زوجتــــــي والتابعـــــة

Untitled Part 11

☆زوجتي والتابعة☆
بقلمي السيدة العلوية
الجزء11
بلال: عفية عليك ..
عادل:خل نرجع ..اكيد قلقوا هسة...
فعلا رجعنا ..شتان بين الامرين قبل ساعات اصوات الفرح والحلوى..والان كأنما جنازة وحزن وكأبة..
كنت متردد بالدخول..وفعلا خليت بلال يسبقني ..وكعدت بالحديقة..وفجأة اسمع صوت شمس..
:لاتضوج عادل..ماتستاهلك..
عادل:( قررت امسك اعصابي وافوت عليها الامر)منو كالج ضايج..وبالعكس زهراء نعم الزوجة ..
شمس:بس هي ماتستحقك ..انته احسن منها بهواي..
عادل:اترخص وبعدين هاي مسائل شخصية بين رجل وزوجته..

تركتها تجر اذيال خيبتها وربي وفقني لهذا..دخلت للصالة لكيت الكل مجموعين..
بلازحمة اريد زهراء وامي وخالتي ام حسين بس يجون وراية للغرفة ..
●نعود بالاحداث بعد ان عرفنا رأي الكل ..خل نشوف رأي زهراء●
فعلا مو اني ..انسانه ثانية كنت وتصرف اليوم برهن الي انه اني ابتعدت عن ربي..بس بعدني مرتبكه ماعرفت شلون تصرفت هيج وليش هيج جازيت الكل بهيج حزن..جنت اشوف نظرات امي بين العصبية وبين الصدمة ونظرات خالاتي المصدومات..ليش هيج سمحت لنفسي بهالتفكير..مسكين عادل ..عمرة ماسمعت عنه كلمة هسة اجيت وكمت اصدك بالفنجان والتابعة..امي ابد مااقتربت يمي ..واللي توقعت راح توكف وياي وتساندني ...تركتني وجنت احسها مبتسمه وفرحانه..
◇◆نعود ◇◆
الام:يمه وين رحت..
عادل يبتسم بصورة واضحه ليستغرب الكل: رحت ازور وية بلال..شبيكم شصاير شو كلبتوها كأبة وبداخلي اكول(لازم اصير قوي ومااخلي هالازمة تتغلب علية اني مؤمن والمؤمن مبتلى)
ام حسين: شبيك وليدي..
عادل:مابية خالة وداعتج..بس خل نشوف زهراء شتحب واني حاضر..
الخالة: فوكها تدلل زهراء؟؟ لاوالله اكسر راسها ..
عادل:(وجهت كلامي لزهراء بدون ماانظر الها..بداخلي متألم من الانسانه اللي اختاريتها )

عادل: اني اذا تركتج اليوم ومثلما طلبتي ..راح تتأذين يابنت خالتي..محد راح يصدك اللي صار وهواي راح تطعن بيج وبأخلاقج وهالشي اموت ولايصير لسببين اولها انت يتيمة..والثاني انتي عرضي ولحمي ودمي..فيابنت خالتي اللي اطلبة يمر اليوم وتجين يمنه معززة مكرمة..لحد ماالله يأذن بالفرج..شتكولين..

□زهراء□
انتبه الى عادل لاول مرة بحياتي ..انكسار وقوة ..من اين له كل هذه الصلابة..رغم كل حياتي التى كنت اراه بها وتصرفاته وكل شيء عنه لكن الان اراه بشكل مختلف.. طوقني بطوق وفضل لن انساه ماحييت..كان خائفا على سمعتي اكثر مني وحريصا علي رغم مافعلت..قلة من الناس من تذوبه المصيبة ليخرج بأبهى صوره واروع صورة..كم كبر بعيني وكم صغرت بعين نفسي

بصوت خجل:موافقة اني