان عبالك سكين وتمشي على جرحي
فيصل ،،، كمت انفخ على جرحها لعل وعسى يبرد عليها شوي رفعت وجهة بأيدي وهمست اسف كل الي دتحسي والبهذلة الي انتي بيها بسببي
عبير،،،مسحت دموعي وكلت لا لدكول هيج كلة مقدر ومكتوب بس انت فيصل غلط هيج متأمن على نفسك بحرس او امن حالك من حال اي شخصية سياسية اكيد تكون مستهدف والك اعداءك
فيصل ،،عفتها وكعدت بالارض واتجيت براسي على السيارة وتنهدت اوووف اتمنى يكتلوني ويخلصوني من هالحياة المرعبة الي عايشها ومعيش الي حولية بيها
عبير،،،كعدت يم ركبتة وكلت اسم الله عليك لتحجي هيج
فيصل ،،،باوعت واستغربت لهفتها همست عبير انتي متحسين ولا تعرفين شلون عايش ولا مريتي بالي مريتة وعانيتة
عبير،، كلنا فيصل نفس الحال اني مرتين صدكني مريت بمواقف صعبة وجنت راح اوصل للموت اثناء تغطية حوادث معينة واني مجرد صحفية فما بالك بوضعك كشخصية سياسية وانت وضعك يختلف مو اي شخصية سياسية الي مثلك قليل لازم تاخذ حذرك وتحصن نفسك والي حوليك على الاقل لخاطر الي دينتظرون شخص مثلك يخلصهم من هالواقع المرير
فيصل،،،مو الي مثلنا ميعيش وبكل مكان يكصكصون جناحاتة
عبير،،،فيصل انت صح والي دتسوي صح واثق الخطي يمشي ملكا على الارض والمفروض متتراجع ولا تقل عزيمتك وتكون ثقتك بنفسك اكبر
فيصل،،،باوعتلها واحس كلامها ريحني وانطاني دافع وعزيمة وابتسمت كتلها ان شاء الله خير
عبير ،،وكفت ودخلت بداخل السيارة وكلت صارت الشمس كلش قوية
فيصل وكفت ونفضت ملابسي وكعدت يمها همست شكد الساعة تطلع هسة
عبير ،،،جهازي قفل خلص شحنة وجهازك؟ ميار الشمري
فيصل حتى جهازي قفل خلص شحنة بس ساعتي ضاعت جان عرفنا منها الوكت
عبير ،،،دنكت وخجلت كلش تمنيت لو الكاع تنشك وتبلعني وبدون مااباوعلة طلعتها من الجنطة ونطيتها الة وانهاريت بالبجي على نفسي والخجل منة
فيصل،،،باعي والله العظيم مو قصدي شي لتفهميني غلط بس احتمال البارحة من الربكة مالتنة ارتبكت من نزعتها وخليتها بجنطتج لان جنت مو بعقلي صدكيني
عبير ،،،رفعت وجهي وباوعتلة بأستغراب ياربي شنو هالطيبة الي بيك شلون هيج بررت الموقف بس حتى متحرجني شكد شهم وابن اصول لعد ميار الشمري
همست فيصل اني عندي مشكلة ميعلم بيها مخلوق الا رب العالمين بس مااعرف ليش مرتاحتلك واريد افتحلك كلبي
فيصل ،،،، اسمعج احجي عبير وان شاء الله اكدر اساعدج
وللقصة بقية ،،،،،،
