زوجتــــــي والتابعـــــة

Untitled Part 2

☆زوجتي والتابعة☆
بقلمي السيدة العلوية
الجزء 2
بيوم من الايام جنت راجع للبيت تعبان لهذا رجعت من وكت..شفت امي ملتهية بشغل البيت وجدا جانت تعبانه..
عادل:يمة ارتاحي شوية ..ماعدنا بس اني وياج ..علويش هالتعب؟؟
الام: البيت يحتاج يابعد امك..ولازم الملم البيت قبل لايجن خالاتك اليوم..

عادل يبتسم بمكر:هااا يعني جاي تعبين علمود اخواتج مو علمودي ..واني اللي جنت محضرلج مفاجأة لعد خلص بعد ههههه
الام: هواني شعندي غيرك..بس اوف منك لو تقبل تتزوج..
عادل:من الكة وحده مثلج صايمة مصلية عود اخذها..
الام بفرح:هاااا ..صدك يعني اذا شفتلك هيج مواصفات تقبل ..
عادل :الله كريم ..يلة حجية جعت صبيلي..

بعد الضهر بدأت العوائل تأتي ..اول الواصلين بيت اختي ام بلال ..جلسنا وتسامرنا.
الام:اكلج شو هذن تأخرن بس لامثل كل مرة مايجن ويخلفن الموعد..
ام بلال تضحك:شحدهن اخسرهن عزيمة ..اني جاية من الكوت وهن اهل بغداد ويتأخرن ..
اثناء الكلام وانفتح الباب..وسمعنا صوت اختي ام حسين..
ام حسين:تخسرينه عزيمة مو ..فوك ماجايبين هدية لابنج علمود نجاحه هههه
ام عادل:هلة والله زارتنا البركة..
زهراء:هلة خالة ام بلال ..شلونج ..وبديت ارحب بخالتي وخالتي ام عادل حضنتها قوي كلش جنت مشتاقتلهن..(الخالة مث الام)
وبدأو بالكلام واني اساعد خالتي..
ام عادل:زهراء يمه كومي بدلي ..ريحة الطبخ هسة تلزم بملابسج وخابري على شمس شوفيهم وين صاروا ..صار المغرب وهن بعدهن..
وفجأة دخل عادل..الذي رجع من عمله ..
ام حسين :هلة بوليدي وحبيبي ..شلونك بعد خالتك..لاتسأل ولاتكول ..
عادل:اي والله حكج خالة ..بس وداعتج مشغول عندي بضاعة جاي استلمها