زوجتــــــي والتابعـــــة

Untitled Part 10

☆زوجتي والتابعة☆
بقلمي السيدة العلوية
الجزء10
ليلا رجعت للبيت ..سولفت وية امي وحجينا على التجهيزات اللي نحتاجها للعرس..
ثاني يوم جتي خالتي ام بلال ..
عادل: شلونج خالة حيل محتاجج..
ام بلال :كول حبيبي..
عادل: هم سولفتي وية زهراء..ليش جاي احسها بيها شي؟؟
ام بلال: ليش ..صاير شي؟؟
عادل:كل مااسولف وياها احسها متغيرة مو ذيج زهراء بنت خالتي ..وافكارها غريبة بربج تدرين وين تريد تروح ياصالون!!
ام بلال:ياصالون !!
عادل: مااعرف صالون بي رجل يعمل للنساء التسريحات..يعني هي متوقعتني هيج اني ..
ام بلال: شنووو!! شجاي تحجي شو هاي طالعة عيونها..اني الها..
عادل: المرأءة المؤننه مايشوفها بس رجلها وهاي زهراء هيج تفكر..مااعرف ليش احس مو زهراء اللي جاي تفكر..
ام بلال: معليك اني اسولف وياها..ومايصير خاطرك طيب..كوم شوفني غرفتك..
صعدنا وبدأت خالتي بالهلاهل..والفرح .
كنت ناسي قميص بخزانتي وفتحته وانتبهت بقع غريبة على ملابسي..اني مافكرت هيج لان اعرف عائلتي جدا...ولان اعرف ايماني وايمان امي بالله كبير..

موقف صعب ان تتعرض لهكذا شيء وبيوم مميز بالنسبة لك..بين صلابتي وشخصيتي وكياني وبين نظرات الكل المستغربة واولهم نظرات امي..
انا في دوامة لااحسد عليها..كانما ضربني احدهم على رأسي..كان المكان مزدحم..اردت فقط ان اجلس لكي اهدأ..كيف ساهدأ..ربي بحق الرسول ادركني ..معقول انني احلم ..اي حلم هذا ..صرت بعالم اخر ليعود بي صوت بلال..
عادل..عادل..احجي شبيك..
بلا وعي جاوبته: اخذني برة البيت بلال راح ينفجر راسي..
فعلا اخذني وابتعد بي وماجنت حاس بالطريق الا ان كال ..امشي نروح لموسى ابن جعفر ..
سكوتي كان دليل موافقتي..
عند الاختناق تحتاج الى طاقة عالية من النقاء والهواء العذب..طاقة تتنفسها لتعيد اليك الحياة..تخفف عنك وتزيح عنك..
شعرت وكانما الازدحام فتح لادخل وارتمي الى ذالك الطود العظيم..ارتمي الى احضان لم تتركني ولم تنساني..ارتمي الى عبق وريح من الزهراء..انه حبيب وابن من ابنائها البررة..
♥مكسور خاطري مولاي ..ادركني بحق امك ولاتتركني♥
ساعة مناجاة وحنين ودموع..هدأت نفسي وهدأت اعصابي..
بلال: هاخوية عادل..بشر شلونك..
عادل:الحمدلله..
بلال: شقررت..
عادل: بشنو..
بلال: راح تترك زهراء مو..
عادل: بغيرتك اسألك ..لو رجال عاف مرته بهيج يوم شراح يكولون الناس..

بلال: اول تالي تهمك الناس..
عادل:اي صح ماتهمني ويهمني بس ربي ..لهذا مستحيل اعوف زهراء بهالوضع ع الاقل هسة..