زوجتــــــي والتابعـــــة

Untitled Part 14

☆زوجتي والتابعة☆
بقلمي السيدة العلوية
الجزء 14
فعلا تأثرت وضجت من كلام شمس لان توقعت ايمان زهراء وثقتها بالله اكبر ..بقت الاوضاع كماهي وبداخلي محتار شلون اوصل الى حل ..وبقت الكوابيس تجي لزهراء وكالعاده اهدأ بيها واقرأ على رأسها المعوذات ..لكن بداخلي متوجع وحزين..مثلي مثل كل رجل كنت احلم بحياة مستقره واحلم بزوجه تنسيني كل هموم الشغل ..وبداخلي شوق لكلمه طيبة من زهراء..بديت حياتي القديمة الصبح بالشغل والمحل وارجع للبيت وكذلك لكن بالي ماعاف التفكير..شلون اساعد زهراء ..شلون اخلصها من هالكابوس..

♥زهراء♥

من يومها واني نفس الوساوس ونفس الكوابيس تجيني ..خالتي قررت ماتدخل بحياتنا لكن جنت اشوف بعينها الحزن واضح..بداخلي اريد اوصل لعادل وابين احساسي الجديد ..بديت افرح بشوفته وبديت احس تجاهه بالاهتمام ..ليش لا هو زوجي ..لكن بعدني متردده بأمر التابعة الي جاي يخليني اتأذه ..أه ياعادل لو تدري بحساسي تجاهك بديت اتغير وبديت اريد اسعدك بس ماجاي اعرف شلون ..من جهة احساس الذنب تجاه شخص ماقصر وياي وبين صحتي اللي جاي تتراجع بسبب هالكوابيس والتفكير بالتابعة..

عادل: زهراء ..ليش وجهج اصفر؟؟بيج شي؟؟

لاول مرة حسيت بعادل حيل حنون وياي وماكدرت اسيطر على مشاعري وانطلقت دموعي:اي اي بية ..حيل تعبانه عادل حيل موجوعة ومجاي اعرف شاسوي .. وبديت اسولفلة من بداية الامر وهو جنت اشوف نظراته وهي حزينه لاجلي..

مسك ايدي بهدوء : ياطفلة ..والله انت طفلة ..معقول هيج ياعيني تظمين بقلبج كل هذا ..اي زين سولفي لخالة ..افتهمنا خجلانه مني بس من والدتج ليش ؟؟

نامي هسة واخذي اسبرين واهدأي وكل شي ينحل ..

تماما مثل طفلة فتحت عيوني تلمع من الدموع:صدك عادل تنحل وارجع مثل قبل..

عادل بابتسامه:مثل قبل شلون ..وحبيت امزح..