زوجتــــــي والتابعـــــة

Untitled Part 4

☆زوجتي والتابعة☆
بقلمي السيدة العلوية
الجزء4
ام بلال: صدك خية! وشلون دريتي
ام شمس: يمعوده بس اتمرض والرزق موشي رحت لهذا الشيخ سوالي فك كال علية تابعة..نافستني ..
ام عادل: دخيلك ربي ..
استمرت الاخوات بالتسامر لحد الصبح..

صباحا استيقظ عادل للصلاة..كان يمشي بهدوء متوقع ان الكل نائم ..ليسمع صوت خالته ام بلال:ها حبيبي ..ترى كلنا كاعدين ..
دخل ليصلي بالصالة وكانت زهراء وشمس موجودات..
زهراء: شمس امشي نطلع خلي عادل يصلي..
شمس: مايصلي ..قابل شمسوين احنه..
زهراء بصوت منخفض:امشي يمعوده الولد ماراح يكدر يصلي واحنه هنا..يلة راح اروح يم خالاتي..
بقي عادل كالعادة صلاة الفجر لاتفوته..
عند الصباح.. استأذن للذهاب للعمل..
بقيت ام بلال وام عادل لوحدهما بعد ان غادرت ام شمس وام زهراء كل منهما لبيتها...

ام عادل:خية عندي سالفة وياج وانتي جبيرتنه واكيد رأيج مهم...
ام بلال: كولي ..تدللين
ام عادل: شنو رأيج بزهراء ..
ام بلال سكتت كانما عرفت مغزى السؤال:والله مرتبة واني وياج ماتلكة احسن من عادل..
ام عادل: اريدج تفاتحين عادل انتي ..هو يسمع كلامج ويقتنع بي..
ام بلال: تدللين ..اليوم من يجي احجي وياه..

عادل: النوب اعرفها..منو هاي
ام بلال: زهراء بنت خالتك
سكت عادل فترة :خوش خالة انطيني ساعة افكر واردلج جواب..
كانما كان الوقت يمشي ببطء بالنسبة للخالة والام

♡عادل♡
زهراء خوش بنية واهم شي بنت خالتي ..خلي اتوكل على الله عزوجل وانويها..
عند العشاء ..جلس الثلاثة وعادل يراقبهما ويلاحظ قلقهما..
عادل:خالة اني فكرت بالموضوع ..وماعندي اعتراض ..بدأت الام بالزغاريد ..
ام عادل:يمة مقتنع لو لان احنه كلنالك ..خاف ماتهوى وماتشوفها كزوجة..
عادل: ليش مامقتنع..اني مادور حب وسوالف اني اريد زوجة مؤمنه والحب والتفاهم بعد الزواج ومستحيل الكه احسن من بنت خالتي..
ام عادل: الله يتمم بالخير يارب ..
عادل: خالة ابقي للخميس حتى نروح نخطب ومن نكمل اخذج للكوت اني ومناك اروح سفرة اجيب بضاعة..
ام بلال :وابو بلال شلون بي
عادل:ههههه اوف من الشياب والعجايز..اني اخابره وابلغة..

(داروا حوائجكم بالكتمان)
مقولة مااجملها وماابلغها..احيانا قد نختار الشخص الخطأ لنخبره وهذا خلاف الصواب..لانعلم مايضمره لنا ولانعلم نواياه ..الغيرة والحسد مفتاح للهلاك..من حق كل انسان ان يغبط الاخر اي انه يتمنى الخير لنفسه وللاخر بدون ان تزول النعمة عن الاخر لكن الحسد لااااا ..طريق موحش مثل الصحراء ..لانك تود ان تزول النعمة عن اخيك المؤمن ..شمس وزهراء صديقات وبنات خالة نعم لكن الانسان عندما يفتح بابه للغيره والحسد حينها تحل الازمة روحيا وجسديا..