زوجتــــــي والتابعـــــة

Untitled Part 9

☆زوجتي والتابعة☆
بقلمي السيدة العلوية
الجزء9
عادل: يمة شبيها زهراء..
الام: شبيها ..اسم الله..
عادل: كل مااتصل بيها الكه وجهها مكلوب وكلامها قليل..
الام: خاف جاي تسمعها شي ادري بيك عصبي..
عادل : على بختج يمه..اتعصب بس مو عليها هاي يتيمة ..
الام: شكد احاول اكعد وياها الكاها خاتلة وية شمس ومن ادخل يغيرن المواضيع..
♡بداخلي عرفت العلة لكن ماكلت لامي..انتبهت انه زهراء مرتبطة بشمس كلش وتنفذ كلامها♡
عادل: ههههه مواضيع بنات اكيد ..
■نعود لشمس■
شمس: زوزه رحت للشيخ علمودج!
زهراء :ياشيخ يمعوده..
شمس: صوجي اساعدج..
زهراء: وشكال؟؟
شمس: اولا نطاني تبخيرات علمود اجي اليوم ونسويهن قبل صلاة المغرب..وكال اكو اشياء لازم تنكعيهم بالمي قسم للشرب وقسم تسبحين بي يومية الضهر..
زهراء: اي حاضر لعد..
فعلا جائت شمس وبدأت بتنفيذ تلك الامور وزهراء مقتنعة ان تلك الامور حقيقية وانها تسمن اوتغني من جوع!
شمس: لكن بقى هاي
زهراء:شنو هاي؟؟
شمس: هاي لازم نرشها بغرفتج مال العرس..
زهراء: مستحيل لااااا لاااا ..
شمس:لاتخافين اني عندي طريقة ..يمعوده حتى تفكج التابعة ..

  كل عروس قبل الزفاف تقوم بنقل كل اغراضها الى بيت الزوج ..

عادل(جنت فرحان بجية زهراء وفرحان اكثر لان راح اسعد امي ..مااكذب عليكم اكو احساس بداخلي انولد بيوم عقد السيد احساس الزوج بزوجته وحليلته..كلت خلاص الحمدلله ربي انعم علية وفضل عليه..تمنيت ابقى بس علمود اسلم على زهراء وبس لكن امي كان رأيها مختلف)
الام: حبيبي لاتبقى بالبيت من يجن خالتك والبنات..
عادل وعيونه تتوسل: ليش !!
الام: مايصير تبقى والبنان يريدن يصفطن غراض زهراء شعندك باقي..
عادل: تأمرين ..امر
الام: لاتخاف اني اسلملك عليها..هههههه

فعلا خرجت وبعدها جائت خالتي ام حسين وزهراء وشمس..
الام: حبيباتي عوفنلي اختي وانتن اصعدن رتبن الغرفة على راحتجن..
شمس(اول مادخلت للغرفة جذبتني لان جدا حلوة ونازكة والالوان روعة..بس حسافة هاي لزهراء وزاد الحقد بداخلي )
زهراء كانت ترتب وتنظم امورها ..
شمس : هسة لازم نرش هاي الاشياء..بس ع الزوايا..وشوية على ملابس عادل
زهراء متفاجئة: عادل!! ليش على ملابسه..
شمس: علمود يصير يحبج اكثر ومايشوف وحده غيرج..
زهراء:بكيفج..

◆عرفتم عيبي شنو كان..عيبي انه وثقت بشيء مزيف وابتعدت عن فطرة الايمان اللي بداخلي ..وثقت بشخص وسلمته عقلي ولغيت دوري وكياني..