زوجتــــــي والتابعـــــة

Untitled Part 12

☆زوجتي والتابعة☆
بقلمي السيدة العلوية
الجزء 12
بداخلي فرحت لما قالته زهراء..توجهت بعروستي وامي وخالتي لبيتي..
كانت خالتي تخاف ان تسبب لنا زهراء ضيق اخر..لهذا اصرت ان تبقى مع امي ..
الام:يمة عادل اخذ زوجتك وروحو ..واني واختي نبقى نتعلل..
♥موقف محرج بالنسبة لي ..امشي للغرفة وزهراء معي..لم المحها سوى مرة ..ربي انت تعلم اني كنت اغض بصري عن الحرام فبارك لي بماوهبتني من الحلال..
عادل:زهراء تكدرين تاخذين راحتج..اني راح اتوضأ ..فعلا خرجت للوضوء ولكي اسمح لها بان ترتاح في مكانها الجديد..
♥زهراء♥
كنت تعبانه كلش وراسي من الصداع واللي حدث اليوم خلاني مااكدر ابقى صاحية لهذا نمت..
♥عادل♥
طولت جوة بحجة الوضوء ولان حسيت لازم اتأخر حتى اتركلها مجال ..
بعد ساعة صعدت اصلي بغرفتي ..انتبهت لزهراء نامت بدأت اصلي وادعي ربي يساعدني واخذني الوقت الى ان صحيت على صوت زهراء وهي تصرخ...اول مرة اشوفها هيج مفزوعة ..حطيت ايدي على راسها :شبيج زهورة ..شكوو..
زهراء:(جنت احلم بأضغاث احلام ومن حسيت بعادل بديت ادفع بعادل لان تداخل عندي الواقع والحلم واصرخ:ابعدوها راح تأذيني ..راح تخنكني..

•°عادل°•
كعدت مفزوع لصوت زهراء..المسكينه كانت تحلم والضاهر كابوس..اقتربت منها اهدأ بيها ومسكتها قوي وبديت اريد اسيطر على حركتها حتى تكعد وهي تصرخ..ماعندي غير حل واحد يخليها تسكت من الرعب هذا..
بكل عسر انت معي..
بكل هم وغم انت معي
كياني ووجودي انت..
راحتي وحبيبتي ونجاتي..انت..بدأت اندب الصديقة الكبرى بديت الهج بأسمها المبارك..والصلوات الى ان حسيت بزهراء نامت ..ماتركتها بقيت يمها اقرأ ايات القرأن وادعي وهي بدت تغط بنومها..

قريب الفجر نمت وماحسيت بنفسي لان جدا ارهقتني الليلة الراحت..
زهراء:كعدت ولكيت خطية عادل غافي وهو جالس..قررت اغطيه واخرج انزل ..
لكيت خالتي وامي ..على الفطور ونزلت حظنت خالتي:سامحيني..
ام عادل:يمة ليش شكو وازعل من حبببتي وزوجه ابني..
اقتربت اسلم على امي لكنها دارت وجهها مني ..عرفت هي زعلانه ومقهورة مني..
زهراء:يمة..
الام: ولا نفس ولاتحجين وياي ..مااعتقد احد جبرج على عادل..انتي وافقتي بأرادتج..ليش هيج سويتي..فشلتيني يم اختي ويم الناس ..هسة اني شلون اكدر اعتذر لعادل..
ام عادل: على بختج..خية هو ابنج..شنو هالحجي..
بعدما سمعت كلام امي رغم ماكان قاسي لكن صحيح..دموعي لااراديا نزلت وبقت تنزل الى ان حسيت بشخص يضحك وراي ويقول: هاااا صرتن عمات براس زوجتي..
(تقريبا سمعت كلام خالتي وحسيت بيها شكد متأثرة..واني ردت الطف الجو لان شفت زهراء تبكي وهالشي مااحبه ..يتيمة خطية)
انداريت وحاولت اخفي عيوني عن عادل لكنها جانت واضحة جدا وتفاجأت بكلامه(معقول اكو شخص هيج..معقول مازعلان مني؟؟ وليش جاي يدافع عني رغم الموقف اللي صار بيوم عرسنا)
اه ياعادل شكد جاي تخليني اخجل من نفسي كدام اخلاقك..اتمنى اتمنى اكدر ارد معروفك..
الام:هلة بالعريس ..عمي شمسوين احنه..هي عروستك ماقبلت تفطر الا وياك..
انداريت لخالتي والخجل واضح :اي اي..
عادل: لعد يلة فعلا خل نفطر لان امج البارحة اكلت العشة وبالكذب ماكالت العريس ادزله لفة هههههه..
جنت انظر لعادل بدون ان ينتبه..هو ليش هيج دايعاملني ويتلطف وياي