عبير،،،امي من شافتني شلابسة تخبلت هاي شمسوي بنفسج عبير هذا العربي شغير احوالج وج بنتي عبير جنج معيدية ليش هيج امي
عبير،،،حضنتها وبجيت على كتفها
ماما احبة حب فوك الوصف ولو يطلب روحي انطيها الة
ام عبير ،،،حسيت مو بنتي عبير الي كلها حيوية وتنبض بالحياة والي جان يتمناها ارقى الشباب شسويتي بنفسج ضيعتي مستقبلج وحتى نفسج
عبير،،،ماما اريد انام بحضنج مثل قبل حضنتها ونمت عبالك طفلة ودمعتي مانشفت على خدي
ام عبير ،،،جانت متغيرة عبير وصار لبسها كلها محتشم وصارت مواظبة على الصلاة ومتترك فرض
عبير،،،جان من يصلي فيصل يخليني اصلي وياه وكلي لازم تلتزمين بصلاتج لان جنت اكطع بعدين تعودت عليها وبعد مكدر حتى اتركها تعودت على لبس المحتشم ومن جنت اطلع البس محتشم رجعت تواصلت مع صديقاتي والكل كالولي شكلج متغير ع الحجاب
وصلت لقناعة انه رب ضارة نافعة صح خسرت اشياء بحياتي بس كسبت نفسي ولكت حالي من بعد مجنت ضايعة حتى من بعد معرفتي بفيصل تركت السرقة وشكد عشت وياه مافكرت امد ايدي على شي من بيتهم وهذا الشي فعلا ريحني
مرت الايام واجة الخميس وكضيتة كلة ابجي ياربي بس فكرة انه ارتبط بيها وراح تجمعهم غرفة وحدة تموتني معقولة راح تلمسها وتلمسك وراح تحس الاحاسيس الي تحسها من اكون يمك وهية راح تجرب وياك كلشي انحرمت منة
وابجي واغص بخنكتي خابرت على فيصل وجان وكت مغربية ردت اكلة فيصل لا تلمسها لا دوسها انت ملكي وحدي ومااقبل اي مخلوق بدنيا يشاركني بيك ولو بنظرة منك
مجان يرد كمت اضرب بوجهي واصرخ لا ياربي اكيد وياها كسرت جهازي وكلشي كدامي وكعدت بالزاوية اصرخ وابجي دخلت امي ملهوفة وخايفة علية حضنتها واني اصرخ ماما كلشي جنت اتمنى واريدة بالحياة ويعجبني جنت احصل عليه بأي طريقة حتى وان كانت بالحرام
زين ليش الي حبيتة وبالحلال مكدرت احصل عليه ليش !! ماما ليش
حضنتني ومجانت تعرف شنو احجي ولا فهمت حضنتني وكامت تدعي على فيصل واليوم الي تعرفنا بي عليه
فيصل،،،طول العرس مدنك ومهموم احس شي خنكني من ركبتي وكابس على نفسي ومن زفوني حسيت ديدخلوني لقبري دخلت وغمضت مجنت اريد اشوف شي تمنيت لو اكعد والكاه كابوس واخلص
بس للأسف جان واقع
زهور،،،،جنت طايرة من الفرح وكلبي جان راح يوكف من الفرحة من دخل فيصل جنت اريد اخذة بحضني وممصدكة صار زوجي
فيصل،،،غيرت ملابسي وهمست زهور راسي راح ينفجر اعذريني مكدر حتى افتح عيوني
زهور ،،،فدواتك شيخ سلامتك المهم وجودك يمي
فيصل،،،كامت زهور وغيرت ملابسها كدامي بس مارفعت عيني عليها ولا جنت احس بوجودها لان فتحت الجهاز ولكت مكالمات من عبير وصرت بغير عالم فدوة لكلبج ياغالية لو تشوفين حالي وينج عني مشتاق لضحكتج ولعيونج الوكحة
قفلت الجهاز ونمت
زهور،،،جان تعبان فيصل فدوة لحسنك جنت اصفن بي هو ونايم ممصدكة راح انام يمة والمسة لبست سيت نوم وطفيت الضوة وتقربت منة ونمت على كتفة
فيصل،،،جنت حلمان بعبير بحضني
زهور،،،من خليت ايدي على صدرة حضني قوي وباسني حسيت كلبي راح يوكف
كلبني ونام فوكي وفجأة مااعرف شصار
فيصل ،،،جنت احس بعبير بحضني واتفاعلت وياها جان عطرها مختلف ماحسيت الا بخشونة ايد زهور على ظهري الي جانت حاضنتني بيها
انصدمت ووعيت لنفسي ورجعت لمكاني
خليت ايدي على وجهي وتنهدت
زهور ،،،جان تعبان وهذا واضح عليه بس بوساته ونفسة وريحتة ظليت اطعم بيها الليل كلة وظليت افكر واتلمس شفتي وممصدكة باسني
جنت مستعدة العمر كلة ابقى هيج ويا بس كون اشوفة واحس بوجودة بحياتي
وجان الي مفرحني اكثر انسحاب عبير من حياتة
قصيدة من احدى الاخوات Allawy Prince
قصيدة بعنوان ليلة خميس
ليلة خميس ومانمت
كلبي وعيوني يمك
بنت الشيخ لابن الشيخ جبناها
حلال اعليك بت عمك
ي فيصل مانمت ليلي
فاتحتي وجودرت يمك
تخيل موقفي من زفتك لزهور
عزاية وباركو ل امك
احتراما للملح ماراح اكلك لا
صير بكبر همي وعاين لعمك
ماهمني الجرح باجر يروح يطيب
انة همي يفيصل تضمك تشمك
ي شيخ لخاطر الله توقف المشوار
أمك والخذوك ثنينهم بالنار
واليحضر عرسكم الله ليوفقه
